Farriin ku socota: Yusuf Cabdi Gaboobe
Mulkiilaha joornalka Haatuf
Waa shirkii
guud ee SNM 1983.
Sawirkuna waa Guurtidii ugu horreysay oo salaadiin, cuqaal iyo
oda yaal wax garad ah.Waxaa odayaashaa sawirka ku weheliya
dhallinyaradii shirka ka qayb galaysay ee dibedaha ka kala yimid.
Shirkuna wuxuu ka dhacay magaalada
Herer ee dalka
Itoobiya
Yusuf Abdi Gaboobow,haddii lagu iibsaday, siday leeyihiin, maxaa
adiga markasta kaa fogeeyay koox da maqaaxidu u shidan tahay?
Adigoo da’ yar oon dalkaba arag oo Gadar deggan, goor uu dadka
badankiisu hurday, ayaad dulmigii Siyaad Barre ku hayay guudahaan
dadka Somaalyeed, gaarahaanna shicibkii gobalddii waqooyi u adkaysan
weyday ood ka dhiidhiday. Markii aad ka soo laabatay shirkaas aad
qayb gashay, ee aad sawirkiisa dhexda ka muuqato, waxaad adigoo
adeegsanaya mihnadaada suxufinimo, afafka qalaad ugu soo bandhigtay
reer Gadar iyo Caalmkaba xumaantii iyo dulmigii Afweyne nagu falayay.
Dalka iyo dadkaba in yar baad ka taqiin, haseyeeshee waxaad dhab u
aaminsanayd in isir ahaan dal iyo dadkan ka soo jeeddo.Waxay taasi
ku ogolaysiisay, hadda sandulle kugumay ahayn ogow, in ku difa
acdo qalinka dulmigii faqashtu nagu haysay.a. Waxaanu hiilkaad noo
gashay kugu kacay in lagaa mu stafuriyo dalkii aad iqaamadda
ku lahayd eed maamuuska iyo sharafta kaga shaqaysanaysay. Waxaa si
weyn uga shaqeeyay mustaafurintaada safaarraddii faqashta u fadhiday
Gadar. Waxaad ku sigatay ood ka badbaaday adiga iyo Ahmed Xasan
Cigaal’ba , in gacanta la idinka geliyo Faqashtii. Mahad waxa leh
Allaha weyn ee idinka ceynaanshe!
Adigoo kuu suurtagal tahay in adduunka kaga noolaato meel kasta oo
kale, waxaad doorbidday ina ad ku biirto Jabhaddii SNM’ta.
Iyadoo dad badan oo la dhibay, la dhacay ama la jidhdilay u
dhaqaaji nna, waxaad garatay inaad qaaddo qori aan mihnadaadii ahayn.
Waxaad doorbidday inaad ka halg anto dhul iyo degaan colaadeed
oo aanad aqoon u lahayn. Waxaad ka mid ahayd ee kooxdii yareed ee
naftood –hurayaasha ahayd ee isku soo shubay Burco iyo Hargeysa, si
ay u xoreeyaan guryaho oda iyo dadkooda. Maqaaxida Inanta
markaydun maraysaa, waxaad ku dhadhabaysay : Waar ma Hargaysaa?.
Ogow inaad ka joogto koox faro ku tiris maanta ka noolyihiin, oo ay
ummaddani u hayso abaalka dhaxal galka ah oo aan duugoobayn! Intii
ku hoyatay ILaahay ha u naxariisto, intiina weli noolna Ilaahay
cissi iyo sharaf haydinku noolaysiiyo!
