Arabsiyo:Booyadaha Dhaanka Biyaha oo Culays Ba,an Ku Haya iyo
Ceelkii Jeel-baxa Geela Xadhaadh oo Magaaladu Ka Cabto Xiliga Adag
Arbasiyo(TNN)-Booyadaha Aroorka biyo Dhaamiska xiligan, adag ee
jiilaalka ayaa, saamayn culus ku yeeshay Degmada Arabsiyo oo
katirsan dhul beereedka bustaanada ee ugu ceelalka badan Gobolka
Gabiley.
Maalintii in ka badan boqol booyadood ayaa, ka dhaamiya Gudaha
Magaalada Arabsiyo biyaha dhaanka ee booyduhu u qaadaan deegaanada
Howdka iyo kililka shanaad ee Koonfurta Hargeysa, ku waas oo ka
dhaamiya Biyaha Ceelasha ku yaala bustaanada dhexdooda, ee lagu
waraabiyo Beeraha Khudaarta Arabsiyo.
Gudoomiyaha Cusub ee Degmada Arabsiyo, C/laahi Cabdi Faarax ayaa,
Warbaahinta u sheegay in Magaalada Arabsiyo culays, kala kulantey
booyadaha dhaanka ee Biyaha ka qaada Ceelasha Arabsiyo ee Bustaanada
khudaarta, islamarkaana ay maalmihii u danbeeyay si weyn looga
dareemay Arabsiyo biyo yaraan badan,oo dhaanku kalifey.
“Waxaanu si aad u culus u dareemaynaa wakhtigan adag ee lagu guda
jiro, dabyaaqada jiilaalka iyo abaaraha ka dhacey dalka intiisa
badan, culeys badan oo maalmihii u danbeeyay, nagag yimid boqolaalka
boooyadood, ee maalin iyo habeen ka dhaaminaya gudaha Magaalada
Arabsiyo gaar ahaan Ceelasha beeraha khudaarta taas, oo sababtey in
ay labadii maalmood ee u danbeeyay Magaalada Arabsiyo laf ahaanteeda
ay biyuhu ku yaraadeen kadib markii ay Booyadaha dhaanka ahi
Ceelashii, ka bixi waayeen habeen iyo maalin, waxana Magaaladu ka
cabeysaa xiligan ceelkii Geelu ku jeel baxayay ee biyaha Dhanaanaa
Ceel-Xadhaadh”Sidaa waxa yidhi Gudoomiyaha Degmada Arabsiyo C/laahi
Cabdi Faarax.
Waxaanu sheegay in ay, ku amreen beeraleyda beeraha bustaanada
Arabsiyo, in ay si hagar la,aan ah ugu dhaamiyaan booyadaha si ay
biyaha u gaadhsiiyaan, dadweynaha oonka jiilaalku saamaynta adag ku
yeeshay xiligan, waxaanu xusay in beeralyda Arabsiyo intooda badani
ay ahmiyada siiyeen, dhinaca dhaamiska booyadaha iyagoo ka tix
galiyay beeristii khudaarta haseyeeshee, ay hada arintii ka culays
badatey sidii ay ka filayeen kadib markii ay Arabsiyo laf ahaanteeda
soo food saartey biyo la,aan culusi.
Dhinaca kale, Gudoomiyaha Degmada Arabsiyo C/laahi Cabdi Faarax,
waxa uu ka waramay xaalada kale ee Deegaanka Arabsiyo, isagoo
carabka ku dhuftey in Arabsiyo kamid tahey Degmooyinkii ay
magacowdey Xukuumadii hore aakhirkeedii Islamarkaan ay iyagu Degmo
ahaan xiligan muujiyeen, dadaal badan oo ay ku doonayaan in ay ku
miijuyaan in ay noqon karaan Degmo is bixisa, oo awood u leh in ay
abuurtaan dhaqaale iyo dhaqdhaqaaq dhinacyada Hurumarinta Arimaha
Bulshada ah.
Sidoo kalena waxa uu Gudoomiyaha Degmada Arabsiyo mahad naq
balaadhan u jeediyay, urur haween ah oo kamid ah qurbajooga Arabsiyo
ee degan cariga Ingiriisaka, kuwaas oo dhawaan afar fasal oo Dugsiga
dhexe ee Arabsiyo, ah ka dhisaya Dugsiga cidhifka Galbeed,
islamarkaana hore uga soo dhisey sadex fasal oo hore, kuwaas oo uu
ku tilmaamay haween dhiiran oo kaalin mug leh ka qaadanaya Dhismaha
Degmada Arabsiyo, isagoo ugu baaqey qurba joogta kale ee kasoo jeeda
Arabsiyo ee rag iyo Dumarba lihi in ay iyaguna muujiyaan doorkooda,
oo ay ku deydaan haweenkaas kooban.
Ugu danbeyntiina Gudoomiyaha Degmada Arabsiyo, C/laahi Cabdi Faarax
waxa uu sheegay, in uu ku cusub yahey xilka Maamulka Degmada, oo uu
hada wakhti kooban joogay kadib markii uu kala wareegay Gudoomiyihii
Magaalada Arabsiyo Sitiin oo kow iyo labaatan sano xilka hayay,
waxaanu xusey in ay jiraan baahiyo badan oo ku xidhiidhsan dhinacyda
adaeega bulshada sida Caafimaadka, Biyaha iyo Waxbarshada, iyo
dedaalo ay wax kaga qabteen oo dhinaca nadaafada Guud la xidhiidha.
Source:Waaheen
|