Maxaa daran, maxaa dan ah
Hamud duale
Burhaantii Caaqilada oo durba soo shiiqaysa
Baaqyada
isburinaya ee Suldaanadu waa buruudkii habkii beelnimo oo ay
shiiqisay burhaanta qaadha an diidyada golaha fulinta ee u
badan beel-ka-koodyo iskood kartidood isku taagi karaaya.
Dawlada cusubi ilaa hadda waxay qaaday talaabo isbedel oo waxay soo
noolaysan aqoontii iyo waxba rashadii. Sidaynu la wada socono
Maamulkii Siyaad Barre wuxuu la coloobey aqoonta iyo garaadka. Wuxuu
xoojiyey oo awood ballaadhan siiyey Odayaal dhaqameedka. Wuxuu ku
guuleystey ninkasta oo aqoon lihi haddii uu mansab doonayo in uu
caaqil ku daba faylo. Xoogaga nidaamkaa ku adeegtaana maalin
maalinta ka danbaysa way sii tiro badanayeen, dhallinyaradii waxaa
lagu anqariyey meel dhac dhac leh ha la ii dhiibo.
Qaabkii noocaa ahaa dawladani way ka baydhay oo waxay xilalkii u
dhiibtey aqoon yahan aanu daadih ineyn Suldaan, oo caaqil
daaya lahayn.
Qaylo dhaanta baaqyada odayaal dhaqameedka bari iyo galbeed ka soo
yeedheysaa, waa xoogagii nidaamkaa dumey muddada dheer ku soo noolaa
oo garabsanaya xildoon qurba joog ah..
Inkasta oo ilaa hadda talaabadaasi sugan tahay, dawladan cusub ee
Somaliland lama gaadhin xilligaan loo kala tirin lahaa amma la
difaaci lahaa oo anigu weli waan ka dhursugayaa dib waxay ka noqoto
lix da bilood ee innagu soo fool leh, laakiin koleyba dawlad ka
kooban qabiilka qurba joogta oo mucaarid keedu yahay qabiilka
qurba joogta dulba juuqadeedu wax la dedo ka xeel xeel dheer.
Teeda kale anigu wasiirada waan fahmey iyo waajibaadkooda, laakiin
jagooyinka kale waan ku jaha w areeray oo markaan dhan walba
ka rogey waxaan ka geyn waayey Jini Jinni saaran, lux lux saran
aak hiro leeleel. Dekedii Qaranka waxaa maamulkii hantida qaranka
looga dhexsaaray waa canbaar dhee ga iyo dhabanka kaga taala
dawlada cusub oo la wada arkayo. Canbaartuna sidaad wada ogtihiin
way fidaa oo haddaan dhakhso loo daaweyn baras ayay noqotaa, dubka
wada dhamaysa.
Qurba joogtu muxaafid iyo mucaaridba waxay ahayd in ay tabaruc kula
shaqeeyaan muwaadiniinta h adday aqoon iyo waayo aragnimo
dheer yihiin, oo daacad isbidayaan oo horumarka iyo aqoonsiga
d alka danaynayaan, haddayse ay magac iyo manfac ka hungureeyeyn,
waa dalkoodiiye iyo dadkoodiiye oo ciddi kama xigto eh, wasiirka
maaliyadu waa in uu mashaharkooda cashuur laba jibaaran ku soo
ro gaa amma iyaguba gartaan in carruurta agoomaha ee la mid ah
kuwooda, kala badh ugu deeqaan m ashaharkooda, maadaama iyaga
carruurtoodii la kafaalo qaaday oo ay qurbaha nolol iyo nabad ku
haystaan, islamarkaana ay qoysaskoodii dawlado aan muslin ahayni
masruufaan.
Balanqaadyadii xusbiga kulmiye samayn jirey kula xisaabtami mayno oo
isagiibaba dunburush yidhi oo waxaa la kala garan la’yahay in xusbi
midaysan la doortay oo talada loo igmadey, iyo in qof iyo qoysas la
kala dooratay..
Xusbiyadii mucaarudkuna iyagana waxba ka dhegeysan mayno oo
xusbinimadii waxay ka doorbideen in ay defkii qabiilka qaataan oo
waxyeelo mooyee aan waxtarka lahayn, way ka dareen oo dibi ayay
dhaleen.
