GARMAQAATE DAAHIR
RIYAALE INDHO ADAGAA MA BACAADAA
Waxaan dadweynaha Soomaaliland xasuusinayaa balanqaadyada
dhalanteedka ah Ee Daahir Riyaale ku maaweeliyo ummada Somaaliland.
Anigoon hadal toocsanayn madhaafaanka aan ka abbaaro,khudbadii uu
garmaqaate Daahir Riyaale ka horjeediyey labada gole Guurtida iyo
Wakiilada bishan April Sannadkii ina dhaafay (2009-04-29).
Garmaqaate waxa uu khudbadaas kaga hadlay dhinacyo badan oo ay kamid
yihiin :
Siyaasada arrimaha dibada ee dalka ,arrimaha
dhaqaalaha,Caafimaadka,Waxbarashada,Dhalinyarada iyo
Ciyaaraha,Dibudhiska iyo qaar kaloo badan.
Khudbadaas oo aad u dheerayd waxaan ka soo
qaadanayaa dhowr qodob,kuwwaas oo ahaa:
• Doorashooyinka wixii uu ka yidhi
• Sharciga iyo Dastuurka wixii uu ka yidhi
• Dibudhsika wixii uu ka yidhi
• Dhalinyarada iyo ciyaaraha wixii uu ka yidhi
Inta aanan u guda gelin naqdiga ama falaqaynta wixii ka qabsoomay
arrimahaa
dusha ku qoran,aan idin xasuusiyo maahmaah Soomaaliyeed .
Saddex lama aamino ama lama raaco
1.Nimaan Run aqoon
2.Nimaan Rabbi aqoon
3.Nimaan Rag aqoon
Maahmaahdan kor ku xusan waxaan laba ka mid ah oo ah labada hore
idinku
Cadaynayaa in ay yihiin calaamaadka uu leeyahay Garmaqaate Riyaale.
Ta saddexaadna maqaalkayga danbe haddii Eebo idmo ayaan idiin soo
gudbin doonaa,Kaas oo aan kaga hadli doono sida uu ula dhaqmay
dadkii ka dhigay madaxweynaha!!!!
Doorashooyimka wixii uu ka yidhi:
Hadaladii uu garmaqaate Riyaale doorashooyinka ka yidhi waxaa ka mid
ahaa.
“Waxaan hubaa in ummadeenu sidii ay inoogu taageertay
doorashooyinkii hore
ay tanna inoogu taageri doonto,iyadoo doorashadan ay kaga duwanaan
doonto,
sidii aan horeba halkan uga ballan qaaday inaan dadkeena
diiwaangelino sida
dastuurkeenu dhigayo,si aynu u helno doorasho xalaal ah oo nadiif
ah,oo tirada dadka wax lagu qaybsado.Doorashooyinkii hore ee aan
qabanay,waa kuwa Qarankeenu garawshiiyo kaga helay
caalamka.Tijaabaddii ugu danbeysey manta ayaa la inagga eegayaa,in
aynu walaalaheena Afrikaanka ah la mid noqono oo kursigu ka qiima
Roonaado Qaranimada iyo in ay Dimuqraadiayadu ina hogaamiso”
Waa cajiib ,tallow Riyaale khudbadaas dib ma u dhagaystey,waxaan
qofna caad ka saarnayn in diiwan-gelintii Soomaliland ka hirgashay
ay ku danabeysey sidii mashruucii Faanoole ama warshadii Sibidhka .
Waxa ay dadweynaha S/land la yaaban yihiin meel kasta oo ay joogaan
waxa ilaa Iyo waqtigan ku dhacay ama haleelay (Serverkii) xogta
diiwaangelinta lagu shubay.Aan idiin cadeeyo waxa ku dhacay ama
haleelay,Garmaqaate Riyaale waxa uu ka naxay ama lama filaan ku
noqotay Tirooyinka ka soo baxay Gobollada Bari ee S/land.Riyaale
waxa uu haystey ama ay u sheegeen Gabraaratada u shaqaysaa in
Goballada Bariga ee S/land ay cidla yihiin oo dad yari ku nool
yihiin.
Waa yaabka-yaabkii tallow miyaanu cod ka filayn Goballada Bariga S/land,waxaase
ka Sii daran isagoo adeegsanaya xubin ka mid ah Guddiga
dorashooyinka ayuu isku Dayey inuu wax ka bedello ,waase suura geli
weydey ilaa iyo iminka , xubintiina Waxay iskaga tagtay guddigii
doorashooyinka ,oo halkay ku danbeysey halkii ay ka Timi(Lama huraan
waa caws Jilaal).
