DALKEENA OO BURBURA IYO WAXAY
WADAAN DIB UNOQOSHADII LIXDANKII!!!
“Ma laha mabda’ Mideeya oo aan
ahayn magaca Somaliland”.
“Ma jiro waxay maanka ku hayan o an ahayn kursi madaxweyne”.
“Ma jiro Mashruc u hayo iyo Wuxuu kan kale malmo dheryahay”.
Tan iyo intii Jamhuuriyada Somaliland ka guurtey nidaamkii beelaha
ee ay udigo rogatey habka asxaabta badan, waxay ahayd mid kasoo
raysa marba marka ka dambaysa marka labarbar dhigo xiliyadii
nidaamka qabaliga ah ee sanadihii 1991 ilaa 2002, xiliyadaas oo
dalka ay soo mareen dagaalo sokeeye oo dabada ku hay ay kala
riixashada hogaaminta dalka.
Qaadashadii nidaamka axsaabta badani wuxuu ididiilo galiyay inta
badan muwaa diniinta Somaliland oo u arkayay midka ugu haboon
ee lagaga badbaadi karo isku dhacyo dambe, Isla markaana lagu gaadhi
karo horumar lataaban karo.
Inkasta oo ay xili hore tahay qiimaynta nidaamka asxaabta badan ee
Somaliland, hadana waxa marag madoon ah in lagu gaadhay bilow fiican
iyo deganaansho nololeed sanadihii lasoo dhaafay, kaasi oo suurto
galiyay kor uqaadida sumcada Somaliland ku yeelatay beesha caalamka.
Iyada oo aan wali la odhan karin nidaa mkaasi wuxuu u
shaqeeyay sidii loogu talogalay.
Nidaam kasta oo laqaato waxa uu leeyahay dhibtiisa iyo dheeftiisa,
waxaanu ubaahan yahay samir iyo wakhti kufilan oo lasiiyo si looga
midho dhaliyo. Balse deg dega Somalida guud ahaanba aynu lawadaago
ayaa sababay in aynu rajayno beerida midhaha iyo bisaylkooda oo wada
socda.
Deg degsiimadaasi waxa uu sababey in isla doorashadii ugu horeysay
ee mada xtooyada oo xisbiga hada talada Somaliland haya ee
UDUB kugulaystay uu la kowsaday diidmo kaga timid axsaabtii
mucaaridka ee latartamayay siiba xisbiga Kulmiye. Inaga oo liqi kari
waynay bar bilowga qadhaadhka uu leeyahay nidaam ka aynu
qaadanay, mararka si gaar ah kuu saacidi waayo.
Kala fogaansho iyo qardoofooyin siyaasadeed oo soo kala gaadhay
qoladii door ashada heshay iyo kuwii laga helay wakhtigaas
ayaa bilow unoqday murano macno daro ah oo marba sii xoogaysanay oo
udhexeyay xisbiga talada haya iyo xisbiyada mucaaridka ah siiba
Kulmiye, kaasi oo aan ku salaysnayn dhaliisha mucaarid dawladiisa
toosiya iyo dawlad nasteex u aragto mucaaridkeeda, balse xaalku ahaa
in wax walba oo uu badka soo dhigo xisbiga UDUB inta uu talada hayo
laga hor yimaado, isla markaana lagu abuuro tuhuno iyo been abuuro
aan jirin sidii shacabka loogu kicin lahaa xisbiga talada haya.
Halka xukuumada iyo xisbigeeda UDUB na meel iska dhigeen talo kasta
oo uga timaada xisbiga Kulmiye noocey doonto ha noqotee.
Midi midi kutaaga maalintaas bilaabmey ayay dadka siyaasada rog
rogaa u sibir saaraan siyaasada labada xisbi oo aan wax buuran ku
kala duweyn, iyo saaxiibo isqaniiney oo dano shakhsi kala kaxaysay,
iyada oo taasi marag looga dhigo isweyd weydaarashada madaxda sare
ee labada xisbi oo kii shalay Kulmiye ahaa manta UDUB yahay, mid
UDUB ahaana manta Kulmiye lagasoo helayo. Waxayna nidaamkii axsaabta
badan ee horumarinta dalka ubadaleen aargoosi siyaasad eed iyo
isdaba wareeg dhexdooda ah, iyada oo shacabkuna uyaqaanaan
labad an xisbi wasiiradii shalay (Kulmiye) wasiirada manta ( UDUB).