Markii aad xorayseen dalkii iyo dadkaad nafta u hurteen, waxaad
adigu ku toostay ood isku xilsaart ay sidii aad mujaahidiintii
naafada ahayd iyo agoontii aad u abuuri lahayd xirfadu ay ku
shaqaystaan. ( Waa SOOYAAL). Runtii
umaad hanqal-taagin xilalka dawladdeed ee wasiirnimada leh,
maariiyaha leh ama ciidan ah adigoo intaba u qalamayay. Kumaad
cidhiidhyin xukunnadii yimid boosaskan loo wada gablaynayo ee laysku
wada seegay, maantana nin raadsaday uu u dudaya ma tihid. (
Walaal kaa Baashe markuu guuddoomiyaha
olalaha Maroodijeex ee Kulmiye ahaa, horteedbaa fari kugu gudnayd oo
ma tihid mid u cadhooday walaalkaybaa boos la siin waayay. Haddii
boos micne leeyahay kuwo badan oo hayb wadaagtaan waxay ka buuxaan
dawladda oo meelo sarsare ayay ka hayaan. Nasiib wanaag, nin hayb
iyo habrasho midna uga leexda xaqa ma tihid!). Waxaad ku ekkaatay
mihna dii aad aqoonta sare u lahayd, suxufinimada aad jeceshahay!
Waxaad heegan u ahyd inaad dadka wacyigood koriso, garaadkooda kor u
qaado, tilmaanto galdaloolooyinka shicibka iyo xisbiyada, was
aaradaha iyo madaxtooyada, qalinkana ku difaacdo cadowga dibedda.
Bulshada akhrida wargaysyada aad maaulaha ka tahay waxay qiraan
inaad siiso war waafiya. Waxa tusaale kuugu filan ummaddii meel laga
maro la waayay,ee gudo iyo debedba kaaga kacday markii lagu dulmiyay.
Mamulna qalad kama nasahna, sibiq ama kas iyo maan ha uga dhacee.
Waxaad horta agnayd ood ku muruxday qaladaadkii tirada ka
baxay oo ee ka dhacayay maamulkii Riyaale. Waa la wada ogyahay in
rjiimkaa hayb nin aad isugu xigteen Wasiirka arrimaha gudaha ka ahaa.
Kuma qaad in qiirada qabyaaldeed oo kamaad duwin weedhaada
meel kastoo qallooc ka aragtay! Rijiimyadii soo xukumay dalkan
ammaan iyo dhalliil waxay lahaayeen sidaad u aragtay baad uga
warrami jirtay. Ammaan kumaad helin wanaagga aad ka sheegto, laakiin
dhib, cay iyo xarig laf jab ah oo cadaawad ah ayaad si joogta uga
helaysay dhallisha aad tilmaanto.Hadda dadka badankiiso aday kula
socdee en, Hase yeeshee qaar ka mid ah Kuwii sacabka kuu tumayay
shalay ee lahaa saxaafadda xornima deeda ha la ilaasho, maxay
maanta kuugu orinayaan ee ay u doonayaan in la xakameeyo? Kuma
qabato inaad shariif noqoto markaad wax ka sheegto nimanka ay
diidanyihiin, nin waalan oo qayrul-mas’uul ahna ku soo dhacdo
haddaad iyaka wax ka sheegto! Taas micnaheeddo waa aan ku lahaado.
Dadku wuu kuu ogyahay dadaalkaagii suxaafinimo halkuu magacii S/land
gaadhsiiyay, Madaxda dalal ka eed u soo bandhigtay kiiska
S/land, baasaaboorka S/land ood u bilowday in laga aqbalo
adduun ka, shirarka suxufiyaasha adduunka oo aad ka massishay
S/land.
Nin la didsado ka fogid. Cayda laguu miisay iyo colaad laguu
muujiyay way ku ruxday, kuma se riday so. Ku adkow mabda’aaga
inaad u adeegto bulshada, wararka naga soo sii wixii waxtar iyo
wadeeco ah ee ay ku sugantay bulshado. Shirkadaha dalka ka jira
manfaca iyo dibta ay u leeyihiin dalka wax ka qora. Hay’adaha iyo
wassaaradaha u kuurgala oo ka faallooda waxqabakooda, baarlamaanka
iyo guurtidan ku badiya cagta oo hawshooda iyo waxtarkoodu halkuu
maalinba marayo gude iyo qurb aba la socodsiiya. Madaxtooyada
si laxaad le ula socda illeen waa rugtii dalka laga hagayee. Haka
nasanina ee soo tabiya kooxdii gasha iyo tii ka soo baxdaba, kuna
adkaada karaamada suxufinimo leedahay.
Wabillahi Tawfiiq
Mahamed
Dirir Burcawi
Jameeco M G |
|