Arrinta Guurtada iyo kordhinta joogtada ah ,sanadkii 2007 ayaan
socdaal ku tegey S/land ,markii aan ka soo noqday ayey saaxiibaday i
waraysteen oo yidhaahdeen bal waxa kale iska daayoo doorasho ma
dhacaysaa?
Waxaan ugu jawaabay Maya!!,saaxibaday qaarna way yaabeen qaarna way
garawsadeen,waxaanse ku idhi ha yaabina waayo ninka og in aanu
doorashada hellayn ee haysta Guurtida maxuu doorasho ku falayaa (fartaydaa
yaa subagga daray).
Waxaase dadwenaha S/land la yaaban yihiin waxa ay doorashada uga
dhigeen Bishii Cibaadad(Ramadaan) oo isaguna ku duugey qalinka!!!
Taasi maxay kuu cadaynaysaa ,dib ugu noqo maahmaahdii inuu yahay
Nimaan Rabi aqoon.
Sharciga iyo Dastuurka wixii uu ka yidhi:
Waa siduu hadalka u dhigaye “Waxaan shacbiga Somaliland leeyahay iyo
dhamaan Hay’adaha dawliga ah oo ay golayaasha Qaranku hormood ka
yihiin,wax waajib muqaddas ah innagu ah ku dhaqanka,Dastuurka iyo
xeerarka ka farcamay,taas uun baa Ah ta aan ku gaadhayno
himilladeena”
Isagoo iska hadlayana wuxuu yidhi “Ummadan inta aan xilka u
hayo,waxa aan u ballan qaaday in aan ku hago Dastuurka iyo
shuruucdaka farcantay,taas oo qudha ayaa u noqonaysa dhaxal kuwanool
iyo kuwa dhuxeena ku jira ee dhalan doona ay u aayaan”
Ninkii jirey wuxuu yidhi manaa waalan mise cadan baa laga
heesayaa,wax is weydiini ma xumee wax iswedaarsi baa daran!!!
Ummada S/land waa ka dhergsan tahay inta jeer ee uu jebiyey
Dastuurka S/land Sannadkaa,waxaan xasuustaa arday ka mid ah ardaydii
ka qalin jebisey Jaamacada Hargeysa sannadkan ayaa waxuu maqlay
Guurtidii baa u kordhisey Daahir Riyaale.
Isagoo yaaban ayuu yidhi waan garanayey in xal aanu ka soo socon
dalkan markaa Ilaahay wuxuu i baday in aan tahriibo oo aan naftayda
ku biimeeyo halaagaas,Waayo sanad danbe sugi kari mayo.
Isna muxuu yidhi waa garmaqaate Riyaale’e “kuwa dhuuxeena ku jira ee
dhalan doona ay u aayaan”.Maxay u aaayayaan!!!!!!!!
Immisuu
dhalinyaro ku dilay Hargeysaa intii ka danbeysey Khudbadaas?
Immisuu dhalianyaro xidhay intii ka
danbeysey khudbadaas?
Immisaa tahriibtay oo ku dhimatay
baddaha iyo saxaaraha lama degaanka ah?
Immisaa ku silcaysa dalka miyi iyo
magaalaba ?
Waa tiro aan la koobi karayn ,ee bal ila eega tixdan Ilaahay ha u
naxariistee Abwaan Cabdilaahi Suldaan Timacade
:
shacbigii dagaalka u gala,daadsan suuqyada’e,
dambarkeedii maandeeq nimaan doonin baa dhamaye,
distoor iyo qawaaniin ayaan cidiba doonddonine,
Ninowna dawlad baa Hargeysa fadhida,how dabaal-degine.
Dibudhsika wixii uu ka yidhi:
Waxa uu yidhi bal ila eega “Xukkmadda waxay dhamaystirtay
barnaamijka dib-u-dhiska iyo houmarinta Somaaliland sannadkii
2007,barnaamijkaas oo meelo badan waxweyn ka tari doona horumarinta
dalka shanta sanno ee soo socota(2008-2013),barnaamijkaas waxa ku
bixi doona lacag dhan $550000000(shan boqol iyo koton milyan oo
dollarka Maraykanka ah),waxa aanu bilaambi doonaa sannadkan
badhtamihiisa”
Dadweynoo waxaad weydiisaan maxaa ku dhacay barnaamijkii sannadkii
labaad ayaa La marayaa,cajiib tallow ma lacagtii baabuurta waaradka
lagu sidey ee loo qaybiyiye Gabraaratada (42-Guurti ee u
kordhisey)baa!!!!
