Dooxa Arabsiyo oo Daadadkii Kasoo Rogmadey Dad Uu Qaadey Ku Dhinteen
Xanibeyna Gaadiid Tira Badan oo Ukala Goosha Caasimada Hargeysa iyo
Galbeedka
Arabsiyo (TNN)-Dooxa Arabsiyo oo ah dooxa ugu balaadhan ee uu dhex
maro jidka Xidhiidhiya Caasimada Somaliland Hargeysa iyo
Magaalooyinka Galbeedka ayaa, daadadkii laxaadkii lahaa ee kasoo
rogmadey waxa ku geeriyooyadey Gabadh yar oo Magaceedu ahaa Hoodo
Ismaaciil Cabdi, Hooyadeedna layidhaa Nimco Cagoole kadib markii ay
isku deydya intaanu daadadku soo rogman inay ka talowdo dooxa
Arabsiyo.
Gabadhaa yar oo meydkeeda laga quustey ilaa Habeen hore ayaa, saaka
barqadii laga helay Ceelasha kuyaala Gudaha Dooxaasi kadib markii ay
daadadku ku aaseen Ceelashaasi islamarkaana, laan Geed oo daadku
afka Ceelkaasi dhigeen lagu arkey Gacanta Marxuumadaa yar oo kasoo
jeeda, taas oo isla maanta lagu aasey Magaalada Arabsiyo oo katirsan
Gobolkan Gabiley.
Gudoomiyaha Degmada Arabsiyo C/laahi Cabdi Faarax oo caweysinkii
xaley u waramay Shabakada Wararka ee Timacade News, ayaa ka deyriyay
guud ahaanba dhibaatada uu leeyahey Dooxa Arabssiyo marka ay sanad
walba xiligan oo kale Roobabku curtaan , waxaanu carabka ku dhuftey
in dooxani galaafto Sanad walba Xiligan oo kale dad iyo Gaadiidba,
Sidoo kalena saraakiisha Ciidanka Booliska Gobolka Gabiley ayaa u
sheegay Shabakada Wararka Timacade News ,in ay ku amreen Gaadiidka
in aan la isku dhex tuuri karin daadka oo socda.
Roobabkii Xaley Da,ey ayaa sidoo kale ku xanibey Gudaha Dooxa
Arabsiyo Boqolaal Gaadiid ah oo kamid ah kuwa sida joogtada ah
maalin walba isaga goosha Caasimada Somaliland ee Hargeysa iyo
Magaalooyinka Galbeedka taas, oo roobabkii shaley da,ay daadadki
kasoo rogmadey xanibeen ilaa shan baabuur oo gudaha dooxa galey
kadib markii daadadkaasi soo dhigeen ciid fara badan oo ay baabuurtu
galeyso.
Dhinaca kalena roobabkii maanta da,ay oo ahaa roobab aad u weyn ayaa,
daadadka kasoo rogmadey oo ah daadadkii ugu badnaa ee nooceeda ahi
waxey caawa ku xanibeen labada dhinac ee Dooxa Arabsiyo boqolaal
Gaadiid ah wixii ka dambeeyay sadexdii Galabnimo ee galinkii dambe
ee Maanta.
Dooxa Arabsiyo ayaa Sanad Walba marka ay xiligan oo kale curtaan
Roobabku dhibaato badan ku haya Gaadiidka iyo dadkaba taas, oo ay
sabab u tahey maadaama Dooxani wadadu dhex marto islamarkaana ay
daadadku dhigaan caro bataax ah oo culus oo qabsata Gaadiidkaasi
iyadoo, inta badan dirawaliinta qaarkood sahashadaan Biyaha baahsan
ee Dooxa Socda halkaas oo ay ku haligmaan marka Dambe,iyadoo dhinaca
kalena ay daadadkani soo faqaan Xabaalaha Magaalada Galbeed Arabsiyo
kadib markii Gabaynku baaba,ay.
Cabdiraxmaan Nuux Hiiraan
Timacade News Desk
Gabiley,Somaliland
|