PRESS RELEASE:Xoghaye
Cusub Oo Loo Magacaabay SDWO
Gudoomiyaha ururka Somaliland
Democracy Watch Organisation (SDWO)Guled Cabdi Sheekhaash ayaa
maanta si rasmi ah ugu magacaabay Shiine Cilmi Kaahin inuu noqdo
Xoghaya Cusub ee SDWO ka dib markii uu xoghayahii hore Mukhtar Axmed
Sheekh Adan - Taysa uu ka degay xilkan ka dib markii loo magacaabay
inuu noqdo gudoomiyaha xisbiga kulmiye ee waqooyiga London.
Dastuurka SDWO ayaa si cad u qeexaya in masuulkii ka dhexmuuqda
xisbi ka mid ah xisbiyada qaranka inuu xubinimadiisa si toos ah u
waayayo maadama SDWO uu u dhexeeyo dhamaan qaybaha kala duwan ee
siyaasada dalka iskaga soo horjeeda, sidaas darted ayaa xoghayahii
hore isagoo qodobkaa tixgelinaya uu na soo gaadhsiiyey is
casilidiisa.
Gudoomiyaha ayaa xoghayahii hore uga mahadnaqaynaa mudadii dheerayd
ee uu ururkan la soo shaqeeyay, islaa markaana xogahayan Cusub
Shiine Cilmi kaahin ilaahay uga beryey inuu u fududeeyo xilkan cusub
ee loo magacaabay isagoo mudo aad u dheer la shaqaynayey SDWO oo
ahaa Wakiilka Gaarka ah ee Somaliland isla markaasna ah madaxa sare
ee xafiiska wararka ee Hargeysa (SDWO News Desk - Hargeisa). Shiine
waxa kale oo uu yahay iskuduba ridaha waaxada Samafalka ee SDWO
Releif Projects oo uu aad uga shaqeeyay sidii cawimooyinka ururka
soo gaadha ay u gaadhi lahayeen meelaha loogu soo talogalay.
Long Live
Somaliland
Guled Cabdi Sheekhaash –
Gudoomiyaha SDWO.COM
|