Imisaa Nin caalima
Cilmi iyo aqoon dheer
Cudud iyo Awood badan
Camal fiican haystoo
Inta uu ciyaar tagay
Cadaloolka fiidkii
Ka calmaday gayaan wacan
La caweeyay gaafkii
Cagta saartay sheekadda
Canab iyo ayaan iyo
Cawo Dumar ka Caashaqay
Caynba cayn aduunyooy
subax waliba caynkeed
calafna waa halkiisee
calmashada nin beri hore
intuu cashaq meel dhigay
cadaloolka fiidkii
cugashada yaqaanoo
cuskanayaa calafkuna
Ku casuumay meel kale
Waa Calaf Aduunyoo
Lama wada casheeyee
Carshigay ku Qorantee
Ciduu eebe siiyaa
Cirka Sare ka cokantee
Calafkiyo jacaylkuna
Waa Laba cadaawe ah
Cimrigood Colaad dheer
Caadadoodu noqotee
Allahayoow Cishqiyo iyo Calaf
Midnaba Caadil ha jabin.
|