|
maansadani waxa ay soo
baxday 28.1.11 magaceeda waxaa la yidha "daahir baa gabyoo yidhi."
Waxaan salaamaya dhamaan
dadwaynaha reer Soomaaliland meel ay joogaanba iyo dhamaan
shaqaalaha Timacade News, iyo inta xiisaysa suugaanta iyo murtida
Soomaalida.
Maansadani waxa ay soo baxday 28.1.11 magaceeda waxaa la
yidha,[daahir baa gabyoo yid hi] ,waa madaxwaynihii hore ee Jam
Soomaliland .Waxaa ay si kooban uga waramaysaa xaall adihii kala
duwanaa ee uu soo maray ,waxaa aanay marnaba ku talax tagaynin intii
uu ahaa madaxwaynaha Jam Soomaaliland waxyaabihii ka qaldamay , waa
uun dul ka xaadis iyo fara guudkood.
Waxaan ka cudurdaaranayaa inaan
cidina si qaldan u soo dhawaysanin oo u jiidanin waana kaftan iyo
xifaale aduun inta badana waxay ka warayso gudaheeda ayaad ka
helaysaa ,wax aan ka cudurdaanaya oo kale inay yara dheertahay xaga
akhrinta oo lagu caajisi karo haddii waqtigu ii saamaxo waxaan ku
soo duubi doonaa mp3........
waxa uu yidhi
Waqtiyada is daba yaal
Maxaan daal u soo maray
Xilka darajadaydiyo
Maamuuska duubkiyo
Deeqdan uu illahay
Daraftayda soo dhigay
Dib u noqo xusuusaha
Danyarnimadda taydiyo
Daalkiyo rafaadkaan
Dugsi hoose kaga baxay
Kii dhaxe daciifnimo
Dirqi baan ku soo maray
Inaan wado duruustoo
Cilmigiyo diintaba
.....
Daalaa dhac mooyee
Maan hawayan diricyada.
Qunu-lugudna daydayga
Dadku way yaqaanaan
Daahir inaan ahaayoo
Kaba dacasa waligay
Dusha aan ku sidan jiray
Bootiko durduradii
Xalanaan daf soo idhi..
Hurrin duuban lay dhiib
Lagu diirsay maandhow
Inaan sido dirayskoo
Ciidan aan u diranahay......
Laba duudka lay saar.....laba xidigood
Dabar-goynta lay sooc
Dadka kaan aqaaniyo
Inta dowlad diidka ah
Dalacaad ku hiigsaday..
Maxaan xidhay duqay iyo
Culimadda digriga iyo
Dambi ruux lahaynoo
Duunyo aan ka xaabsaday
Maxaan dahabo gabadheed
Ubadkeedi duuboo
Ku daqiiqay jeeloo
Baryo aan dux soo wadin
Dabnaheedu gacalow
Deexashada ku daaleen
Dulmi waxii aan soo falay
Deelka kuma dhameeyee
Aan dabar dambeedkiyo
Seedatada ku dagagaro
Dabcigii galbeedkiyo
Ishu aan isugu dabo
Intaan kiis la daydayin
Dawadana la soo faqin
Barigii dagaalkii..............snm
Dirirtii la soo galay
Dakadoodda wayn iyo
Barbaraan dul joogoo
Intaan dilay intaan diray
Dubaaqoodu goornaba
kama daadagaaysee
Dafiraad gayaxan baan
Daacadnimo u muujoo...
duulaanki ciiriyo
dib u noqoshadii faqash
laaska kiyo dabkeediyo...laascaanood
uga qaxay dariiqii..
