Dahir Rayale oo Socod
ku Jooga Yurub iyo Xiisada Siyaasada Dalka
Kadib bishan Maarso horaanteedii markuu madaxwaynuhu ku yimid socod
aan la sheegin ujeedadiisa ayaa dadka qaar waxay safarka
madaxwaynaha ku tilmaameen inuu yahay mid dawlada ingiriisku ay
walwal ka muujisay sida ay u socoto nidaamkii Somaliland ay ku
faanaysay ee ahayd in ay nabad iyo xasilooni ku kala baxaan.
Madaxwaynaha waxa wakhtiga loo dheereeyey dhawr jeer oo aan ku jirin
dastuurka dalka waxaanad moodaa ayey dadka qaar sheegeen in xisbiga
UDUB uu ka maagayo inuu cod bixiyayaasha waajaho sidaasi darteed “Nafi
orod ayey ku aamintaa”
Maxamed Roble oo ka mid ah
jaaliyada ingiriiska ee Somaliland ayaa sayliciPress u sheegay in
wakhtigan aan loo baahnayn in dhiiga la’isku kariyo ama amniga lagu
ciyaaro kaliya waxa loo baahan yahay in aayar cod lagu kala baxo oo
Dahir isagoo raali ah jagaaftiisa iska gurto.”
December 2007-ayey ahayd inay dhacdo doorashada madaxwaynuhu wuxuuse
madaxwaynuhu codsaday in mudada loo kordhiyo kadib hal sano ayaa
loogu daray; halkii la rabay inay ka dhacdo dabayaaqada 2008- hadana
Dahir Rayale wuxuu dalbaday in mudada loo dheereeyo iyadoon
tirokoobtu dhamaad darteed; waxa lagu balamay in doorashadu ay
dhacdo bisha Maarso 29 keeda, 2009 - hadana Dahir Rayale wuxuu
codsaday in dib loogu dhigo ilaa bisha May 31, 2009.
Shacabka ingiriiska ayaa abaabulaya mudahaaraadyo ay Dahir Rayale
kaga soo horjeedaan oo ay ku muujinayaan inuu dimuqraadiyadii iyo
qunyar socodnimadii bulshada Somaliland uu meel kaga dhacay sidaasi
darteed kursigii madaxwayne-nimada uu boqortooyo u badalay.
Indheergaradka Somaliland ayaa ku baaqaya in
Dahir Rayale maxkamad lasoo taago oo baadhitaan lagu sameeyo hantida
qaranka sida uu u maamulay intuu kursiga hayey.
Shacabku sidoo kale waxay ka baqayaan in laga foojignaado xasilooni
daro dhacda hadii Dahir Rayale markale uu dalbado in mudada loo
kordhiyo. Doorashada ayaa ugu danbayn lagu wadaa
31 May 2009 - inay dhacdo iyadoo dib
loo dhigay mudo sanad ka badan.
SayliciPress
|