Guddoomiyaha
Wargeyska Waaheen oo Madaxtooyaddu u xidhay eedaymo Ururada Xuquuqal
Iisaanku u jeediyeen Wiil Madaxwaynuhu sodog u yahay
Hargeysa (TNN) – Ciidamadda dambi-baadhista ee CID-da ayaa maanta
xabsiga u taxaabay Guddoomiyaha Wargeyska Waaheen Maxamuud Cabdi
Jaamac (Xuuto).
Ciidamadda CID-da ayaa Wariyaha xidhay ka dib markii saraakiil
Madaxtooyadda ka tirsani soo gaadhsiiyeen waaran qabasho ah oo ay ka
soo samaysteen Maxkamada Gobolka Hargeysa si loo xidho Guddoomiyaha
Wargeyska Waaheen.
Wariye Xuuto ayaa la xidhay ka dib markii Taliyaha Ciidamadda CID-da
Maxamed Muuse Abra ar uu la soo xidhiidhay isla-markaana uu ugu
tagay xaruntooda, iyaga oo markaa ka dib u sh eegay inuu xidhan
yahay, haystaana waaran Maxkamadeed.
Maxamuud Cabdi Jaamac (Xuuto), ayaa ciidamada CID-du u sheegeen in
lagu haysto war ku soo baxay Wargeyska Waaheen, kaasi oo ku
saabsanaa Wiil Madaxwayne Siilaanyo sodog u yahay oo Guddoomiyaha
isku xidhka ururada xuquuqal Iisaanka Somaliland Saleebaan Xuquuq uu
ku eedeeyay inuu sanad kasta boqolaal kun oo doolar ka qaato
telefiishanka qaranka.
Ciidamadda CID-da ayaa Guddoomiye Xuuto u sheegay in looga baahan
yahay inuu soo cadde eyo halka Wiilkaasi uu lacagtaasi kaga qaato
telefiishanka iyo musuqmaasuqa uu ku kacay.
Warka baahintiisa lagu haysto Xuuto ayaa waxa uu afkiisa ka soo
baxay Guddoomiyaha isku xidhka ururada xuquuqal Iisaanka Somaliland
Saleebaan Xuquuq, balse Madaxtooyadda oo waarankan soo goosatay
waxay ka warwareegtay inay toos u abaarto masuulkii hadalkaasi ka
soo baxay, balse sida cad waxay waaran u soo samaysatay Guddoomiyaha
Waaheen.
source:waaheen
|