Badhasaabkii Cusbaa ee Gobolka Gabiley oo Maanta Xilkii Si Rasmi ah
Ula Wareegay.
"Haddii aan kaftan raaciyo, Seemaal uunbaa isaamaysay,bedelkayguna
waa bedel farsamo..." Badhasaabkii hore ..................Daawo
Sawiradda
Gabiley (TNN):- Agaasimaha Guud ee Wasaarada Arimaha Gudaha
Somaliland C/laahi Xuseen Cigeh iyo Agaasimaha Waaxda Gobolada iyo
Degmooyinka ayaa maanta kasoo qayb galay xafl ad ay xilka kula kala
wareegayeen Badhasaabkii hore ee gobolka Gabiley ee xilka laga
qaaday Cali Aw Aadan Meecaad iyo badhasaabka cusub ee loo soo
magacaabay Xuseen Cumar Magan oo lagu qabtay hoolka shirarka Dawlada
Hoose ee Degmada Gabiley.
Munaasibadaasi xilalka lagula kala wareegayay ayaa waxaa kale oo
kasoo qayb galay, Badhas aab ku xigeenka gobolka Gabiley Cali Cabdi
Cabdilaahi (Cali Case), maayarada Degmooyinka G obolka Gabiley,
Culamaaudiin, Salaadiin, Cuqaal, Xildhibaanada golaha deegaanka
Gabiley, iyo masuuliyiin kale oo aad u tiro badnayd.
Agaasimaha Guud ee Wasaarada Arimaha Gudaha Somaliland C/laahi
Xuseen Cigeh oo munaa sibadaasi hadal kasoo jeediyay ayaa
Badhasaabkii hore ee xilka ka dagay ku amaanay inuu oday ka
shaqeeyay gobolka oo uu dadka mideeyay mudadii uu joogay, isagoo ka
cusubna u sheegay in loosoo magacaabay gobol dadkiisu midaysan yahay
nuu horumarka halkaasi kasii wado.
Agaasimuhu wuxuu ka waramay khudbadii madaxwaynuhu ka hor jeediyay
golayaasha baar lamaanka isagoo xusay in madaxwaynuhu shalay balan
qaaday inuu ka shaqaynayo amniga dalka iyo dufaaciisa, isagoo
sheegay in amarkii madaxwaynuhu shalay bixiyay ay ka dhabeey een
Ciidanka qaranka Somaliland oo ay maantaba haystaan Buuhoodle iyo
meel kale oo faro badan.
Badhasaabka Cusub ee dhawaan loo soo magacaabay gobolka Gabiley ayaa
isaguna dadway naha reer Gabiley, reer Somaliland iyo gobolada
jaarka ahba u sheegay inay xilkaasi loosoo magacaabay uu wada saaran
yahay inay si wada jir ah uga wada shaqeeyaan, wixii nabad gal yada
waxyeelayana dhinac ugasoo wada jeestaan.
Badhasaabka Cusub waxaa uu halkaasi uga duceeyay dadkii ku nafwaayay
waxyeeladii ka dha cday deegaanka Seemaal isagoo sheegay inuu si
fiican uga hawl gali doono, labada beelood ee khilaafka ka
dhexeeyaana ay yihiin hooyadii iyo aabihii.
Badhasaabka xilka wareejinayay Cali Aw Aadan Meecaad oo
munaasibadaasi hadal dheer ka jeediyay ayaa ka waramay waxyaabihii u
qabsoomay intii uu xilka hayay isagoo uga mahad na qay shacabka reer
Gabiley sidii wanaagsanayd ee ay ula shaqeeyeen intii uu xilka
badhasaabn imada gobolka Gabiley hayay.
Cali Aw Aadan Meecaad ayaa waxaa kale oo uu sheegay in bedelka
shaqaalaha dawladu uu ka mid yahay sunaha dawladnimada isagoo
sheegay in badalkiisa ay saamaysay arinta shaqaaqa da Seemaal sidoo
kalena uu ku tilmaamay inuu badalkiisu yahay badal farsamo oo ay
xukuum adu xal u aragtay, isagoo ka cusubna Illaahay uga baryay inuu
xilka ku asturo dadkana ku boo riyay inay la shaqeeyaan.
Cali Aw Aadan Meecaad oo halkaasi ka sheegay kalmado kaftan ah oo uu
ku sheegayo waxya abaha sababay in xilka laga qaado ayaa waxaa uu
yidhi “Waxaan leeyahay Bedelka shaqaala ha Dawlada la Badalaa waxay
ka mid tahay shaqada Qaranka. Wax badan baan soo shaqayn ayay.
Waxbadanbaa la i badalay min Kismaayo ilaa Berbera waan soo maray.
Haddii aan kaft an raaciyo, Seemaal uunbaa isaamaysay. Bedelkayguna
waa bedel farsamo. Markaa dawladu xalbay u aragtay waanan ku
hambalyaynayaa.”
Badhasaab ku xigeenka gobolka Gabiley Cali Cabdi Cabdilaahi (Cali
Case) oo isaguna halkaasi ka hadlay ayaa sheegay inay si wanaagsan u
soo wada shaqeeyeen badhasaabka maanta xilka waraajinaya isagoo
halkaasi ka balanqaaday inay ka cusubna sidii hore iyo si ka
wanaagsan ulasii shaqayn doonaan.
Caaqil Maxamed Cabdi Qawdhan oo munaasibadaasi ka hadlay ayaa
hambalyeeyay gudoomiyi hii hore ee gobolka isagoo sheegay inaanay
ilaabi doono sidii wanaagsanayd ee uu umada iyo dalkaba uga
shaqeeyay, isagoo ka cusubna ugu duceeyay in illaahay ku asturay
xilka culus ee loo igmaday.
Badhasaabkan cusub ee loo soo magacaabay gobolka Gabiley ayaa
noqonaya Badhasaabkii Afraad ee soo mara tan iyo intii Gabiley loo
magacaabay Gobolnimada, kaasi oo ka dhigaya tirada badhasaabyada
Gabiley loo soo magacaabo kii sadexaad intii ay xukuumada Kulmiye ka
talinaysay gobolka Gabiley.
Timacade News Desk
Gabiley Somaliland
|