Burkaba ma ana bahal ka filaayay
Salaan dhamaan akhristayaasha
maqaalkan iyo shabakadaha shaashada soo dhigayba.waxa kaloo aan
hambalyo u diraya saxaafada iyo suxiifiyiinta Soomaaliyeed gaar
ahaan kuwa Somaliland, maalinta saxaafada hambalyo ayaan idin
leeyahay.
Waxaan filaayay diintoo la fidiyo, nabadoo dallka wada
gaadha,Ciidamada oo la daryeelo darajadii ciidan oo lagu
taxo,Waxbarashadoo la kobciyo daryeelka da`yartoo la isku daba
rido,tayada caafimaadko kor loo qaado iyo waayeelko la xanaaneeyo,
dhaqaalahoo la kobciyo iyo ganacsigoo la dhiiri galiyo, cadaaladoo
la dhawro saxaafadoo xornimo wax u qorta, masuuliyiinta dawladoo
aqoon lagu soo xulo, dastuurka iyo xeerarka dalkoo lagu dhaqmo iyo
ictiraafkoo daacad loo raadiyo.
Intaas oo qodob ee aynu kor ku soo xusnay ayay shacabka Somaliland
ka sugaayeen madaxda dalka ee xilka haya gaar ahaan guud ahaan
madaxweynaha dalka in uu u qabto shacabkii soo doortay ee uu u balan
qaaday dhaartana ugu maray.Kolay marna lagama filayn in uu ka soo
wada bixi doono waajibaadkiisa laakin intii taagtiisa wax uu ka
qabto ugu yaraan 70%.Shacabku maxay ka dhaxleyn filashadii ay
filaayeen maxayse ay ka hayaan hada.
Xeelad iyo maskaxba laguma boobaayo dhaqaalihi dalka iyo hantidi
qaranka tu gaar iyo tu guudba, se waxa lagu boobaya hadh cad
badheedh aan gabasho iyo xishoodba lahayn.Nin kastaaba meeshu madax
ka ahaa ayuu u maamushay sidii mid gaara, dadkana ay ku baartaan.
Diinti lama fidin oo masjidyadii ayaa biyaha laga iibiya
dhaqaalaysiinba daaye, dadka xumaanti lagama wacdiyo wanaagana lama
faro,aayadihi quraanka iyo xadiisti nabigana "CSW" maah maahyo
siyaasada lagu dhaqaajiya laga dhigtay, hablihii asturna jarbay ka
sii laa laadaan, wiilashii ka daran, haayaduhuna waxbay hoostaas ka
afuufayaan, xaalku waa bariga dhaxe.
Nabadgalyadii lugbay ku taagantahay, hurinta colaad qabiil
dirawalkeedu waa koofiyad bacle wasiir ka dambeeyo adeegsanayana
taarikh madaw oo la soo dhaafay xasuusinaaya maangaabka iyo da`yarta.
Shicibkoo oomato iyo car hadal cabudhin lagu hayo iyo qori afkii,
Ciidamada dalka boolis, iyo ciidanka qarankaba waxa haysta dayac
dhaqaale iyo mid caafimaadba daryeel la`aan.waxaynu nahay dal dhan
oo raba in aynu ka mid noqono beesha caalamka waxaynu dawlad ahayn
hada ku dhawaad 19 sano wali hadaana ciidankeenu malaha astaantii
ciidamada (Darajo) iyo mid xirfadeedba.Waxbarashadu meel fiicanbay
maraysa run ahaanti waxaana mahadaas leh ilaahay ka sakaw shacabka
oo hanti iyo maskaxba ku caawiyay wasaarada waxbarashada somaliland.
laakin wali qabyaa ka muuqata dhanka dawlada.Da`yarta dalka dawladu
wax masuuliyada iskamay saarin waxayna ku kaliyeeyeen waalidka.
garoonba ugu yare umay dhisin mar marka qaarkoodna kuwi dhisna ayay
jago ahaan u iibisa dawladu.
