Garabkii UDUB Ee Ku Biiray Kulmiye Oo Sheegay In Xisbigaasi Ay Sad-Qeeyeen
Rayaale Iyo Warancade, Soona Bandhigay Ujeedooyinkii Loo Burburiyey
Hargeysa (TNN) Garabkii UDUB ee
dhawaan isku shubay Xisbiga Kulmiye talada dalka haya ayaa shaaciyey
in Xisbigoodii hore ay Sad-qeeyeen Madaxwaynihii hore Somaliland iyo
Wasiirkiisii Duuli sta iyo Hawada ee uu dhawaan u Cumaamaday
Musharaxnimadda Xisbigooda Daahir Rayaale Kaa hin iyo Cali Maxamed
Warancade, kuwaas oo ay ku eedeeyeen inay wakhti dheer ka soo
shaqayn ayeen burburka Xisbiga Mucaaridka ah ee UDUB oo ahaa ka ugu
Guunsan Axsaabta Siyaasada Somaliland.
Siyaasiyiintaas ayaa waxay sheegeen in Daahir Rayaale Labadii
Maalmood ee ugu darnaa Xisbiga UDUB ee uu Khilaafka la
daalaa-dhacayey inuu ka dhoofay, isla markaana markasta oo uu soo
dhe xgalo ismarin waagaas inuu dhinac la safanayey, balse markii ay
arkaan sida loo Xabaalayo Xisbi gooda ay go’aansadeen inay la
midoobaan Xisbul Xaakimka Kulmiye oo ay tilmaameen inay iyagu
dalbadeen ku biiritaankiisa.
Kooxdan Siyaasada isku Xulufada ku ahaa mudooyinkii ugu danbeysay
ayaa waxay ka sanqadhi yeen in burburka UDUB looga gol lahaa si loo
soo saaro Ururo Qabaa’il u badala, kuwaas oo loogu adeegsanayo hab
beeleed, looguna talo galay si aanay cid danbe ugu aayin Xisbigaasi.
Sidoo kale Xubnaha Siyaasiyiinta ah oo dhamaantood Xilal kala duwan
ka soo wada qabtay Xuku umadii Rayaale oo kala ahaa Wasiirkii hore
ee Dhalinyarada iyo Ciyaaraha Maxamuud Siciid Maxa med, kii Dhaqanka
iyo Dalxiiska C/risaaq Waabari Rooble, Ganacsiga Abiil Xasan Filfil,
Badhasaa bkii Hore ee Maroodi Jeex Maxamed Cabdi Daa’uud, Maxamed
Daahir oo ka mid ahaa Masuuliyiinta sarsare ee Xisbigaas Burburay ee
UDUB iyo Xubno kale oo Xilal ka hayey Xisbigaas. Waxaanay sidaas ku
sheegeen Shirjaraa’id oo ay shalay ku qabteen Hutelka Safaari ee
Magaaladda Hargeysa. Ugu horayna Waxa Madashaas ka hadlay Maxamed
Daahir oo ka mid ah Masuuliyiintii Sare-sare ee Qurbo jooga UDUB ee
dhawaan ku biirtay Xisbul Xaakimka Kulmiye, kaas oo ka hadlay
Burburka Xisbigaas, waxa uu hadalkiisa ku bilaabay “Shirkan Jaraa’id
ee aanu qabanay maaha mid aanu cid ku taageerayno ama aanu cid ku
Haaraamayno, hase yeeshee ujeedadiisu waxa weeyi inaanu ku cadayno
Sooyaalkii Taariikheed ee burburkii UDUB oo maalmahan danbe si
khaldan Warbaahinta loogu baahinayey. Runtii bururkii Xisbiga UDUB
waxa uu bilaambay bishii August 2010-kii maalintii Daahir Rayaale ka
dhoofay Hargeysa isaga oo Xilka ka sii maqan Bil kaliya”. Maxamed
Daahir isaga oo hadalkiisa sii watana waxa uu intaas raaciyey “Cali
Warancade mar aanu kulanay oo uu isku kaaya keenay Cali Guray waxa
aanu ku nidhi Xisbigii UDUB waanu kugu wareejinaynaa ee Xilkiisii la
wareeg, waxa uu nagu yidhi iguma wareejinaysaan oo markaad igaga
tagtaan xageen gaynayaa, waxa aanu nidhi hadaba Xaflad aynu samayno
ee anaga nagu wareeji Xisbiga, markaas waxa uu yidhi idinku wareejin
maayo oo dadkaygii waxa aan u sheegayey mudo 2 sanadood ah-ba inaan
hayo UDUB markaa waan ka fara-madhanahay ma odhan karo, waxaananu
goobtaas iskula qaadanay in Xisbigii sidaas ku dhinto oo sidaas lagu
aaso. Mida kale waxaan la yaabanahay qolada leh Madaxwaynaha ayaa
Xisbigii naga baabiiyey runtiina arintaasi waa mid aan Xaqiiqada ku
salaysnayn oo aanay waxba ka jirin waana hadal Xaqiiqda ka fog”.
