“Waxaanu soo taabanaynaa Yoocadda xadkayaga, Puntland way iska
hambabartay” Wasiir Xaabsade
Ceerigaabo (TNN)-Wasiirka Warfaafinta iyo wacyigalinta
Somaliland Md,Axmed Cabdi Xaabsade waxa uu jawaab adag ka bixiyey
hadalo ka sooyeedhay maamulka Puntland ee Soomaaliya isla markaana
waxa uu uga digay inay ku soo xadgudbaan dhulka Somaliland.
”Niman ka hadlay Puntland oo yidhi sidee Madaxweynaha Somaliland u
yimaadaa Laascaanood ama jiida hore ee ciidanka qaranka, kaasi waa
nin iska hambabaray waxaan leeyahay Faanoole fari kama qodna,”ayuu
yidhi Wasiirka warfaafintu.
Wasiirka Warfaafintu waxa uu sheegay inay Somaliland soo taabanayso
xadka ay la leedahay dalka Soomaaliya.
“Madaxweynuhu isagaa halkan nagu hayee waxaanu tagaynaa jiida hore
waxaanu gaadheynaa xadkayaga Yoocada ee bal ninka wax tuur-tuurayoow
waa lagu arki doonaa,”ayuu yidhi Md. Ax med Cabdi Xaabsade, oo ka mid
ah weftiga Madaxweynaha oo ka hadlay fagaaraha beerta xori yada ee
magaalada Ceerigaabo ee xarunta Gobolka Sanaag.
Wasiirka Warfaafinta ee Somaliland Md. Axmed Cabdi Xaabsade, waxa
kale oo uu ku dooday in wasaaradiisu ay wax badan qabatay mudadii ay
jirtay xukuumada Madaxweyne Axmed Siilaan yo waxaanu tilmaamay in dib
u habayn balaadhan lagu sameeyay wasaarada.
Wasiirku waxa uu sheegay in TV-ga qaranka baahintiisii la
gaadhsiiyay qaarada yurub, waxa ka le oo uu carabaabay inay dhawaan
dalka imanayso idaacad weyn oo baahinteedu gaadhi doon to gobolada
dalka iyo dalalka dariskaba.
Source:
Somaliland.Org
|