Ujeeddo: Baaq-Taageero
Date: February 22, 2011
Xisbiga Cadaaladda iyo Daryeelka UCID wuxu xukuumadda ugu baaqayaa
inay dagdag u fuliso go’aankii ay ka qaadatay arrinta kalshaale lana
aaso barkadihii khilaafka dhaliyey.
Xisbiga UCID wuxuu taageerayaa kuna qarab taagan yahay xukuumadda
iyo ciidanka qaranka difaaca qaranka Somaliland wuxuuna shacabka
Somaliland ugu baaqayaa in naf iyo maalba lala garab istaago difaaca
qaranka Somaliland.
Xisbiga UCID wuxu aaminsanyahay una sheegayaa shacbiga Somaliland
inuu dagaalkani yahay dagaal ay hogaanimayso maamul goboleedka
majeerteeniya dulucdiisuna tahay inay fidno ka dhex abuuraan
shacabka walaalaha ah ee Somaliland.
Dhamaan Shacabka Reer Somaliland ee isku haya deegaanka Buuhoodle
waxaanu ugu baaqaynaa inay arrimahooda ku dhamaystaan nabad sidii
dhaqanka iyo caadada u ahaan jirtay ogaadaana inaanay haboonayn in
nabad la dhaafsado colaad.
Alla Mahad Leh
Eng, Faysal Cali Waraabe
Gudoomiyaha Xisbiga UCID
|