Maamulka deg, Gabiiley iyo Bili-ga Bilis-Xaawalay (Khadra Xaaji
Gaydh) halkay iskala soo dhaci toloow?!
Salaama Calaykum.
Tan iyo inta ay jirtay Somaliland oo labaatan Gu' iyo dhiidhii ah,
dalkeenu waxa uu si buuxda ga cantooda ugu jiray waa Allah mahadiiye
oo hantiyay, dadkii Ilaahay ku abuuray ee lahaa. Degaan kasta iyo
dudo kastaba waxa ka arimiyay oo ka tashaday nin u dhashay! Dhib
badan iyo rafaad aan la koobi karin oo aan soo marnay intii
awooda-maamul (dawladnimada) dhulkeenu dhaxal-wareegsanayd, ayaad
moodaa in Degaano badan oo gayigeena ka mid ah ay cashar u noqotay,
oo ay ku cimro qaateen kana faa'iidaysteen. Kuwaasi, waa kuwa
tolfiiqda yeeshay ee dhan u wada jeestaye waxa ay judhadiiba markii
ay Somaliland aasaasantay ku dhaqaaqeen, inay hawlahii badnaaye kaga
qabyoobay is-raacii Somali-layn iyo Soomaaliya, tu gaar ah iyo mid
guudba u qalab qaataan dib u yagleelkooda, meel fiican ayaana ay
mudadaa kooban durba gaadheen. Waxa meelahaasi guulaha waawayn soo
hooyay ka mid ah oo run ah aanna iyagu Somali-layn oo idil dabada
iskugu dhuftay dadkeena ku nool degaanka
Gobolka Tog-dheer!
Degaankan waxa ka soo mudh-baxay awood balaadhan oo horumar dhaqaale
iyo mid bulsho labadaba leh.
Waxa ay Togdheer
ka mid tahay meelaha ugu
warshadaha badan leh ee ku
yaal carriga Somali-layn, taasi waxay ku tisaysaa sida uu Gobolkaasi
u kobcay dhaqaale ahaan! Waxa kale oo ay ka mid tahay
Togdheer
meelaha tolfiiqda-bulsho uu aadka u dhismay, haday tahay horu-kaca
dha nka waxbarashada iyo iskaashiga wax-wada-qabsiga ku salaysan iwm.
Inkasta oo xaga maam ulka ay mar-marka qaarkood loolanka iyo kursi
kala-riixashada siyaasadeedeed ee qarank u sa amaynasay hadana marna
ma ay noqon taasi mid laciifisa, horumarka dhan kastaba leh ee
xaw liga ku socda ee gobolkaasi ka hanqaaday.
Waxa ilaa iyo beri-dhawayd hadaba taa cakiskeeda ahaa oo
''180-digrii'' oo geesta kale ah ta agnaa degaanka
Gabiiley! Degaankan
Gabiiley waxa laga filayay iyo waxa ka soo baxay ayaa aad
u kala fogaaday. Waxa dhab ah hadii cid uuni dhibane ku noqotay dhan
kastaba ah is-raacii Somalilayn iyo Soomaaliya inay
Gabiiley kow ka
ahayd. Degaankan Gabiiley oo dadkiisu ay Beer alay, Xoolo-dhaqoto,
iyo Baayac-mushtarba yahiin ayaa waxa uu yahay marka ay noqoto
arint u heer-qaran (Soomaaliya/Somaliland) mid dhaqaale ahaan ama
bulsho ahaan meel sare kaga jira, oo halbawle u ah dawlad kasta oo
jirtaba. Cawo-darose waxa ay dhacday marka ay bahas hu hoos u soo
degto ee ay heer Gobol timaado, oo ah halkii ay ahayd bulshadu inay
ka gashi-sa maato oo ay dheef ka hesho Nimcooyinkaa Ilaahay gobolka
ku manaystay, ayaa ay gabaan noq otaa aan qaneecaad buuran lahayn,
waxanad taa ka aragtaa dib-u-dhaca baahsan ee gees ka staba leh ee ka
muuqda Gobolka.
