Wasiirka
Arrimaha Dibedda oo shaaciyay Xafiis ay
Kenya ka furanayso Hargeysa
Nairobi (TNN) – Wasiirka Arrimaha dibadda
Somaliland Dr. Maxamed Cabdillaahi Cumar ayaa ka warramay wakhtiga
la filayo in ay dawladda Kenya caasimadda Somaliland ee Hargeysa ka
furato xafiis dublamaasiyadeed.
Wasiirka ayaa waxa uu sheegay in bisha soo socota ee December ay
iman doonaan Hargeysa masuuliyiin dalkaasi ka socota, iyaga oo
hordhaca u noqon doona furashada ay dawladda Ken ya ka furanayso
magaalada Hargeysa Xafiis dublamaasiyadeed.
Wasiirka Arrimaha dibadda oo ku sugan magaalada Nairobi ee xarunta
Kenya oo xalay u wara mayay wargeyska Haatuf, ayaa waxa uu sidoo kale
ka warbixiyey kulammo ay dublamaasiyiin shisheeye kula yeesheen
dalka Kenya, waxaanu sheegay in kulamadaasi ay ahaayeen mid ay
wadamada kala duwan dublamaasiyiinta ka socota kaga arinsanayeen
xidhiidh ay Somaliland la samayso waddamadaasi.
Wasiirka Arrimaha dibada oo ka warramaya kulamo ay dublamaasiyiin
kala duwan kula yeesh een Kenya waxa uu yidhi “Kulammada aanu Kenya
kula yeelanay madaxda kala duwan waxa ay ahaayeen arrimo xaga
nabadgelyada iyo siyaasadda ah, waxaananu kulammadaasi la yeel annay
madaxda EU-da, dublamaasiyiin shisheeye oo fadhigoodu yahay Nairobi,
kuwaasi ay ka mid yihiin safiirka Mareykanka u fadhiya Nairobi, waxa
kale oo aanu kulamo la yeelanay masu uliyiin ka socda wadamada
Sweden, UK, Switzerland iyo Denmark oo aanu dhammaantood kala
hadalnay arrimo khuseeye labada dhinac gaar ahaan amniga, annaga oo
sidoo kale kulan la yeelannay masuuliyiin ka socda wasaaradda
arrimaha dibada Kenya.”
Wasiirka oo ka hadlaya wakhtiga ay dawladda Kenya ka furanayso
Xafiis dublamaasiyadeed magaalada Hargeysa waxa uu yidhi “Bisha soo
socota ee December dalka waxa iman doona masuuliyiin ka socda dalka
Kenya kuwaasi oo qaadi doona tallaabadii u horreysay ee furasha da
xafiiska, laakiin siyaasad ahaan iyo go’aan ahaanba waxa la qaatay
in xafiiskii Somaliland ee halkan (Nairobi) kor loo qaado”.
Wasiirka arrimaha dibadda Somaliland Maxamed Cabdillaahi Cumar ayaa
isaga iyo Wasiirro kal e oo ka tirsan Xukuumadda Somaliland waxa ay
ku sugan yihiin Nairobi, iyaga oo ka qayb galaya shirar la xidhiidha
dhinaca ammaanka mandaqadda Geeska Afrika.
Xigasho: Wargeyska Haatuf
|