Madaxweynaha j.
d'jabouti oo loo ogolaaday in uu isa soo rashaxo mar 3aad
Djibouti (TNN)-Golaha
Baarlamaanka Jabuuti ayaa ansixiyey mooshin ahaa in wax laga bedalo
distoorka dalkaas, iyada oo la ansixiyey qodobbo dhawr ah oo mid ka
mid ahi dhigayo inuu Madaxweynaha Jamhuuriyadda Jabuuti ee hadda
xilka haya Ismaaciil Cumar Geelle uu mar saddexaad isu soo taagi
karo tartanka doorashada, halka markii hore distoorka dalkaasi
og olaa in laba jeer oo kaliya Madaxweynuhu is sharixi karo.
Guddoomiye Ku-xigeenka labaad ee Baarlamanka dalka Jabuuti Md.
Xuseen Cumar Kawaal iye, ayaa sheegay in dalka Jabuuti horumar
gaadhay, isla markaana ay laga maarmaan tah ay in distoorka
dib loo furo, si loo waafajiyo xaalada maanta, maadaama sida uu
sheegay Md. Kawaaliye la sameeyey distoorka dalka 1992-kii.
"Fadhiga maanta waxa dib loogu eegayey distoorkii dalka u yaallay,
dhawr qodob ayaa la taabtay oo la casriyeeyey, waayo sharciga waxa
la ansixiyey 1992-kii, maantana waxaynu maraynaa 2010. Markaa
wakhtigii intaa u dhexeeyey wax badan baa isbedalay, dunidu sidii
hore maaha, reer Jabuuti laftoodu horumar bay gaadhaan, markaa si
loo waafajiyo waxyaabaha isbedalay la waafajiyo, waxyaabaha
qaarkoodna laga bedalo ayaa goaan lagu gaadhay, si loo waafajiyo
casriga, ulana jaanqaado dastoorka Jabuuti is beddalada jira." Sidaa
ayuu yidhi Guddoomiye ku-xigeenka labaad ee Baarlamaanka dalka
Jabuuti oo galabta u waramayay Idaacadda VOA laanteeda Afsoomaaliga.
Guddoomiye ku-xigeenka 2-aad ee Baarlamaanka Jamhuuriyadda DJabuuti,
waxa uu ku doo day inay Baarlamaan ahaan waajibaadkoodii shaqo
guteen, dastoorkana ay fureen, isla mar kaana wax ka bedal iyo
kaabis ku sameeyeen, balse waxa kaliya ee hadhsani yahay sexeexii
iyo ansixintii Madaxweynaha Jabuuti, kaasoo marka uu Madaxweynuhu
baasgareeyo dhaqan gal ka noqonaya dalkaas.
"Baarlamaan ahaan waannu u codaynay, laakiin waxa hadhay in
Madaxweynaha Jamhuuriy adda Djabuuti uu saxeexo oo uu ansixiyo
sharciyan. Waajibkii annaga Baarlamaan ahaan na saarnaa waannu
gudanay, shaqadayadii ayuunbaannu qabsanay." Ayuu hadalkiisa
raaciyey Guddoomiye ku-xgeenka 2-aad ee Baarlamaanka Jabuuti.
Waxa uu Guddoomiye ku-xigeenka 2-aad ee Baarlamanka Jamhuuriyadda
Jabuuti Xuseen Cu mar Kawaaliye oo faahfaahin ka bixinaya inta
jeer ee Madaxweynuhu is-rasharixi karo, dada loo baahan yahay inuu
noqdo iyo dada aan la dhafi Karin, waxa uu yidhi; "40 jir illaa iyo
75 jir, haddii Illaahay ku simo, caafimaadkiisana qabo way u furan
tahay inuu qofku Madaxwe yne isku sharaxo, haddii shacbigu
jeclaado oo dadweynuhu codkooda siiyaan ama doortaan, wax u diidayaa
ma jiraan, sharciguna waa furan yahay."
Guddoomiyuhu, waxa uu intaa ku daray oo uu sheegay in qodobbada
dastoorka ee ay bedal een uu ka mid yahay qodob dhigaya qof
laba dhalasho haystaa inaanu Jabuuti Madaxweyne ka noqon Karin,
balse qofka Madaxweyne noqonaya looga baahan yahay inuu yahay qof
re er Jabuuti ah oo kaliya haysta dhalashada Jamhuuriyadda DJabuuti.
Si kastaba ha ahaatee, Mucaaridka Jabuuti iyo dadka ka soo horjeeda
Siyaasadda Madaxwe yne Geelle ayaa si weyn uga soo horjeeday
in Madaxweynaha Jabuuti dastoorka loo furo si mar saddexaad uu isugu
soo taago doorashada Madaxtooyada ee dalkaas, ka dib markii laba
jeer oo hore la soo doortay, iyada oo dastoorkii hore ee wax ka
bedalka maanta lagu same eyey ogolaa kaliya in Madaxweynaha
dalkaas laba jeer wax ka badan aanu doorasho isu soo taagi Karin.
Source: Ramaasnews
|