| Hal
qof Ayaa Dhintay 2-kale-na Way Ku Dhaawacmeen
Kadib Markii Nin Hubeysan Rasaas Kaga Qaaday Dad ku Sugnaa
Masaajid
Chief Caaqil Maxamed Nuur Xuseen (
Bitijoor)
Alle ha u naxariistee Chief
Caaqil Maxamed Nuur Xuseen (Bitijoor) ayaa dhintay laba oday oo kale
oo magacyadooda la kala yidhaahdo Shide Diiriye Cali iyo Khadar Nuur
Biixi way ku dhaawacmeen,kadib markii nin hubeysan oo aan heybtiisa
la garanayn uu rasaas ooda kaga qaaday iyaga wakhtigaa isu
diyaarinayey tukashada Salaada Subax masaajid ku yaala magaalada Aw-Barkhadle
ee Gobolka Hargeysa.
Dhaawaca labada oday iyo mayadka ayaa la keenay magaalada Hargeysa
iyada oo lagu daawaynaayo labada oday ee dhaawaca ah Cisbitaalka Dr
Cagaweyne ee magaalada Hargeysa halka Marxuumka dhintay Caaqil
Maxamed Nuur lagu aasay maanta duhurkii Xabaalaha xaafadda Maxamed
Mooge ee Magaaladda Hargeysa
Iyada oo jinaasanada Aaska Marxuumka ay ka soo qeybgalaeen
Guddoomiyaha Golaha Wakiillada Md. Cabdiraxmaan Maxamed [C/raxmaan
Cirro], Guddoomiyaha Xisbiga Mucaaridka ah ee UCID Eng. Faysal Cali
Waraabe, Wasiirka Beeraha Aadan Axmed Cilmi [Dhoolayare], Agaasimaha
Wasaarada Arrimaha Gudaha Axmed Keyse, Xildhibaano labada Gole
Barlamaan [Guurtida Iyo Wakiilada] iyo masuuliyiin sar sare oo ka
tirsan Xukuummada iyo Axsaabta Mucaaridka, Culimo Awdiin, iyo
boqolaal qof.
Ilaa hada lama aqoonsan gacan ku dhiiglaha dilkan geystay cida uu
ahaa iyo sababta keentay inuu dilkan geysto, ilo wareedyo ka ag-dhow
qaraabada marxuumka la dilay ayaa shabakada Wararka ee
Hadhwanaagnews u xaqiijiyey inay Ciidamada Boolisku ilaa hada u
qab-qabteen dilkan foosha xun ilaa iyo 6 qof.
Mana jiraan War rasmi ah oo ay ciidamaa Boolisku ka soo saareen
dhacdadan,hasayeeshee mar ay shabakada Wararka ee Hadhwanaagnews
khadka telefoonka kula xidhiidhay Taliyaha Qeybta Booliska Bariga
Hargeysa Khadar Jaamac Cilmi ayaa sheegay inay ku raad joogaan sidii
ay gacanta ugu soo dhigi lahaayeen sida ugu dhakhsaha badan gacan ku
dhiiglihii ka danbeeyey dilkan foosha xun, waxaanu Taliyuhu intaa ku
daray inay ilaahaatan gacanta ku soo dhigeen hal qori oo noociisu
yahay Beebeeshey oo lagu aasay meel digo ah, qorigaas oo uu taliyuhu
ku tilmaamay inuu yahay kii lagu fuliyay falkaa.
Hadhwanaagnews
|