Kol hadday sidaa tahay,waxaan jufo inoo ah distoorkii ummaddu u
codaysay siday Silaanyo iyo Riyaale ugu codeeyeen. Marka taa laga
yimaado dawladan in ay Kulmiye tahay iyo in keli tahay iyo in ay nin
iyo eefkii tahay iyo in ay beelo ku danbayn doonto aanan weli kala
garan, waxaan saari doonaa miisaankii guddii aqoonyahanka ahaa ee
ugu horeeyey ee loo saaray talobixintu waxyaabihii ay soo jeediyeen
ma la hirgeliyey mise lama hirgelin, wixii hirgeli waayey maxaa is
hortaagey?
Nin hooyadii ka duday, habar yartii kuma
nagaado
Geedi lagu la labo iyo digo rogasho iyo xusbiyo cusub oo la furaa ma
aaminsani in ay daawo u yihiin da dka iyo dalkaba. Mar haddii
kuwii mudada dheer jirey rag iyo reero kala sheegteen, ku kale oo la
furaa xal ma ah, waxaa igala roon kuwan jira in marka hore lagu soo
dabaalo qaabkii xusbinimo iyo dimoqraadiyada.
Sida ka muuqata ummadeena garaadkeedu weli wuxuu ku siman yahay
heerkii qaabkii reer guuraaga oo weli qooba lama rogin. Siday
caadadu ahayd haddii guri barwaaqo somalidu iyaga oo degan, ay ku
dhalato shilin, gabaareey, gofane iyo wixii la mid ahi, weligeed iyo
allaheed la isma weydiin jirin waar maxaynu ka yeelaa oo sidaynu
iskaga dilaa. Waxaa keliya ee ay yaqaaneyn wuxuu ahaa,: “reerka ha
la raro meel aan dulin lahayn ha loo guuro” markaas ayaa geedi loo
lalabi jirey. Waaga berigiisa iyada oo aan dumarka iyo xoolaha midna
la sii ogeysiin ayaa la tu’in jirey awrta.
Had iyo jeer waxaa hawsha guuritaanku ku dhici jirtey haweenka oo
aqalka furfuri jirey marka la deg ana iyaga ayaa dib u dhisi
jirey. Iyaga ayaa awrta rari jirey kadibna rarka ka dejin jirey.
Hawl heese edka rarista awrta, ayaa haweenku ku soo gudbiyeen
in ay saluugsan yihiin wax isweydiin la’aanta iyo go’aamadan
ragu laasimey ee aan isbedeleenba ee midka qudha ah. Waxay awrkii ku
rareen halh ayska ah: “Ha la raro ragbaa yidhi, annana waa ku
raacnay”, markaas ayay caynkii iyo baydiiba u jii deen,
carruurtii xalay dhallatayna guro la saaro guudka awrka uga
sameeyeen, Ummushiina iyada oo dhibiibyeesa oo aan maydheertii weli
ka soo dhicin daba luuday, oo hadday ax tidhaa, sedexda dala
aqood iyadoon la kala reebin lagu daruuri jirey.
Allaa igu og in aan haweenka somaliyeed cadaabul qabri lahayn, maxaa
yeelay ifka ayaa lagaga jaray. Immikana wax isdoorshey may dhicin,
oo amma wadaad ayaa shan ka mid ah xuurto ku hasta, inta kalana
diinta ku baqamaala, amma waranle ayaa waadaal ka dhigay.
Waxaan leeyahay xusbiyada jiraa ee gofanayaasha lagu arkay, durba
rag ayaa ku talinaaya ha laga guuro oo tirade xusbiyada ha la
kordhiyo. Wixii laga yeeli lahaa gofanayaasha, ha laga tashado oo
ya an kuwa kale looga diga rogan la isma weydiinayo. Geedi iyo galab
caraw uun ku jiri meynee, xal kale ha la keeno. Haddii kuwan la sixi
kari waayo, yaa huba in kuwa kale lagu nagaan doono. Hore ayaa loo
yidhi nin hooyadii ka duday habar yartii siduu ugu nagaadaa way adag
tahay, sidaa daraadeed ayaan daal la kororsan.