Inta ay Somaliland jirtay ilaa Bilo yar hortood qaylada iyo buuqa ka
aloosani maamulka degmada Gabiiley mid joogto ah ayuu ahaa, Toban
maamul ka badan inta iska bedeshay kursigaa yar ee uu ku fadhiisto
''duqa degmada Gabiiley''! Mar-mar baad is odhanaysaa waar meeshu
qodaal iyo dad iska degan baaba ilaahay ku abuuraye waa maxay
xanuun-Talyaanigan maamulka kaga dhacay! Xanuun-Talyaani waxan uga
jeedaa, dalka la yidhaa Italy, waxa uu ka mid yahay dawladaha uu
xasili kari la' yahay xukunkooda sare, waa meelaha aduunyada ugu
bedelka/casilaada badan leh marka ay noqoto jagada
raysal-wasaarenimo iyo dawladiisa. Hadii ay sal-dhigi waydo taladuna
waxa kolay hubaal ah in waxyaabo badan oo qabsoomi lahaa oo horumar
ahi ay baaqanayaan.
Waxan garaadsaday tiiyoo horumarka gaabiska ah ee gobolke Gabiiley
eedeeda la saaro dawladahii kala danbeeyay ee dalka Somaliland
horayso iyo danabayso soo maray, tusaane ahaan, Ingiriis ama
Soomaaliya. Haatan cid kale oo farta lagu fiiqaa waxan filayaa
inaanay jirin aan ahayn dadka degaanka u dhashay. Aaway farta-dhex
ka cunistii iyo ciilkii inagu raagay ee ahaa, hadaanu maruun
taladayada u madax-banaanaano waaba la arki wacdarahaanu dhigno iyo
heerka aan is gaadhsiino-dii? Ma huf iyo hadal-tire ayaan u qaataa,
gobolku waa mid ku hodon ah Cilmi, Caqli iyo Cuud-ba-dii dunida gee
ka gees wada gaadhay, aaway hee midhaheedii? !
Gobol ayaa ay noqotay hada Gabiiley, degmooyin kale oo ay iyagana
tuulooyin hoos yimaadaan u talisa. Waxa looga fadhiyaa Gobolkan
cusub waxii uu qayrkii qabsaday inuu qumisto oo uu we liba qayb iyo
qaarna dheeraado. Waar bal caano daatayba dabadood la qabay baa la
yidhiye! Haatan uun yaynaan hormada danbe ka hadhine ha la is
xaamxaamto oo, guntiga ha loo gaab sado hawlaha badan ee degaanka ka
gafoobay sidii loo qumin lahaa. Hadaan hadaba u leexdo halkaan u
danta lahaa iyo maamulka degmada Gabiiley oo ahaa meelihii ay sartu
ka qudhunsana yd ee ay ka dhutinaysay xaajadu, dooni-shaxarka iyo
shaashadana ku noqtay horumarka guud ee degaanka, wax shanqadh ahi
kama soo bixin beryahane, maxaan u malaynaa tollow? Ma xeel ad dumar
iyo xishood inan-rag baan ku daynaa? Mise waxbaa is bedelay oo......?
Gabo-Gabo: Waxa ay ila tahay Talo inan-rag degmada Gabiiley waa ay
bilkaydisay oo wax guul ah oo buurani kama soo bixine, doorkan
maanta ah iyo beriba aan ku Jitaabino maamulka iyo ho gaanka degmada
waaba la yidhaaye, Bili-ga iyo ayaanka Bilis Xaawo-lay! Oo cagta
haloo yara dhigo Khadra Xaaji Gaydh iyo kursiga Gabiiley bal halka
ay iskala soo dhacaan, waaba intaasoo ay inoogu badisaaye!.
''Ha jirto Somaliland oo ha Joogto''
BURCO
GABILEY
Cali Cumar Xasan
afraad_4@hotmail.com |
|