Xasuus:
Aqoonyahan Cali Guuleed
Cali
Guuleed in kasta oo aannaan shakhsi ahaan isu aqoonin, haddana
wa xaan ka mid ahay dadka qoraalladiisii cilmiga ahaa warbaahinta
qaybteeda qoraallada kala socday,....
Lixdii bishan Ogos ee aynu ku jirno ayaan goor galab ah la kulmay
qoraaga Cabdifataax Maxamed Axmed, oo ii sheegay war naxdin leh oo
aan markaa ka hor i soo gaadhin. Waa run oo warkaasi ima uu soo
gaadhin, waayo maalintaa warna ma eegin idaacadna maan dhegaysan.
Waxa uu ahaa mid sheegaya shilkii naxdinta lahaa ee uu, Alle ha u
naxariistee, ku geeriyoo day Cali Guuleed, mas’uuliyiin kale
ee reer Somaliland ahina ku dhaawac meen. Runtii, qadarka alle
lama diidi karee, waxa uu ahaa war naxdin leh, isla markaana aan la
filaynin.
Cali Guuleed in kasta oo aannaan shakhsi ahaan isu aqoonin, haddana
wax aan ka mid ahay dadka qoraalladiisii cilmiga ahaa warbaahinta
qaybteeda qoraallada kala socday, aadkana ugu xisaabtami jiray.
Waxaanan marnaba illaabi doonin, imikana gacantayda ku jira qaar ka
mid ah maqaalladii wana agsanaa ee uu qoray, miisaaniyadda
Jamhuuriyadda Soomaaliland-na uu ku lafa-guri jiray.
Aqoonyahan Cali Guuleed, Alle ha u naxariistee, waxa uu ahaa inta
aan ogahay aqoonyahankii ugu horreeyay ee reer Soomaaliland ah, ee
miisaa niyadda dalka si cilmiyeysan u lafa-gura, si habaysanna u soo
bandhiga. Waxtarkaas aqooneed oo uu Cali sannad walba dadkiisa iyo
dalkiisa ugu deeqi jiray waxa ilaa maanta laga heli karaa qaar ka
mid ah bogagga waa weyn ee ay dadkeennu Internet-ka ku
leeyihiin.
Waxaan niyadda ku hayn jiray in aan mar uun la kulmo aqoonyahan Cali
Guuleed, isma aanan lahayn arrintaa naxdinta leh ayaa dhici doonta.
Cali waxa uu ahaa hoggaamiye sare oo ka tirsan xisbiga KULMIYE, hase
yeesho ee siyaasadda oo keliya uun arrintu ma aha. Xagga aqoontana
waxa uu ahaa nin waxtar weyn ku lahaa. Waxa uu ku dadaali jiray
sidii loo heli lahaa maamul wanaagsan, caddaalad, horumar,
istixgelin iyo sharaf guud oo heer qaran ah. Lama soo koobi karo
waxqabadkii aqoonyahan Cali Guuleed, carrabna laguma wada sheegi
karo. Sidaa darteed waxa aan leeyahay Ilaahay samir ha ka siiyo
qoyskii, ehelladii iyo dhammaan bulsho-weynta reer Somaliland ee uu
ka baxay, isagana naxariistii janno ha ugu deeqo.
|