Wasiirkii hore ee Dhalinyarada iyo Ciyaaraha Maxamuud Siciid Maxamed
oo isaguna halkaas ka hadlay ayaa waxa uu hadalkiisa ku bilaabay
“Waxaanu maanta halkan ka cadaynaynaa inay iska hadleen Dadka Maanta
yidhaahda dawladda Siilaanyo ayaa burburka UDUB ka danbaysay oo soo
dhexgashay xataa Gacan Haadina ku dhehoo, run ahaantiina anagu
markaanu Kulmiye ku biiraynay noomay gacan haadin oo anaga ayaa ku
khasabnay inaanu ku biirno Xisbigaas si aanu hawlaha qaranka wixii
nagaga soo hagaaga uga shaqayno. Waxaanu nidhi waar Xisbigayagii
hadii uu burburay dad inay Qaran u shaqeeyaan u bartay ayaanu ahayn
oo Ururo iyo Qabaa’ilo uma shaqaynkarnee maxaa inoo talo ah?,
waxaananu Jeclaanay inaanu ku biirno Xisbigaas Talada Qaranka haya
oo aanu waliba dagaal kula jirnay oo Cay iyo Aflagaado badan aanu u
gaysanay”.
Maxamuud Siciid isaga oo hadalkiisa sii wata, waxa uu yidhi
“Maalintii uu Jamaal Cali Xuseen oo Musharax Xisbiga ahi yidhi
wakhtibaa igu socda ee aanu ugu ducaynay UCID ayaanu nidhi waar ma
Inanka ayeynu raacnaa mise Odayga ayeynu raacnaa markaas ayaa inta
aanu is wada raacnay Intayadan iyo qaar kale oo badan ayaanu ku
nidhi Daahir Rayaale, Guddoomiye waxa aanu doonaynaa inaanu Xisbiga
Badbaadino, waxa uu nagu yidhi waxaanu u qaadan waynay oo wuxuu
yidhi Isa soo wada Casila dhamaantiin oo Guddoomiye ku xigeenkuna ha
isa soo Casilo. Maalintaas ayaananu garanay inaanu Kulmiye galno oo
aanaan la sii Jaafaa-jirqin ilayn UDUB halkaas ayey ku dhimatay oo
Rayaale ayaa dilaye. Mida kale marka la leeyahay Xisbiga Kulmiye
qabyaalad ayey ragaasi ugu Biireen Xisbigaas waa Dacaayad runtiina
way jiraan laba Nin oo ay guddoomiyaha Xisbiga Kulmiye isku beel
yihiin laakiin intayada kale ayaaba ka badnayd oo waxaanu ka
koobanahay min Saylac ilaa iyo Ceelaayo, Kidaab ayaananu ka Maraynaa
Kulmiye inaanu Shilin Lacag ah na siinin maanta ilaa maalintii aanu
ku biirnay oo xataa Sooryo nalama siinin ee Mabda’a ayaanu ugu
biirnay. Waxaanu Ognahay in Xisbiga UDUB loo tashay oo waxaan maqli
jiray Hashii Geella Cuntay ee hadana Cabaaday, Raga Maanta Qaylinaya
ee Leh Xukuumadda ayaa burburisay ee Reerahoodii dhawrka Urur u
sameeyey ayaa u Tashaday oo markay Ururo kale reerkoodii ku
hubsadeen idhi Kana yaan reer kale qaadanine ha la dilo. Waxa kale
oo ay Alle ha u Naxariistee UDUB dhabtiisa ku Dhimatay
Madaxwaynaheenii hore Daahir Rayaale oo aanu la soo shaqaynay isla
markaana aan Aflagaado iyo Cay naga Istaahilin balse ku ceebaysan
arintaas”.
Waxa kale oo isaguna halkaas ka hadlay Wasiirkii hore ee Wasaaradda
Dhaqanka iyo Dalxiiska ee Xukuumadii hore C/risaaq Waabari Rooble oo
isaguna ka mid ah Masuuliyiinta dhawaan ku biiray Xisbul Xaakimka
Kulmiye, isla markaana ka hadlay Madashaas kana waramaya Burburka
Xisbigaas, waxa uu hadalkiisa ku bilaabay “Xisbiga UDUB maanta muu
burburin ee waxa uu burburay Shirwaynihii Hutelka Maansoor lagu
qabtay 2009-kii ee Jeebadda Daahir Rayaale lagu riday dhamaan
Xisbigii oo dhan, isla markaana anaga oo aan Golle dhexe lahayn aanu
doorashadii ugu danbaysay galnay ee aanu halkaas ku guuldaraysanay
oo waxaanu Doorashadaas galnay Xisbiga UDUB oo aan Gole dhexe lahayn.
Mida kale marka la leeyahay Xisbiga Kulmiye iyo Xukuumadiisa ayaa
UDUB burburiyey waa hadal la iska yidhi oo been aan sal iyo raad
toona lahayn weeyi, dhinaca kale markii aanu aragnay in Xisbigii
baaba’ayo anagaa isku garanay Kulmiye oo nidhi UDUB wataa Marxuum
Cigaal ka daba tagtaye ina dhaafiya.”
Dhinaca kale waxa isaguna halkaas ka hadlay Wasiirkii hore ee
Wasaarada Ganacsiga Abiib Xasan Filfil, kaas oo deedefeeyey wararka
sheegaya in xukuumadda Siilaanyo ay ka danbaysay burburk a Xisbiga
Mucaaridka ah ee UDUB oo uu sheegay inay Sababta burburkiisa
lahaayeen Daahir Rayaale iyo Garabkii Cali Warancade.
Source:Haatuf
|