War Deg Deg ah: Guddoomiye
xisbul xaakimka kulmiye Oo Dibada Uga Soo Baxay Shir Uga Socday
Xarunta Kulmiye, Warbaahintana Socod Ugu Jawaabay
Muuse Biixi Cabdi, Guddoomiyaha Xisbiga Kulmiye oo la waydiiyay bal
waxa uu ugu jawaabayo shacabka Reer Somaliland ee warka ka sugaysa,
waxa uu yidhi "Ummadaas marka aan doono ayaan la hadlayaa, marka aad
adigu doonto maaha" ayuu yidhi........
Hargeysa (TNN):- Guddoomiyaha Golaha Guurtida Somaliland Saleebaan
Maxamuud Aadan, Xildhibaan Cali Xasan Maxamuud (Cali Mareexaan),
Wasiirka Wasaaradda Duulista Maxamuud Xaashi Cabdi iyo Wasiirka
Maaliyadda oo dhinac ah ayaa habeenkii xalay ahaa kulan la yeeshay
Guddoomiyaha Xisbiga Kulmiye oo ay wehelinayaan Ku xigeenkiisa
Koowaad iyo Xoghayaha GuudKulankan oo uu qorshuhu ahaa in
Guddoomiyaha Kulmiye loogu yeedhiyo
Qodobo ay u arkayeen in ay la saxan yihiin isla markaana dan u ah
Madaxweynaha Somaliland, Ku Xigeenkiisa iyo Wasiir Samaale ayaa ku
soo gabogaboobay Natiijo LaŽaan, ka dib markii uu Guddoomiye Muuse
Biixi Cabdi ku gacan saydhay qorshahaasi.
Hadaba Kulankaasi xalay ayaa waxa ka dhashay Kulan hogaanka Xisbiga
Kulmiye uu ku yeeshay Xaruntooda Dhexe ee Magaalada Hargeysa.
Kulankan oo aan Warbaahinta Loo ogolayn ayaa qiyaastii isaga oo
socda waxa dibada uga soo baxay Guddoomiyaha Xisbiga Kulmiye
Mujaahid Muuse Biixi Cabdi, waxaana halkaasi suŽaalo kula boobay
Warbaahinta Maxaliga ah.
Mujaahid Muuse Biixi Cabdi oo ay ka muuqato Digtooni aad ahi ayaa
kalmado aan badnayn kaga jawaabay suŽaalahaasi, waxaana suŽaashii
ugu horeysay ee la weydiiyay oo ay ahayd, bal in uu ka waramo
Warsaxaafadeed la sheegay in xisbiga Kulmiye uu ka soo saaray
Shirkaasi xalay ka dhacay Guriga Guddoomiyaha Golaha Guurtida,
waxaanu si kooban ugu suŽaalay Wariyihii sidan "Maxay Adiga Kula
Tahay" ayuu dib u celiyay Guddoomiyaha Xisbiga Kulmiye oo
wakhtigaasi socodka ku jawaabayay.
Mar kale ayay wariyeyaashii tubnaa xarunta Xisbiga Kulmiye, kana
dhursugayay bal waxa ka soo baxa shirkaasi oo si kedis ah nasiib ugu
helay Guddoomiye Muuse Biixi ay u holadeen in ay waydiiyaan, bal
waxa uu noqon doono xalka lagu badbaadinayo Xisbiga Kulmiye, waxaanu
yidhi "Siday Adiga Kuula Eeg Tahay?" ayuu mar kale kaga jawaabay
suŽaal la waydiiyay.
Muuse Biixi Cabdi, Guddoomiyaha Xisbiga Kulmiye oo la waydiiyay bal
waxa uu ugu jawaabayo shacabka Reer Somaliland ee warka ka sugaysa,
waxa uu yidhi "Ummadaas marka aan doono ayaan la hadlayaa, Marka aad
adigu doonto maaha" ayuu yidhi.
Mar kale ayaa loo celiyay Guddoomiye Muuse Biixi, Bal Waxa uu arko
Xalka ayaa waxa uu yidhi "Shirkii Golaha Dhexe Waa Dhacayaa,
Doorashaduna waa dhacaysaa, balaayana ma jirto" ayuu
Maalmo kooban ayaa laga joogaa Markii la soo gabogabeeyay Khilaaf
ba?an oo soo kala dhex galay hogaanka xisbiga Kulmiye iyo
masuuliyiin Wasiiro ka ah xukuumadda Madaxweyne Axmed Maxamed
Maxamuud (Siilaanyo).
Timacade News Desk
Hargeysa,Somaliland
|