Buundooyinka isku-xidha Berbera iyo Burco oo kooxo aan la
garanaynini ku hawlan yihiin sidii ay u goyn lahaayeen iyo khatarta
ka taagan godad ka qodmay badhtamaha Buundooyinkaasi
Booliiska oo
baadhaya cida Goynaysa Buundooyinkaasi iyo Maareeyaha Wadooyinka oo
u tagay qiimaynta khasaaraha ay qabaan
Berbera (TNN)- qaylo dhaan culus ayaa ka timi Buundooyinka ku yaala
Jidka isku xidha Berbera iyo Burco taasoo ah koox aan ilaa hada la
garanayn oo ku hawlan sidii ay u jari lahayd kuwaaso o si
dhuumaalaysiya kolba u qodaya Daloolo yar yar oo Laamigaasi ka
samaysmay.
Buundooyinka la doonayo in la gooyo ee ku yaala Jidkaasi ayaa kala
ah labada Buundo ee midi u dhaxayso Geel loo’kor iyo Laalays halka
ta kalena ay ka tahay Kalajab oo ku taala inta u dhaxa ysa Berbera
iyo Geel loo’kor, kuwaasoo gaadiidlaydii Cabsi badan ku abuuray
imikana ay qaarko od kaba leexdaan iyagoo ka baqaya inay ku dhex
dhacaan Godadka laga jeexay.
qaylo dhaantan oo isa soo taraysay maalmahanba ayaa waxa Waaheen soo
gaadhsiiyay qaar ka mid ah Gaadiidlayda isticmaasha Jidkaas ee u
kala gooshta kuwaasoo dhawr jeer ka shakiyay nimankaas oo ku hawlan
garaacida Buundooyinkaas oo markii hore yaraa isla markaana la mood
ayay inay Dayactirayaan hase yeeshee imika ay Ogaadeen in ay
Goynayeen oo ay weynaadeen Dalooladii ay markii hore ku mari jireen.
arrintan oo ah mid khatar ku ah isku socodka gaadiidka iyo
dadweyanaha u kala gooshaya bari ga iyo Galbeedka Somaliland ayaa
mid ka mid ah Dirawaliinta qaylo dhaanta na soo gaadhsiiyay oo
magaciisa in la sheego ka gaabsaday ku tilmaamay in la doonayo in
Jidkaasi lagu waxyeele eyo si loo kala jaro isku socodka Gobladdaasi
taasoo uu ku tilmaamay qorshe khatar ku ah dhin aca Nabadgelyada iyo
Ganacsigaba.
Maareeyaha Guud ee Hay’adda Wadooyinka Somaliland C/waaxid C/qaadir
C/raxmaan oo isaga oo jooga magaaladda Burco aanu kula xidhiidhnay
khadka Telefoonka ayaa Waaheen u xaqiijiy ay jiritaanka Warkani
waxaanu sheegay dhawaan in lagu soo wargeliyay dhibaatada lagu hayo
Jidkaasi, waxaanu sheegay in ay ku hawlan yihiin sidii ay meelahaasi
iyo Jidka wixii ka go’anba ay Dibu-dhis ku sameeyaan.
Maareeyuhu waxa uu sheegay in ay arrintan kala xidhiidheen Taliyaha
Booliiska Qaybta Gobolka Saaxil balse uu u sheegay in ay dhawr qof u
qabteen hase yeeshee markii wax acadaymo ah la gu waayay isla
markaana uu xusay inay ku daba joogaan dadka Goynaya Jidkaasi
dhinaca kalena Taliyaha booliiska qaybta Gobolka Saaxil C/raxmaan
Ibraahim Maxamud oo aanu xalay khdaka Telefoonka kula xidhiidhnay
ayaa yidhi “wadooyinku way dhaawacan yihiin markaa waxa la isku
hayaa ma dayactirbaa mise waa la goynayaa markaa waa la baadhayaa,
maalin dh aweyd waxa naloo sheegay in ay laba nin Qodayeen hadana
waanu weynay caawadana Heeg an baanu gelinay Ciidanka si ay u
ilaaliyaan markaa ka hor dhici maayee baadhid baa ku socota” ayuu
yidhi Taliyuhu
Buundooyinkan ayaa dib loo dhisay kadib markii la burburiyay
wakhtigii ay dalka ka talinayeen Askartii Siyaad barre ee ay
dagaalka kala hor yimaadeen Jabhaddii SNM hase yeeshee markii dalka
la xoreeyay ayaa waxa lagu sameeyay Dibu-dhis iyadoo mararka
qaarkood-na dayactir lagu sameeyay, waxaana ku baxay dhaqaale badan
oo ay Somaliland ku caawiyeen Midawga Y urub.
Source:Waaheen
|