Dakanada qof galay iyo
Ninkastoo dun soo jaray
Nabadiyo doorkeed
Kuway daah ka faydee
Isku diiriyaan ahay
Dalanoolki caydheed
Kilalkii daf soo idhi........kilalka 5aad
Ka dilaalay maalmoo
Isku qariyay digadiyo
Danbaskii cadaayoo
Jaadleeyay dabadeed
Hayska dulun dulcaysee
Duqi ina cigaal bay
Jabhadkii docdaa jiray
Diirad layska eegoo
Isku duubni qaaxuu
Dalow dheer ka laliyoo
Waa ki tolwaa diray........ muj.abdirahman aw ali
Lay dooray xigahii......madaxwayne ku xigeen
Mudaan daaradiisiyo
Docduun soo fadhiyayoo
An waylo daaqiyo
Iska daa dameeroo
marna waxaro lay diran
Soo dul-qaad badnaayee
Maxaan samirka duuga,ah
Nafta kula dardaarmoo
Ku dirqiyay kalsoonda
Duco iyo habaar jeer
Soo wada dudubiyo
Daayinkii illaahay
Cigaal doorki keenyoo
Ka durduri aduunyada
Anna helay dumaashii
Nin ilduufay ii keen
Diir layga qaadiyo
Xuub iga dilaacyoo
Ku diirsaday xilkaa dihin
Nin abaal danbeeyiyo
Dayntay iska celiyiyo
Waxaan ahay ma daalee
Isku duubay golihii
Raaskii isoo dumay
Midaan dayin waxaan falo
Daacadnimo ku badan tahay
digrigiyo shalaadkiyo
Fooxuun dudubiyo
Xadradana ku sii dara
Soo dhigay docdaydii
u akhriyay distoorkii
Iyo sheekadi durra
waxaan doorar soo maray
Isna dabacsanaantii
Igu daba gal taydii.....................
Dariiqii saxnaayee
Duqi uu ka sii tagay
Darajooyinkiisii
ku daqiiqay garashada..
Hebel layska didiyiyo
Hebel laga dul-keeniyo
Hebel daacad weeyaan
Hebel waa dirkaa kale
Hadba kala dirsoociyo
Reero laysu soo dumo
Yaan uga dab-qaadoo
kursigaan difaacii
Danta guud ku iibsaday
Maxaan duunyo guud iyo
Mashaariic daldalayaa
Dakadaha waxoodii
Maxaan wada daliigoo
Dibadaha intaan dhigay
Dux halkii lahaataba
Maxaan daasad madhan iyo
Kiish daloola dhigayaa
Maxaan doolar rarayaa
Maxaan daaro iibsaday
Maxaan kii danyeeshaba
Taydana ku darayaa
Haamaha la doogsaday
kulmiyahan dagdagayaa
Duniidaba asqeeyoo
Isku duubni shacabkii
Giddi wada dareersaday
Anna daahir baan oo
Daah igama saaree
doorkan waan arkaayaa
Inaan 80tan dalabliyo
Muran iga dabaalayn
Inaan dunida joogoo
Baryo soo dalxiisana
Duunka waan ku haystaa
Duulka ina waraabana
Ma fogaado dirirtee
Hadba jeeg dalooliyo
Digsi baan u kariyaa
Dariiq maanu waayine
Dabayaaqo weeyaan
Udubtii dalbaa layd
Ragii diiqadoon jiray
Raggii faanka daran jiray
Raggii nacay dirkoodii
Raggii doobta lalin jiray
Raggii dacarta shidin jiray
Raggii dhuun dalooshiyo
U dareeray tuugada
Raggii dayrka ii dhigay
Raggii aan dadaal iyo
Ku dirqiyaay howlaha
Waxaan duray garaadkii
Diiradaan u qaatoo
dusha waan ka faashaa
Wasiiradan danqaaqabay
Waxaan idhi dadaalkiin
Dad waxaad haleeshaan
Iyo reero doonkiin
Yaa darajadiiniyo
Duubkiin ku xidhan yahay
ka diboode hadalkii
Eegmadana is daydaye
Misna dib u gale odhaadii
Yidhi door is moodkii
Maxaan dirir u galaynaa
