Sheeko Lagu Metelaayo
Waraysi Dhex Maray Riyaale Iyo Nin Weriye ah
Su'aal: madaxweyne ka waran xaalada Somaliland guud ahaan?
Jawaab: Walaahay xaalada dalku way
fiicantahay, waad la socotaan oo Xoolihii waa la furay, qiima
fiicanna waa la siistaa.Dhulka la kala iibsadaana maalin uu ka
qaalisan yahay ma jirto.
Nabadgelyada waad la socotaan haddi aad warbaahinta tihiin in maalin
walba argagixiso iyo Miinooyin la qabto.
Su'aal:
Madaxweyne haddi aan laba su'aalood oo ku saabsan nabadgelyada iyo
iibka dhulka ku waydiiyo, waxaa laydinku eedeeyaa inaad dhulkii
danta guud sife shirci darro ah ku iibisaan, oo aydaan xitaa golaha
yaasha shirci dejinta marin taasoo ay ugu dambaysey mid ka mida
Jasiiradaha galbeedka Somaliland arrintaa maxaad ka odhan lahayd?
Jawaab: Horta waxaa oo dhan cidda la
wareegtaa waa nimankan mucaarad isku sheega ah, waxaan ku sheegayaa
sidaad la socoto waddankani dhaqaale badan ma laha, cashuurta ka
s oo baxdaana ma soo dhaafto mushaharka ciidamada iyo shaqaalaha
dawlada, markaa adigaan ku waydiiye maxaad madaxdii dalka ugu tala
gelaysaa haddi aan farsama kale la keenin? Iibka dhulka se saw ma
ogid in Dawladu xaq u leedahay inay ciday doonto ka iibiso?
Su'aal: lakiin mudane madaxweyne waxaa la leeyahay wixii dhulka ka
soo baxay adiga iyo rag aad ku jirto ayaa si gaara debeda u dhigtay
ama guryo ku dhistay arrinkaasi saw ma jiro?
Jawaab: Adeer dhegeyso, saw ma ogid in
madaxweynihii iga horeeyey qawanaan ku
dhintay? oo xitaa aanu Shilin meel u ool markii uu dhintay,
Adeer waxaan leeyahay carruur iyo reer
ma rkaa ma doonaayo in tii Cigaal oo
kale igu dhacdo intaan halkan joogo waxbaan meel ka dhi gan.
Su'aal: Haddi aan taa halkaa kaga gudibno,
dhanka nabangelyada waxaa jirta inaad Minooyin aan cid dhigtay la
garanayn cidna wax yeelin hesheen, maxay kula muuqataa ujeedada
arrint ani?
Jawaab: Horta waad aragteen oo wixii
aanu helay warbaahinta guda iyo ta debedaba waanu u soo bandhignay,
markaa arrinkaasi waa arrin argagixiso.
Su'aal: lakiin madaxweyne waxaa lays
waydiinayaa laba arrimood oo kala ah.
1. Miyooyinkan had iyo jeer waxaa hela
dad aan Miyoonka aqoon u lahayn sida carruur iyo isl aamo iyagoo aan
cidna wax yeelin.
2.
Iyo idinko markiiba warbaahinta caalamka isugu yeedha, taasoo dalka
ka dhigaysa meel aan amaan ka jirin.
Markaa maxaad ka qabtaa arragtida odhanaysa idinkaa arrinkan lug ku
leh?
Jawaab: Adeer dhegeyso dalka Dawlada
ayaa xilka saaranyahay, waad ogtahay oo dad hore oo Ajahanebi ah
ayaa dalkan lagu laayey, waxaana hadda soo socda nimankii
SERVERKA inaga caawinaayey, markaa waa
in aynu u sheegnaa dhibka meesha yaal si aanay
inoogu soo deg de gin amase beri inoo
odhan amaan darada noomaydaan sheegin.
Su'aal: madaxweyne shirkii jaraa'id ee aad
dhowaan qabatay waxaad ku sheegtay in Silaayo berigii SNMta uu
joogey uu aaminsanaa nidaamka FEDERAALKA, adigu maxaad aaminsanayd x
ageese ku sugnayd xiligaa?
Jawaab: Adeer qoladiina warbaahintu
meelo aan loo baahnayn ayaad gashaan, anigu waxaan ka mid ahaa
cidamadii Dawladii SIYAAD BARE oo aan u
dhaartay, waxaanan fulinaayey shuru ucdii Dalka u tiil
xaruntayduna waxay ahayd magaalada Berbera.
Su'aal: markaa haba yaraatee ma ku dhibijirtey Xasuuqii iyo
Gumaadkii ay ciidankii aad ka tirsanayd shacabkan u geysan jireen?
Jawaab: Horta waxaas maanta waa laga
soo gudbay, anigu se waxaan arkaayey laba dhinac oo iska soo hor
jeeda, shacabka aad sheegaysaana wuxuu ahaa
shacab hubaysan oo aan ci dna bixinayn. Sidaa daraadeed anagu
Dawlad ahaan shacab meel iska fadhiya manaan arkayn.
Su'aal:
Dadka reer Somaliland badan koodu waxay aaminsanyihiin in
wadaninimadu ka dhabtay intii dalkan iyo dadkan naftooda iyo maal
kooda u hurtay, markaa adiga goorma ayay
Somalila nder-nimadu kugu dhalatay?
Jawaab: Horta waxaa jirta mahmaah
Ingiriisi ah oo tidhahda, IF YOU CAN NOT BEAT THEM JOIN THEM, marka
hore anigu waxaan ahay muwaadin wadankanina gacmo badan ayuu soo
galay.
Intaana ilaa CUSMAANIYIINTI ilaa INGIRIISKII ilaa SIYAAD BARE dad
baa la shaqaynaayey oo madax u ahaa, markaa
anigu marba cidda joogta ayaan loyal u ahay lakiin jabhadayn
marna u gelimaayo.
Waraysigani waa mid mala awaala balse ka turjumaaya xaqiiqda ka
jirta Somaliland.
La soco qayta 2aad......................
Yussuf Hassan Umal (Yucuboole) |
|