Madaxweynaha Somaliland oo xil u magacaabay Aqoonyahan Axmed Xasan
Carwo
Hargeysa December 29,2010 (TNN)- Madaxwaynaha Jamhuuriyadda
Somaliland, Axmed Maxamed Ma xamuud (Siilaanyo), Digreeto uu soo
saaray waxa uu magacaabay Aqoonyahanka Axmed
Xasan Car wo, inuu noqdo la-taliyaha
madaxweynaha ee Arrimaha Dhaqaalaha, Ganacsiga, iyo Maalgashiga ee
JSL .
Mudane Axmed Carwo , oo haysta shahaadada MSc,
kana qaatay
Jaamacadda London ee caanka ku
ah culuumta dhaqaalaha ( London School of
Economics- LSE), ayaa isla markaas ka mid ahaa tirarka ugu
weyn ee loo aanayn karo inay qayb libaax ka qaateen guusha xisbiga
Kulmiye, isagoo qoraalo iyo talooyin noqday hal-ku-dhigyada xisbiga
lagu xusuusto.
Waxa tan loo arkaa inay waxtar weyn ku yeelan karto xoojinta dhinaca
arrimaha maaliyadda iyo dha qaalha oo xagal daac ka muuqdo. Waxayna
ku soo kordhinaysaa xukuumadda Madaxweyne Siilaanyo waayo-aragnimo
siyaasadeed, biseel odaynimo iyo aqoon sare.
Waxay digreetadu u qornayd sidan:
“Digreeto Magacaabid:- No.084/2010 Taar 13/11/2010
Madaxwaynaha Jamhuuriyada Somaliland.
Markuu akhriyay : Qodobka 90-aad faqradiisa 3-aad ee dastuurka
Qaranka Somaliland.
Markuu Tixgeliyay: Ahmiyada ay la taliyeyaasha qaranku u leeyihiin
dhismaha
qaranka.
Markuu arkay: in
baahi wayn loo qabo buuxinta jagadan.
markuu ka fiirsaday : kartida, aqoontiisa iyo hufnaantiisa shaqo.
markuu ku qancay: in uu hanan karo xilalkan loo magacaabay.
wuxuu go'aansaday:
In Mudane Axmed Xasan Carwo ahaado La-taliyaha Madaxweynha Arrimaha
Dhaqaalaha, Ganacsiga iyo Maalgashiga.
ALLaa mahad leh.
Madaxwaynaha Jamhuuriyada Somaliland Md. Axmed Maxamed Maxamuud.”
M Haragwaafi
Wariye Madaxbanaan
haragwaafi4@yahoo.co.uk
|