War saxaafadeed deeqbixiyeyaashu ka soo
saareen Nairobi
Nairobi (Longlivesomaliland
News)- Deeqbixiyeyaasha caalamiga ah ee Somaliland ka taageera
doorashooyinka iyo hannaanka dimoqraadiyadda, ayaa caddeeyey in ay
soo dirayaan khubarro shisheeye oo ka shaqayn doona hawsha kala
shaandhaynta diiwaangelinta diiwaangelinta codbixiyeyaasha.
Sidaa waxa lagu sheegay warsaxaafadeed deeqbixiyeyaasha caalamiga oo
ka kooban Guddiga Gadhwadeenka Barnaamijka Dimoqraadiyadaynta
Soma liland oo kala ah Maraykanka, Ingiriiska, Midowga Yurub,
Norway, Sweden iyo Denmark xaruntooda magaalada Nairobi, caasimadda
Kenya, balse waxa ay qorshaha soo dirista khubarrada shuruud uga
dhigeen, in marka hore la dhammaystiro magacaabista xubnaha cusub ee
noqonaya Komishanka Doorashooyinka Qaranka.
Waxa kale oo deeqbixiyeyaashu warsaxaafadeedkooda ku sheegeen inay
diyaar u yihiin sii wadista taageerada dhaqaale iyo farsamo ee ay u
fidiy aan geeddi-socodka doorashooyinka Somaliland, waxaanay si gaar
ah u soo dhoweeyeen heshiiskii dhowaan lagu soo afjaray khilaafkii
siyaasiga ahaa ee dalka ka taagnaa.
Warsaxaafadeedka deeqbixiyeyaasha caalamiga ah oo faahfaahsan waxa
uu u qornaa sidan:
“Deeqbixiyeyaasha oo ka kooban Guddiga Gadhwadeenka Barnaamijka
Dim oqraadiyadaynta Somaliland (USA, UK, EC, Norway, Sweden iyo
Denmark) waxay arkeen heshiiskii dhexmaray saddexda xisbi qaran ee
ku saabsanaa doorashada soo socota ee Madaxtooyada Somaliland ee
lagu kala saxeex day toddobaadkii hore Hargeysa.
Waxa aannu diyaar u nahay inaannu sii wadno taageerada
geeddi-socodka doorashada Somaliland, iyo iyadoo laga duulayo
heshiiskaas in aannu soo dirno khubarro marka la dhaqan-geliyo
wax-ka-beddelka Komishanka Door ashooyinka Qaranka ee ay
bilaabanto dhaqangelinta heshiisku.
Waxa aannu diyaar u nahay in aannu la shaqayno Komishanka cusub si
aan nu u taageerno qabashada doorasho xor iyo xalaal ah oo
Somaliland ka dhacda.”
Hoggaamiyeyaasha saddexda xisbi ee UDUB, KULMIYE iyo UCID, ayaa
dabay aaqadii toddobaadkii hore qallinka ku duugay heshiis ka kooban
lix qodob oo beesha caalamka iyo dawladda Itoobiya ku
dhexdhexaadiyeen dhinacyada as oo tan iyo badhtamihii
sannadkii hore ka dhex oognaayeen khilaafaadyo ka dhashay dib-u-dhacyada
ku yimi qabashada doorashada Madaxtooyada Somaliland.”
Source: Jamhuuriya Online
|