Daah-furkii Xafiiska UrurkaWADDANI ee Gobolka Ohio, USA
Ohio (TNN)-Xaflad aad u heersaraysa oo ay soo qabanqaabiyeen
taageerayaasha Ururka W ADDANI ayaa lagu qabtay caawa magaalada
Columbus (gobolka Ohio) ee dalka Maraykanka. Xafladan oo si heer
sare ah loo soo agaasimay, ayaa waxaa ka soo qabgalay jaaliyada reer
Soomaaliland iyo taageeraysasha Ururka WADDANI oo aad u tiro badnaa
oo isug jiray siyaa siyiin, aqoonyahano, oday dhaqmeedyo, culimo,
haween, iyo dhalinyaroba.
Xaflada waxaa si hufan oo heersare ah u xidhiidhinayey Cabdiraxmaan
Guuleed. Xaflada oo waxaa aayado Quraana iyo wacdi ku furay Sheekh
Axmed Dhancade. Intaas ka dib, xidhiid hiye Cabdiraxmaan wuxuu si
sharafleh madasha ugusoo dhaweeyey Gudoomiyaha Ururka WADDANI ahna
xubin ka tirsan Gudiga Fulinta Ururka WADDANI marwo Muna Cali Fadhin.
Gudoomiye Muna waxay si qoto dheerleh uga hadashay taariikhdii
Ururka WADDANI iyo marxaladihii siyaasadeed ee uu kasoo gudbay. Gud.
Muna waxay tilmaantay guulaha is daba jooga ah ee usoo hoyday Ururka
WADDANI iyo taageerayaasha WADDANI oo maalinba maalinta kasii
danbaysa sii kordhaya. Waxay intaas ku dartay in uu Ururka WADDANI
yahay Ururka kaliya ee ay kusoo biireen Ururkadii hore ee hadhay iyo
waliba Xisbigii Udub, taas oo cadaynaysa in uu WADDANI yahay Ururka
kaliya ee ay ku midoobeen muwaadiniinta reer Soomaaliland oo ku
astaysan sinaan siyaasadeed. Gud. Muna waxay hadalkeedii kusoo
gunaanaday in loo baahanyahay taageero dhaqaale iyo mid codba lala
garab istaago Ururka WADDANI oo guushiisii inoo muuqato.
Waxaa kale oo iyaguna xafladaa hadalo aad u qiimo badan kasoo
jeediyey odayaal iyo aqoo nyahano. Waxaa hadal aad u qiimo badan
halkaas kasoo jeediyey Axmed Gool Cade oo ku dheeraaday horumarinta
iyo taageerida Ururka WADDANI aadna uga war-bixiyey guulaha uu
Ururka WADDANI soo hooyey ee is daba jooga ah. Waxaa kale oo isna
xafladaas hadal aad u qiimo badan kasoo jeediyey Jaamac Cali Faarax
(Jaamac Quraab) oo ka hadlay wax qabadka Ururka WADDDANI iyo guusha
uu usoo hoyn doono Soomaaliland marka la doorto. Waxaa kale oo
xafladaas hadalo qoto dheer ka soo jeediyey Mahdi Qaadi oo ka hadlay
in WADDANI ay ka muuqdaan umada reer Soomaaliland oo dhami uuna
yahay Ururka kaliya ee ay ku bahoobeen wadaniyiinta reer
Soomaaliland, sidaa awgeedna ay waajib inagu tahay in aynu taageero
buuxda oo dhaqaale iyo codba isla garabtaagno WADDANI. Waxaa xaflada
duco aad u qiimo badan kusoo gunaanaday oday Siciic Foodcade oo u
duceeyey dhamaan umada muslimiinta ah iyo reer Soomaalilandba.
Xafladan oo ku gabo-gabowday farxad, rajo aad u saraysa, iyo
rayn-rayn, waxaa iskusoo duba riday oo waqtigoodii iyo maalkoodiiba
u huran taageerayaasha sharafta leh ee hoos ku xusan.
Safiya Jaamac Nuur
Safiya Ismaaciil Nuur
Holaal Cabdi
Nimco Cismaan Cabdiraxmaan
Aamina Jaamac Xasan
Ubax Jawaare
Hodan Jawaare
Suleekha Jaamac Nuur
Sahra Andi
Nimco Andi Maxamed
Ibraahim Jaamac (Balaakii)
Xafiiska Ururka WADDANI Ohio
|