Waxa la dhiso daayoo markii wax kasta la soo dhameeyey ayaa hantidii
qaranka La xaraashayaa,maxay taasi ku cadaynaysaa hadaad dalkii
Soomaliya la Isku odhan jirey joogtay waqtigii uu dhacayey ,rajiimkii
ka talin jirey tan oo Kale ayuu ku dhaqaaqay ama sameeyey.
Aan idin yara xuusuusiyo hadana abwaankii Cabdi Iidaan Ilaahay ha u
naxariistee Maalin isagoo ka qadaynaya meel wax laga cunno ayuu
arkay hashii Maandeeq Oo candho weyn oo lagu hoos sawiray calankii ,markaasuu
la yaabay cidda dhereg Iyo dheef ka heshay wuxxuna yidhi:
“Cadho legeddaydaa lagu sawiray calankaaa hoostiisa car yaa maalay
oo loo lisaan caawa leeyahay”
Dhalinyarada iyo ciyaaraha wixii uu ka yidhi:
“Wasaaradda ciyaaruhu,waxay ku guulaysatay in ay qabato sanadkiiba
hal mar ciyaaraha gobollada dalkeena oo ah taranka ugu xiisaha
badan,taasi oo Xukuumadduna ku bixiso kharash badan.Waxa kale oo la
hir-galiyey tartanka ciyaaraha ee gobol kasta iyo
degmooyinkiisa(Inter Regional Tournment).Waxa u qorshaysan Wasaarada
Dhalinyarada iyo Ciyaaraha sanadkan 2008 in caasimada Hargeysa lagu
qabto tartan la magic baxay(Diaspora Cup of Somaliland),oo ay ka
qayb galayaan dhalinyaro reer Somaliland ah oo ka socda wadamada
Norway,Denmark,Swden,Engaland,Finland,Canada iyo North America.Waxa
kale oo ay Wasaaradu qabnaysaa tartankii Ciyaaraha Gobollada ee
sanadka 2008,iyadoo ay Xukuumaddu qorshaheedii waddo,sidii
Caasimadda koonayaasheeda looga samayn lahaa Garoomo Dhalinyaradu ku
ciyaarto,si loo dardar geliyo Ciyaaraha (sports-ka)oo uu ku jirto
jidhka iyo maskaxda Caafimaadka qabtaa”.
Waxaa is weydiin mudan goormaad qabateen Ciyaaraha Gobollada
sanadkiiba mar,Siddeed sanno ayaad wadanka haysatey 3 jeer oo qudha
ayaad cagojiid ku qabatay.Sababta aad sannadkii ina dhaafay u qaban
weydey waa la garanayaa waayo waxaad ka Baqatay in ay dhacdo tii
2007kii kaa raacday ee ku tustay in dadweynaha Caasimadda Hargeysa
aanay raali ka ahayn Xukunkaaga.
Waxaase ugu daran oo ah in laga xishoodo waxa aad ku tilmaantay
(Diaspora Cup of Somaliland) oo tidhi wuxuu ka dhacayaa Somaliland
2008.
Aan adiga iyo Gabraaratad kuu shaqaysa ee wasaarada Ciyaaraha ka
tirsan wediiyee maxaa ku dhacay mise marka aad wadanka ka soo
carrarto ayaad Dibadda ku qaban!!!
Waxaad tidhi goroomaa loo dhisayaa Dahallinyarada,waxaadse ka
iibisey kuwii Xaafadaha ugu dhex yaaley, iskadaa waxaad u dhiste’e.
Dadweynow bal ila eega tixdan uu tiriyey
Abwaan Qaasim Ilaahay ha u naxariistee:
“Isma doorin gaalkaan diriyo ,daarta kii galaye,dusha midabka
Soomaalibaad,dugulka moodaaye,misna laguma diirsado qalbiga,waa
dirkii karaale”
Ugu danbeyntii haddaad hadalladiisii dib u eegto sow tan ku
tusimayso qaybtii labaad ee maahmaahda oo ah “Nimaan
run aqoon”.
Maahmaahda qaybta hadhay oo ah Nimaan rag aqoon waa inoo iyo
todbaadka danbe haddii Eebo idmo,waxaan kaga hadlayaa sida uu ugu
abaal guday raggii raacay ama taageeray xilligii uu doorashada ku
jirey.
Mustafa Cabdi Cartan
Toronto-Canada
|