JAGADA
MADAXWEYNANIMO OO KA BANAAN SOOMALIYA
ku: Dhamaan warbaahinta xorta ah.
Ku. Dhamaan Ummada Soomaliyeed.
Dhamaan shacabka Soomaaliyeed waxaa lala socodsiinaayaa in ay
Soomaliya ka banaan tahay jago amase shaqado muhiim ah ,taas oo ah
QOF MADAXWEYNE U NOQDA SOOMALIYA.
SHAHAADOOYINKA :-
Shaqsiga soo doonaya shaqadan waa in uu haystaa shahaadoonkan amase
uu aqoon fiican u leeyahay:-
Maxaakiimta
Ahlu-suna wa jamaaca.
Al-shabaab.
Mujaahidnimo
Dagaalka sokeeye.
Waa in uu aqoon dheeraad ah u leeyahay burburinta wixii ka hadhay
Soomaaliya,xataa hadii ay QABUURAHA tahay,abaabulka ciidan diimeed
iyo kicinta qabaailka uu ka soo jeed,isagoo isticmaalaha CUMAAMAD UU
MADAXA KU DUUBTO.
SHAQADA UU QAABANAYO.
Waa in uu soo dhisaa dowlad sal-balaadhan Dowlad loo wada dhan
yahay,Dowlad ay iska wada dhex arkaan dhamaanba kooxaha Diimeed ee
ka jira dalka ,waan in dowladaasi ay raali gelisaa dowlado,qarsoon,
waa in ay u hanjabtaa Dowladaha deriska ah iyo kuwa fogfogba,waa in
dowlada uu soo dhisaa haba yaraatee aanay raali gelin dadka
Somaaliyeed meel kasta oo ay joogaanba.
Dowlada la soo dhisaaa waa in waxqabadkeeda ay ka bilowdaa ,joojinta
QAADKA-CABIDA SIGAARKA DAAWASHA FILIMADA-DHEGAYSIGA HEESAHA-IYO
DUMINTA QABUURAHII mudada dheer la SIYAARAN JIRAY IYO WELIBA
JOOJINTA SIYAARADA.
SHURUUDAHA
Waa in dadiisu aanay ka yaraan 46 ilaa uu ka dhinto.
Waa in uu Diinta wax ka yaqaanaa una dhaqmi karaa sidii wadaad
CAALIM AH, si dhaqso ahna isugu diri karaa qabaailka
Somaliyeed,dagaalna ka dhex ridi karaa saacado gudahood amase
markasta oo loo baahdo,isagoo adeegsanaya hab Qabaail.
Waa in uu XILKA doonayaa,aad iyo aadna u jecel yahay in uu mar uun
XIL qabto.
Waa in magaciisa ay ku jiraan erayada ay ka mid yihiin SHEEKH
SHARIIF
ABUU.
Waa inn Gadh weyn leeyahay,Shaarubuhuna u gaaban yihiin.
Waa in uu ka soo shaqeeyey mid ka mid XARAKADA Diimeed ee ka jira
dalka Soomaliya.
Waa in uu sanadihii la soo dhaafay ka tirsanaa mid ka XARAKADA
kala duwan ,xilal kala duwana ka soo qabtay sida Al-shabaab-Maxaakiimta-Ahlu
Suna wa Jamaaca,guulo la taaban karana ka soo hooyey.
Waa in uu haystaa ugu yaraan 2000 oo dhalin yarada AFKA-DUUBTA IYO
HUBKOODA.
Waa in uu ka soo qayb galay dagaaladii SOKEEYE ee Soomaliya soo
maray,si firfircoon-na uga dhex muuqan jiray.
Waa in uu xukumaa mid ka mid ah Gobolada Soomaliya ,oo uu xoog ku
haysto.
Waan aanu aqoon fiican u lahayn Afka Soomaliga balse waa in uu ku
fiican yahay kuna hadli karaa Afka Carabiga.
Waa in uu la saaxiib yahay Dowlado aan la garanayn kuwa ay
yihiin,sidoo kale waa in aan la garanayn meesha ay wax u soo
mariyaan
Waan in ay col yihiin dhamaan Culimada kale isaguna noqdaa kan
keliya ee saxa ah.
Fadlan haddii aadan buuxin karin shuruudaha aanu kor ku soo
sheegnay,waxaanu kugula talinaynaa in aadan waqti badan iskaga
lumin,soo doonashada shaqadan.
Cidii isu aragta in ay shuraadahaa buuxin karto shaqadaana ka soo
bixi karta waa in ay sida ugu dhaqsaha badan ugu soo hagaajisaa
codsigeeda shirk gudoonka shirka la qaban doono ee lagu qaban doono
Jabuuti amase meel kale oo aan la hubin oo dalka Soomaliya gudihiisa
ah .
Araajidu waxay ku egyihiin badhtamaha 2009.
Abdi M.Saleiman(Mingiste)
abdi_saleiman@hotmail.com
|