Deeqbixiyeyaasha oo
Dalbaday in Khubarro Ca alami ah oo Madaxbann aan loo Xilsaaro
Isku-dubbaridka Hawlaha Doorashada
Madaxtooyada Somaliland
“Waa in xukuumaddu la timaad
qorshe deeqbixiyeyaashu ku qanacsan yihiin oo ku saabsan sugidda
ammaanka dalka oo aan doorashada khalkhal gelin karin, kaasoo ah
shuruudda koowaad ee ku xidhan bixinta kharashka deeqbixiyeyaashu
ugu talogaleen doorashada madaxtooyada”
“Waa inay jiraan hab lagu kala baxayo haddii doorashada laysku qabto,
kaasoo ay ka qaybqaadanayaan xisbiyada, Komishanka, deeqbixiyeyaasha
iyo khubarro madaxbannaan oo ka socda beesha caalamka”
Nuxurka qoraal deeqbixiyeyaashu u gudbiyeen Komishanka iyo saddexda
xisbi qaran
Deeqbixiyayaasha Somaliland ka caawiya dhaqaalaha ku baxaya
doorashooyinka, ayaa xisbiyada iyo Komishanka Doorashooyinka ka
dalbay in khubarro caalami ah oo madaxbannaan loo saaro isku
dubbaridka hawlaha doorashada Madaxtooyada ee soo fool leh.
Sidaa waxa lagu sheegay qoraal deeqbixiyeaashu ku soo bandhigeen
shuruudo ay ku xidheen doorasho xor iyo xalaal ah oo dalka ka
qabsoonta waqtiga loo qoondeeyey oo shalay loo gudbiyey Komishanka
Doorashooyinka iyo saddexda xisbi qaran ee Somaliland.
Deeqbixiyeyaashu waxa ay axsaabta iyo Guddiga Doorashada ka
dalbadeen in la helo hab la isku waafaqsan yahay oo lagaga bixi karo
haddii doorashada madaxtooyada ka dhacaan muranno la isku qabto,
qorshahaas oo ay ka qaybqaadanayaan khubarro ajnebi ah oo ka
madaxbannaan hay’daha maamulaya doorashooyinka.
Shuruudaha deeqbixiyayaasha caalamiga ah u gudbiyeen shalay
Komishanka Doorashooyinka iyo axsaabta qaranka, ayaa nuxurkiisu
yahay sidii ay dalka uga dhici lahayd doorasho xor iyo xalaal ah oo
lagu wada qanacsan yahay.
Inkastoo aan si rasmi ah loo shaacin qoraalka deeqbixiyeyaashu u
gudbiyeen Guddiga Doorashooyinka iyo saddexda xisbi qaran iyo
nuxurka uu xambaarsan yahay toona, haseyeeshee sida ilo xogogaal ah
Jamhuuriya u xaqiijiyeen xalay, waxa xeer-anshaxeedkaas oo ka dhawr
qodob ka kooban ka mid ah:
-In sida ugu dhakhsaha badan laysu waafajiyo xeerarka doorashooyinka
ku shaqada leh oo haddii waqtigu saamixi waayo in goleyaasha
sharci-dejinta laga ansixiyo lagu daro xeerka anshaxa doorashada ee
axsaabtu saxeexayaan;
-Waa inay jiraan hab lagu kala baxayo haddii doorashada laysku qabto,
kaasoo ay ka qaybqaadanayaan xisbiyada, Komishanka, deeqbixiyeyaasha
iyo khubarro madaxbannaan oo ka socda beesha caalamka, iyadoo habka
lagu heshiiyeyna khubarrada madaxbannaan gacanta ku haynayaan ilaa
inta doorashadu ka dhammaanayso;
-Arrinta Komishanka waa in si aan habrasho lahayn laysku weydiiyo
kartidooda, aqoontooda iyo hoggaamintooda, waana in lagu heshiiyaa
xal ku-meel-gaadh ah oo arrinta xubnaha Komishanka laga gaadhi,
taasoo aan haba yaraatee doorashada dib uga dhigayn waqtiga loo
cayimay;
-Waa in la saxeexo xeerka anshaxa ee xisbiyadu ku heshiiyeen ugu
dambayn 21 June 2009;
-Waa in xukuumaddu dhaqaalihii ay ugu talogashay doorashada ku
diyaariso ugu dambayn 15 June, kuna shubto account u gaar ah oo
deeqbixiyeyaashu xilli alla xilliga ay doonaan hanti-dhawr gelin
karaan;
-Waa in xukuumaddu la timaad qorshe deeqbixiyeyaashu ku qanacsan
yihiin oo ku saabsan sugidda ammaanka dalka oo aan doorashada
khalkhal gelin karin, kaasoo ah shuruudda koowaad ee ku xidhan
bixinta kharashka deeqbixiyeyaashu ugu talogaleen doorashada
madaxtooyada;
-In doorashadu ku qabsoonto waqtiga loo cayimay ee ah 27 September
2009 iyo weliba qodobo kale oo khuseeya arrimaha doorashooyinka.
Jamhuuriya Online
|