Axmed Siilanyo Oo
Faahfaahin Ka Bixiyey Kulan Dhexmaray Wefti Ka Socda Safaaradda
Ingiriiska Ee Addiss Ababa
Guddoomiyaha xisbiga KULMIYE
Axmed Maxamed Maxamuud (Siillaanyo) ayaa faahfaahin kooban ka
bixiyey kulan wadahadal ah oo maalintii shalay dhexmaray iyaga iyo
wefti ka socday safaraada dalka ingiriiska ee magaalada Addis Ababa,
weftigaas oo uu hogaaminayey safiirka ku xigeenka dalka ingiriiska
ee safaaradaasi itoobiya.
Waxaanu guddoomiyuhu wada hadalka kulankoodaasi ku macneeyey mid la
xidhiidha ogaanshaha marxalada uu dalka marayo, isaga oo xusay in ay
shaki iyo walaac weyn ka qabaan sida ay wax u socdaan ee xaalada
siyaasada dalka.
Guddoomiye Axmed Maxamed (Siillaanyo) ayaa xalay wargeyska Haatuf
uga waramay khadka telefoonka waxa uu sheegay in wada hadalka
kulankoodaasi ay ka dhadhan sadeen madaxdii weftigaasi in ay aad u
danaynayaan in wada hadal iyo is afgarad degdeg ahi laga wada yeesho
khilaafka siyaasadeed ee xukuumadda iyo xisbiyada mucaaridka ee
dalka, isagoo arrintaas ka hadlayaa waxa uu yidhi “ waxa aanu ka
wada hadalnay marxalada dalka iyo sida ay wax u socdaan, marxaladaas
oo ay shaki weyn iyo walaac ka muujiyeen waxay noo soo jeediyeen
khilaafka in wada hadal lagu dhameeyo, sidaana ay u sheegeen
madaxweynaha, markaa intaas uun baa ujeedada socdaalkooda iyo wada
hadalka markaa kulankayaga na dhex maray anaga iyo weftia”ayuu yidhi
Siillaanyo
Weftigan ingiriiska ah oo booqasho 24 saacadood ah ku joogay dalka
isla markana ujeedada socdaalkoodu ahaa sidii ay xog ogaal uga noqon
lahaayeen xaaladda siyaasadeed ee dalka, ayaa maalinti shalay ka
ambabaxay Madaarka Hargeysa, isla markaana dib ugu laabtay
caasimadda Itoobiya ee ay markii ka yimaadeen.
Haatuf
|