Wasiirka
Gaashaandhiga oo Tacsi Ugu Yimid Aabaha
Qoyskii Da...
Stockholm (Longlivesomaliland
News) -Waxaa ilaa shalay is daba socday dad aad u tiro badan oo ugu
imanayey tacsi iyo in ay la wadaagaan murugada aabaha qoyskii
musiibadu ku haleeshay xaafada Rinkeby ee waqooyiga magaalada
Stockholm ee dalka Sweden.
Yusuf Maxamuud Maxamed iyo laba wiil oo yar yar ayaa ka mid ah
sade xda qof ee ka badbaaday qoys ka koobnaa 9 qof (7 caruur ah iyo
labada waalid) oo ku nafwaayey dab qabsaday xaafadii ay degenaayeen
habeenkii axadu soo galaysa aabaaro 10:15 wakhtiga dalka Sweden.
Wasiirka gaashaandhiga dalkan Sweden iyo wafti uu hogaaminayo ayaa
ka mid ahaa dadkaa badan ee u soo tacsiyadaynaya Yusuf geerida
naxdi nta leh ee ku timid. Mar uu wasiirku la hadlayey Yusuf-na
wuxuu u sheeg ay sida ay dawklad iyo dadba ay uga naxeen
shilkan culus ee ku dhacay qoyskiisa, wuxuuna sheegay in ay la
barbar taagan yihiin wax kasta oo ay u qaban karaan qoyska, si ay
uga soo kabtaan musiiban ku dhacday.
Sidoo kale waxa uu wasiirku
ka codsaday Yusuf in uu la kulmo sadex bilood kadib taas oo Yusuf-na
ka aqbalay.
Inan qaraabo ay yihiin qoyska ayaa iyana ka mid ahayd dadka ay
musiib adani sameysay, waxaana hada dhakhaatiirtii ku hawlanayd
xaaladeedu ay soo sheegeen in ay maskaxdeedii dhimatay, ayna adag
tahay sidii ay nolol ugu sii baaqi ahaan lahayd.
Shilkan naxdinta leh wuxuu saameyn weyn ku yeeshay dalkan Sweden,
waxaana loo xilsaaray arintan baadhitaankeeda iyo hawlaha la
xidhiidh aba gudi heer qaran ah, waayo sharciga dalkan Sweden ayaa
dhigaya in hadii meel ay ku dhintaan 5 qof wax ka badan ay tahay
musiibo qaran.
Dhanka kale, waxaa naxdin iyo tiiraanyo aan lasoo koobi kareyn laga
dar eemayaa xaafada shilku ka dhacay ee Rinkeby, halkaas oo
culimaduna ay wacdi iyo waano ka wadaan si dadka ay u xasuusiyaan
aakhiro iyo in aan aduunyada lagu waareyn ee laakiin lagu kala
horeynaayo qabriga.
Source;
Waryatv.com
|