Cabdillahi Xuseen “Darawal” iyo Dr. Maxamed Cabdill
ahi Cumar oo kulan ku yeeshay London
London 1 March 2009 - Xoghayaha
Arrimaha Dibadda ee Xisbiga KULMIYE, Dr. Maxamed Cabdillahi Cumar
iyo Guddoomiyaha Garabka dimuqraadi doonka ah ee xisbiga UDUB,
Mujaahid Cabdillahi Xuseen Iiman “Darwal” ayaa maanta kulan qaatay
muddo dheer ku yeeshay magaalada London ee dalka Ingiriiska oo uu
Cabdillaahi Darawal yimid shalay.
Kulankan oo ka turjumaya muhuimadda KULMIYE siinayo horumarinta
dimuqraadiyadda waxay labada geesood (KULMIYE iyo UDUB ta dimuqraadi
doonka ah) si mug leh uga wada hadleen labo arrimood aoo kale ah
doorashada madaxwaynanimada ee Somaliland ee ay xukuumaddu ka caga
jiidayso iyo sida uu madaxwayne Daahir Rayaale ugu tuntay xuquuqda
ka qabygalka siyaasadda ee muwadiniinta Somaliland. Waxay laba
geesood isla qireen in loo baahan yahay in la iska kaashado sidii
loo xaqiijin lahaa in muwaadiinta Somaliland ay heelaan xaqqa ay u
leeyihin inay ka qaybgalaan siyaasadda, iskuna sharxaan jagooyinka
hogaamineed ee dalka, iyo inay doorashooyinku dalka ka dhacaan
xilliga loogu tala galay. Waxayn isla garteen in xukuumadda hadda
jirtaa ay ku fashilantay ka midha dhallinta quxuuqdaasi aasaasiga
ah, loona baahan yahay in dadku arrintaa diidaan.
Waxaa la qorsheeyay kulammo uu Cabdillahi Xuseen Iimaan, oo ah
guddoomiyaha garabka dimuqraadi doonka ah ee UDUB, uu la yeelan
doono masuuliyiin ka tirsan dawladda Ingiriiska inta uu joogo dalka
Ingiriiska oo uu uga warami doono xukunka Daahir Rayaale ee
baabi’inaya nabadgalyada iyo dimuqraadiyadda Somaliland. Waxaa kaloo
oo uu guddoomiye Cabdillahi Xuseen la yeelan doonaa kulammo
jaaliayadda Somaliland ee ku dhaqan dalka Ingiriiska oo uu kala
hadli doono xaaladda kali-talisnimada ah ee Somaliland hadda ka
jirta iyo sidii loo taageri lahaa garabka dimuqraadi doonka UDUB.
Booqashada Cabdillahi Darawal oo ah musharax u taagan jagada
musharaxaha madaxwaynaha ee xisbiga UDUB waxay ku soo began tahay
xilli cadaadis caalami ah oo aad u wayni uu saaran yahay madaxwayne
Daahir Rayaale. Caddadiskan oo la xidhiidha ishortaaga dawladu
caadaysatay ee doorashada madaxwaynaha oo markii seddexaad ay is
hortaagtay iyadoo doonaysa in loo dheereeyo xukunka.
Cadaadiskan caalamiga ahi wuxuu ka danbeeyay kulammo uu xisbiga
KULMIYE la yeeshay dawladda Britain oo sababay in madaxwaynaha loogu
yeedho inuu yimaado London si uu sharaxad uga bixiyo arrimaha
hortaagan inuu doorashada qabto.
|