Baadi kugu Raagtay Xoolahaagaad Mooddaa
Waxa horta nasiib darro ah in
aanay dalkii laysku odhan jiray soomaaliya hore uga jirin ilaa iyo
wakhtigan aynu joogno in loo aqoonsado sida aduunyada kale ka jirta
midhaha ama fikrada uu qof curiskeeda nasiib u yeeshaa inay tahay
h a nti uu qofkaasi si gaara u leeyahay, sida guryaha, baloodhada,
beeraha, ad uu nka mood iyo noolba ay hanti u yihiin loo sharciyeyn
karo qofka leh .
Dhibaatada ay arrintaasi keentaana waxa weeyaan in hantida kale ee
lagu m urmo ay maxkamaduha ama golayaasha kale ee dhaqan ee
dalka ka jiraa arrin kooda lafa guraan , maaara loo helyaa iyo
looma helinaaba , ugu yaraan waxa loo qirsan yahay ama loo aqoon
sanyahay inay yihiin hanti lagu murmi karo shay dhara oo qof xidhan
yahay kol ay ku tahay .
Laakiin midhaha laxanka iyo
fikradda cusubee kasoo maaxada ama ku yimaad da maan axadhasho
qof u hawl galay oo uu dareen ama baahiyi ka keentay, looma qirsana,
ama looma aqoonsana inay yihiin hanti uu qof gaaru leeyahay oo
ciddii kale ee si uun u manaafacadsanaysaa ay tahay inay u daba
fadhiis taan kana fassax qaattaan.
Waxa kale oo qalad ah in qofka heesta qaaday ama laxanka saaray lagu
maga caabo inuu heestaa leeyahay, sharciga aduunka uga yaalla
baadisoocidda ci dda leh heesaha, ama fikradaha cusub iska leh
, heesta waxa iska leh qofka midhaha leh cidi lama laha marka ay
midho qudha tahay , hadii heestaa cidi laxan saarayso waa inay ka
fasax qaadataa cidda heesta midhaheeda iska leh, qofka midhaha lehna
waxa waajib ku ah inuu markuu ka faraxasho ee uu dham maystiro
midhahacurintooda iyo isku tub ridkooda uu u sharciyeeysto hanti
ahaan, marka uu qof kale u fasaxo una xil saaro laxan saaridda
heesta qofkaa kale heesta ma laha e wuxuu leeyahay laxanka oo ay
isna tahay inuu u shar ciyeysto inuu hantidiisa yahay
laxankaasi, hadii ay murmaanna nink laxanka lihina laxankiisuu la
hadhayaa ka heesta midhaheeda lihina midhihii heesta iyo
lahaansheheedii hore ayuu ku hadhayaa, sidaasaanay maxkamadaha
aduunku ku kala saaraan dadka ku murma lahaanshaha hees la tumay .
Waxa kale oo layaab leh sida ay umadda soomaaliyeed u badantahay
inay fan naanka heesta qaada ee ku luuqeeya ku tilmaamaan inuu
yahay ninka heesta lahaa ,oo waxannnu la kulannay fannaaniin waaweyn
oo fikraddaa qaldanee soomaaliyi ka simantahay iyaguna biyo la aan
ku liqay oo isa siiyay heesihii ay mudada dheer soo qaadi jireen,
waxanay nagu yidhaahdeen heesahaygiibay inama yaryari iska qaadayaan
isagoo aan ogayn inuu hanti aanuu lahayn isa siiyay .
soomaalidu waxay tidhahdaa ( baadi kugu raagtay xoolahaagaad mooddaa
) markii dalkii soomaaliya la isku odhan jiray uu burburyna
fannaaniintii caanka ahaydoo dhami waxay ku takri faleen hantidii uu
ragga kale lahaa, oo waxay qabanqaabiyaan xaflado waaweyn oo
dhaqaale farabadani kasoo galo oo aanay biyo ka waraabin raggii ama
abwaanadii ku tabcay heesahan ee lahaa midhaha ama laxanka.
Markii heesaha xafladaha sida weyn loo agaasimo loo arkay in dadka
dhaqaale kasoo galana waxa iyagiina ka hoos kacay fac dhalin yaro ah
oo muusigii toba nka qof, toban qalab oo kala duwan ay tumi
jireen gabi ahaanba kusoo koobay oorgan ,biano ama kybord , kolba
codkii loo baahdo laga tumo lana duubo oo bedela tobankii qalab ee
ay tumi lahaayeen ama y tumi jireen toban farshaxan oo mid waliba
leeyahay farshaxankiisa gaarka ah iyo dhadhankiisa gaarka ah .