Caafimaadku waa shayga ugu qaalisan bini`aadamka dalkeenuna xarumaha
caafimaadka ee ay dawladu gacanta ku hayso qaarkood waa kharaabado
halka qaarna aanay dawoba dhex oolin iyo qalab lagu shaqeeyaba oo u
sahlaysa dhakhaatiirta hawsha marka laga reebo dhakhatarka guud ee
Hargeisa inkastoo ay gacanta ku hayaan gudi isku jirta culimo,indha
garad,ganacsato iyo siyaasiyiinba oo reer Hargeisa..
Kuwa iska loo leeyahayna dadka dhaqaala xumadu ay haysato ma
awoodaan in ay geeyaan bukaankooda sababtoo ah halka habeyn ee aad
ku jirtid waxay ka qaadayaan ugu badnaan 40$ (Afaratan doolar) afar
habeyn hadaad ku jirtid waa 160$ (Boqol iyo lixdan doolar) oo ay kuu
dheertahay dawadii, qofka danyarta ma awoodo markaa.
waayeelka iyo agoomaha oo iyaguna silic iyo darxumo ku nool oo
iskaba daa in waxa loo qabte iyaga dib loo dhacaayo waxa ugu badan
ee laga dhacaa waa jagooyinka oo maxakamadu uga saxeexdo dad
taajiriina oo shacabkuna u bixiyeen ku qabso ku qadimayside. allaw
sahal amuuraha tani way isku dhabaqdee.Dhaqaalihi iyo ganacsigiina
dad gaara ayaa koonto loogu xiray, sida xoolihi,badeecadi la soo
dajinaayay,garoomadii diyaaradaha, dakadi berbera iyo
shiidaalkiiba.waxa kalo jirta cashuurti dadka laga qaadayayna meel
kalay ku leexata inta badan.
Cadaaladlaan dalka oo dhan haysta xukumada sare ilaa dawlada hoose
iyo garsoorka.
Nin waliba meeshii uu madaxda ka ahaa ayuu u maamusha danihiisa
gaarka, oo cadaaladba ma taalo adiga oo dariiqa maraaya ayaa la iska
kaa xidhanaya, oo manta waxa ku xidhi kara inan/ama wiil uu dhalay
waashimaan wasaaradeed iskaba daaba madaxda sarabe.Saxaafadu waxay
maraysa meel fiican horumar weyna way ku talaabsatay hambalyana way
mudantahay laakin waxa fara bays ku haysa xukumada
xadhig,cagajugleyn iyo jidh dilisba ku haysa.hadana soo wada xeer
saxaafada xorta ah laf dhabarta ka jabinaaya isagoo xeer hore uu
jiray madaxweynuhuna saxeexay dhaqan gal ahna.
Masuuliyiinta dawlada aqoon iyo cilmi iyo waayo aragnimaba laguma
soo xulo, se waxa lagu soo xula cir weyni,xishood laan, xaaranta iyo
xalaasha oo isku mida, afmiishaarnimo iyo qabyaalad.Masuuliyiinta
maanta dalkayna ka taliya safiir daaye qusul laguma aaminayn
hadaytahay dhan cilmi iyo waayo aragnimaba.
Dastuurka iyo Xeerarka dalka dawladu waxay u isticmaasha kolba siday
jeceshahay la jiifiyana banaan la seexiyaana banaan weeyi.
Si aan gabasho iyo xishoodba lahayn ayaa loogu tunta sharciyada
dalka.
Ictiraafku waa "Hal ninkii laha dabada hayo" xukumadu ictiraaf
raadinti waxay ka dhigtay dalxiis loo baxo hotelo casriya oo qaaliya
la seexdo.dalkoo lagu iibiyo saylad ku taala Maraykanka gaar ahaan
xafiiska udub ee cariga Maraykanka..Gabagabadii waxaan hadal ku soo
dhameestiray nin kastaw aduunyo aad urursataa kuma waaraysid
caruurtaadana maaha mid anfacaysa aakhirana xisaaba taal,
Cadaab iska xoree inta aad nooshahay neefi kugu jirto.
Ifka nimaad u cabataad maruun ciidan ka heshaaye, camalkaaga mooye
halkaan hiil casabo joogin (Aakhiro)
BY: Abdifatah O. Abdi (Abdi kling king)
kling_king@hotmail.com
HargeisaSomaliland
|