Hogaamiye xusbi tag lama yidhaa ee wuxuu ku tago ayaa la hor dhigaa
Nin weyn oo hogaaminayey xusbi qaran tag lama yidhaa ee waa loo
abaalgudaa, Hay’adaha waa weyn samafalka ayaa loo magacaabaa, ilayn
waa halyey geedii socodka dimoqraadiyada iyo nabada door w eyn
ka qaataye. Diinbiilana ma ah hogaamiyihii tartanka lagaga
guuleystey. Xusbiga oo dhan ayaa gu usha laga helay ee keligii
lagama helin, waxaa ceeb ahaan lahayd isaga oo haneyn waaya, markii
tirooyinka lagu dhawaaqay.
Hogaamiyayaasha xusbiyada qaranku waa halyeyo muddo dheer xil qaran
daadihinaayey. Sedexda xu sbi qarana mid uun baa ku guuleysan
lahaa doorashada oo talada loo igman lahaa. Taasina macnahe
edu ma ah xusbiyadii kale xil looma igman. Ka talada haya mooyee
labadii kale waa in ay hogaamiyaan dadkii u codeeyey ee
barnaamijkooda aaminsanaa. Waa in ay dawlada iyo xusbigii talada loo
dhiibtey ka ilaaliyaan in uu dulmi ku kaco oo ballaan qaadyadii daba
marteeyo. Waa xil weyn oo hadday gudan waayaan qaranku u dumi karo.
Haddaba hogaamiyayaashii labada xusbi mucaarid in la yidhaa iska
taga ma qabato oo tacab qasaar weeyaan iyo aqoonsi la’aan waxtarkii
iyo dadaalkii ay xusbigooda geliyeen. “Hay hay weligaa hayna arrin
ma ah”oo guusha xusbiga ee doorashooyinka soo socda iyo
dimuqraadiyada ayay lid ku tahay oo suurtogal ma ah, in xusbigu ku
burburana waa xabka. Sidaa dradeed, waa in xubnaha xusbigu gartaan
in aan qof iyo xusbi la isbarbar dhigi Karin. Markasta waxaa
mudnaanta koowaad leh badbaadinta xu sbiga.
Haddaba, si xeegana xeego u noqoto ilkana aanay u daadan waa in
loogu abaalgudaa in hay’adaha m adax banaan ee caalamiga iyo
kuwa deegaanka ahba loo magacaabo oo hawlihii ay qaranka u hayeen
halkaa ka sii wadaan iyaga oo xusbigoodiina xubin ka ah,
islamarkaana xaq u leh in ay markan marka xiga u tartami karaan
hogaaminta xusbigooda iyo dalkooda oo idilba. Dawlada iyo shirkadaha
ganacs atadaba xilbaa ka saaran in ay meeleeyaan oo u magacaabaan
jagooyin hogaamiyayaashii xusbiyada qaranka, gaar ahaan xusbiga UCID
oo laba goor ku hangoobey hogaaminta qaranka. Waa la tartamay ee
lama coloobin ee waa in aanay dawladda iyo dadkuba ogaadaan oo xaq
dhawraan mudanayaash ooda geedi socodka dimoqraadiyada qaybta
libaax ka soo qaatay.
Baaqyada beelaha iyo difaaca Xubnaha ka soo jeeda qaarkood.
Alla ha u naxariistee mudane Xuseen Kaahin ayaa wuxuu ka ahaa
maamule dugsiga sare Camuud Beri samaadkii. Wuxuu dugsigii ka eryey
wiil rabshoola ah oo ay isku reer yihiin. Odayaashii Boorama
deg anaa oo ay Xuseen iyo wiilka isku reer ahaayeen ayaa u yimi
Xuseen Kaahin iyaga oo Erga ah. Waxay ku yidhaahdeen wiilka
mustaqabalkiisa ayaa baaba’ye dugsiga ku celi. Xuseen Kaahin wuxuu
ugu jaw aabe, intuu muusooday: “Habar yoonis way garatay in
aan wiilku mustaqbalkiisu baabi’ne, maxay u g aran weydey in aanu
Xuseen Kaahin galaafan oo shaqada daraadii looga eryin.”
Waxaan uga dan leeyahay beesha galbeedka Burco way garatay in aan
maamulihii hore ee bangiga la xisaabine, ma garan weydey in aan
wiilkooda kale ee hanti dhawrka ah shaqada laga eryin. Beesha
awdalna waxaan leeyahay Daahir Riyaalaba maydaan difaacine, maxaad
ina xoorxoor ugu daaleysaan.
Waa innoo mar kale iyo , qubanaha maxaa daran
maxaa dan ah.
|