Facaa danbe ee fannaaniinta ah iyo organ qudha ku dagaal
galayaashaasi ay aa fankii soomaaliyeed ka dhigay madhalays ,
kuwaasaa iyaguna biyo wara abin waayay fannaaniintii hore ee
heesaha qaarkood ku caanbaxay sida qaldanna isku siiyay lahaanshaha
heeshaa ay qaadi jireen uun , kuwaasaa god madoow biyo ugu shubay
fannaaniintaa waaweynaa ee isa siiyay hanti aanay lahayn kuna wacad
furay hal abuurkii heesaha lahaa iyo raggii laxanka saarayba oo
intooda badani ku tabaalaysan daafaha aduunyada ninba meel waayuhu
dhigayba, hadayse haba yaraatee wuxuun ku leexin lahaayeen ama
saaftinna alla ha ka yeelee carra ugu tuuri lahaayee hal abuurkii
soo saaray iyo mulaxiniintii ku dhibtooday heesaha waxay, ila tahay
iyagana kumay dheceen waxa ku dhacay, dibna way ugu godlan lahaayeen
hore u markii fankuna wuu sii tukubi lahaa oo afweynta umuu dheceen
sida uu maanta yahay .
hadaan soo ururiyo hadalkayga ayaan darradaa iyo dacdarradaa guud ee
ku habsattay welina ay umaddii laysku odhan jiray soomaali ay
meelaha qaarkood weli la lug dhabayaan ,inkastoo ay meelaha qaar
kasoo miiraabeen burburkaa iyo baaba aa, ayaa keentay in maanta hees
lagu murmay lagu kala bixi kari waayo oo uu ilaahaybaa runta oge
aynu odhan karno inuu xattaa ninkii heesta dhab ahaan u lahaa ee ay
maskaxdiisa kasoo maaxattay uu loogo, isagoo og inuu leeyahay, (
waayo been fakattay runi ma gaadho ).
Laba ninoo waa ku murmay
lahaanshaha hal qiima badnayd ayaa ninkii aan lahayn ee ku murmayay
lahaanshaha hashan aanu lahayn, ayaa si hoose ula heshiiyay nimankii
garta waday mu aamaradbaana loo sameeyey ninkii hasha dhab ahaan u
lahaa , qabri nin la sii galiyaybaa la yidhi gacanta galiya kiinna
beenta sheegaya qabrigaasaa qaban doonee, ninkii murmayay ee aan
hasha lahayn qabrigii muu qaban in waa mu aamaradoo sidaasa lagu
ballamaye, wu xuuse qabtay ninkii dhab ahaan hasha u lahaa, illayn
qabriga nibnbaa loo gure eyoo ku jira e sidaasaana lagu qoray
inuu been sheegayo , oo aanu hasha lahayn , isna wuu is ogyahay in
hashu hebladii ka luntay tahay , markaasuu ku calaacalay hadal
danbaab u muuqda laakiin cabiraya sida ay isugu qaban laa
dahay lahaanshihiisa dhabta ahee uu hasha leeyahay iyo qabriga
beenaalaha ku shaabbadeeyey ee isaga gacanta qabtay ninkii
beenaalaha ahaana aan qaban waxuuna yidhi ( yax aar waxa ilaahayna
aamuskaan ku nacay ).
Imika hawraartaasi Hal abuur cawilbaa iila muuqda sida uu
dareenkaygu i siin ayo inay haysato kol hadaan sharci dadka kala
saaraa jirin sidaa uu u samr ayee uu u loogay midhihii uu
lahaa wax dhaamaa ilama aha inay jirto, faras dabadiina nin ka degay
wax u dhaamuu waayay .
Maamullada siyaasadeed ee soomaaliyeedee jirana waxa ila habboon
inay sam eeyaan sharciyo kala saara dadka, gaar ahaan golayaashooda
sharci dejinta ee ay kaga dheggantahay uun mooshin maaliddu, illayn
mar kasta nin samra la heli maayee dhibaataa iman kartoo nimaan
samrinbaa iman karee .
Hal abuur Cawilla waxan si gaara u leeyahay saaxiib ninka heesta
kugu haysta naanaystiisu waa ( gabyow ) e maaha( gabyaaye ) sida uu
halmaan hadal ku ma jiree uu carrabku idiinka xaday adiga iyo
qaar ka mida weriyayaashii wara ysiga iyo doodda galbinayay ee
hadhwanaaagnews radio waa iga kaftane ha u qaadan inaan anigu hees
kugu haysto.
waa: Maxamuud Sheekh Cabdillaahi Maaray (
Gabyaaye ) Norway
mxmud-gabyaye@hotmail.com
004799851127
oo idin leh ilaahaybaa mahad iyo maamuusba iska leh
|