Waxaan idhi ducaalow
Doolarkaad khabayseen
Ololaha ku daya,oo
Soo faqa dukaanadda
Ama dayn u soo gala
Ama doorkan maanta ah
Haba wada dulaantee
Wasiiradda ka daadaga
Intaan daadku soo galin
Xafiisyadaa dalayseen
Wasiiradan dagaagani
Waa dal ay dhibeen iyo
Ummad wada damqanaysoo
Hore ugu dambaabeen
Mayagaa dabuub iyo
Hadal dabacsan odhan kara
Marka sheed la daawado
Yaa laga duryaayoo
Foodhi aan damayn
Qaylo loogu darayaa
Xagna godob an daahiyo
Dabin aan dhiglaa bari
Yay dabar dambeedoo
Raggii iga dareeree
Xisbigaba ka dudaybaa
Dabno ii cunaayoo
Dakanada nin lihi jiray
Mana daalayaanoo
Docdii aan istaagaba
Waa dacaayad halis iyo
Qaran sii diyaaroo
Udub dooni mayniyo
Waa ma dooriyayaashii
Raganimo u dibad baxe
Duuldulay gobolada
Boorame ka daadagay
Farxad ii durbaan tume
Gabiilay dushaa iyo
Duleedkaan ka soo maray
dhawr doora waxan idhi
Qado haygu daalina
Daayinkaan u soomoo
Dabnahaan u xidhayaa
Hadda daacad maahee
Iyagaanan doonayn
Burco soo day lay yidhi
Misna diiday taasoo
Dani igama haysee
Ceerigaabo duulaan
Duulimaad u qaatoo
Ka daadagay sanaagtii
Duqaydii shir gaariyo
Garta laysu dooyee
Wax kastooy dalbanayeen
Ugu duugay qalinkii
Dib u noqoshadaydii
Anoon gaadhin daartii
Dhehe daahirow maqal
Doorkan waanu aragnaa
Anaguna docdaa kale
Weeye damaca reerkuba......
Waxba yaanan daaline
Hadalkana ku dudubine
loo dareer dhe foodkii
Waa dabayl illahay
Daad uu wadaayee
Isku duubni shacabkii
Garowsade dantoodoo
Codaan duunka gali karin
Ugu deeqe nimankii
Baryo diifta qabijiray
Duldulaantay hibashadu
Suugaan dad hore yidhi
Yaa dadaalka barashadda
Waxay daacad
Dal-dad liqa ul baa hoos
Layskaga dayaayoo
Digashada a eegaa
Markay dacartu shidantee
Dad-qaladii hammuunaan
Xeel baa la daydaa
fikir baa la doonaa............
Wadaadkaan dal dheer iyo
Dibadaha ka keenee
Jugta loogu magac daray
Iyo door is moodkii
Hindi baan intaan diray
Dabka galiya aan idhi
Haba diirsan waydee
Daadafeeya baan idhi
marna diida baan idhi
Hays laba dulaantee
Bal duduuca baan idhi
Qaylada ku dara,oo
Ilmada daadiyaan idhi
Carab dalable iyo been
Kuwii daayin barayow
Isla daba galaan idhi
Misna daabaqadiyoo
Madanaha ku duugoo
Dusha uga baxaan idhi
Markay taa ku doodeen
Xiisihii dalacanyaa
Shacabkii dareen yaa
diidmada qayaxay aa
anna tayda duuga ah
Daraftaan ku haystee
Waxaan idhi dadaalkay
Dalkan aydun aragtaan
Rabigay ka dabadii
Anigaa danbaaboo
Dumadayda uu yahay
Nimankaa daldamayaa
Dabno waxay ka sheegeen
Dumadooda weeyaan
Udubtana dir kuma laha..........
Farxad aan damayn iyo
Dun xariira lay saar
xusuusaha dambeeyiyo
taariikhna lay door
Igu darre halyayada
Dalku uu dhaatiyo
Danjiraha dahsoonee
Diiwaano laga qoro
diiwaano laga qoro
dhamaad haddaan wax qalday waa shaydaan iyo noftayda
Mowlid Aden (Qol
qol)
|