Xisbiga Kulmiye oo lagu dhawaaqey sadex maalmood uun kadib geeridii
Gudomiy ihii ugu horeeyay ee UDUB marxuum M.X.I.Cigaal ayaa
lasheegaa inuusan haysan wakhti badan oo lagu diyaariyo barnaamijyo
qoto dheer iyo qorsheyaal uu kaga duwanaado xisbiyadii wakhtigaas
jirey oo ay kamid ahaayeen UDUB iyo UCID. Taas badalkeeda waxay
magacyada uun kabaaleen copy lagasoo min guuriyay barnaamikii
siyaasadeed ee xisbiyadii jirey. Halka meelo aan badnayn oo ay
diira da saarayeena wax kudareen.
Isku milanka UDUB iyo Kulmiye ee dhinaca siyaasiyiinta isweydaarta,
kujiqsiin iyo kala jabinta, iyo kala Copy iyo paste gareyn
barnaamijkooda siyaasadeed wuxuu sababey in dantii guud kulunto, oo
ay labadooda uuni qoorta iska lushaan. Waa siyaasiyiin Kulmiye
katirsan horena uga tirsanaan jirey UDUB oo markii xilka laga qaadey
galey Kulmiye oo maanta u arka in geeloodii UDUB cirka ku maalayso,
iyo siyaasiyiin UDUB ah iyo kuwo hore Kulmiye uga tirsanaa oo maanta
UDUB ah, kuwaasi tu kasta oo Kulmiye soo dhigo ka dhex uriya
kuqisiin iyo kicin dadweyne.
Mawqifyo kala durugsan oo aan wali soo shaac bixin oo xisbiyada
mucaaridka ahi wataan iyo mid kale oo ay xukuumada talada haysaa
kaga hortegayso ayaa caqabad ku ah xal laga gaadho wakhtiga dhow
muranada taagan. Xisbiyada mucaaridka ahi waxay is tuseen in aan
manta lajoogin wakhti doorasho kale lala galo xisbiga UDUB oo
awoodii dawlada oo dhan haysta, horena ay usoo arkeen, waxayna
badalkeeda hoosta kusitaan qorshe dhagaraysan oo dhigaya in
wakh tiga laga rido xukuumada UDUB, inta kahoreysana buuq lagu
abuuro ilaa lasoo gaadho dhamaadka wakhtiga xukuumada talada haysa.
Waxay mucaaridku kamidaysan yihiin in hadii xukuumadu doorasho
diyaariso aa nay kaqayb galin, iyagoo marmarsiiyo kadhigta in
dawladu isticmaasho hantida qaranka ee loo siman yahay,
waxayna door bidayaan iyaga oo aan u eegin waxa sharcigu ka qabo in
talada dalka loo dhiibo cid dhex ah, kadibna sadexda xisbi oo dibada
kajooga maamulku ay galaan doorasho, halka dhinaca kalena xukuumada
Somaliland isha kuhayso isku dayada mucaaridka. Waxayna dhinacooda
diyaari yeen qorsheyaal dhawr ah oo ay kaga hortagayaan.
Kuwaasi oo ah In mar hore xukuumadu wado kasta oo doorasho ku dhici
karto isku daydo, xataa hadii ay ku kalifayso inay kaligood doorasho
galaan, in hadii ay suurto gal noqon waydo doorasho dhacdaa, ayna
kafursan doonin kordhin dam be oo guurtidu samayso, si ay
taasi ugu suurto gashana ay xal u helaan diidma da mucaaridka
galida doorasho bilaa diwaan galin ah iyo suurtogal nimada hadii ay
taasi diidaan kordhinta guurtida ee xilka madaxweynaha.
Maanta oo lataagan yahay dhamaadka mudadii wakhtiga loo kordhiyay
xisbiga talada haya si doorasho loogu diyaar garoobo oo aan ilaa
manta aanay muuqan wakhti loo cayimey in doorasho lagu qabto kadib
is maandhaafka uu sababey fashilaadii kutimid diwaangalintii qaranka
ee komishanku laaley, kala fogaans haha damaca ku qotoma
danaha shakhsiyeed, xisbiyeed iyo kooxeed ee dhinac yada is
hayaa waxay horseedi kartaa qalalaase aan hadhow laqaban Karin.
Sidaa darted waxa la gudboon inta nasiibka uyeelatay inay kawada
hadlaan ma siirka dalku in ay tixgaliyaan malaayiinta reer
Somaliland ee jecel horumarka dal kooda, aadkana u neceb
muranka madhalayska ah ee wakhti badani hore inag aga lumey.
Allaa mahadleh
|