Angioo ku hadlaya magacayga , Maxamed Cali
Muse , ka marwadayda iyo ka caruurtaydaba,waxaan hanbalyo iyo
bogaadin u dirayaa wasiirka cusub ee loo magacaabay wasaaradda dib u
dejinta Jamhuuriyadda Somaliland, mudane , Engineer
Maxamed Yuusuf Cisman.
Haddii ilaahay qadaro, waxaan Jecelahay Inaan wax yar ka
Idhaahdo qofka uu yahay Maxamed Yuusuf Cisman.Aniga iyo maxamed
Yuusuf waxaanu ku soo wada kornay xaafadda
Gacan Libaax ee magaalada Hargeysa,
waxaanan ka wada baxnay dugsigii farsamada gacanta ee la oran Jiray
Hargeisa Technical Institute.
Maxamed waa nin aad u qiimo
badan oo runtii aan wax badan ka sheegi karo. Maxamed Yusuf waa nin
aad u akhlaaqad wanaagsan , dad la dhaqan leh , aad u deggan , aamin
ah , hawl kar ah , aadna u naxriis badan.
Intaa waxaa u dheer , Maxamed wuxuu ahaa arday waxbarashada aad ugu
fiican,wuxuuna ahaa xidigihii ugu cad cadda fasal kooda ee Iskuulka
magac u soo Jiiday.
Ka dib markii dugsigii sare dhammaaday , Maxamed waxaanu ku kulanay
oon waxbarashadii Jaamcadda ku wada qaadanay jaamacadii Muqdisho ku
taalay ee la odhan Jiray Jaamacadda Ummadda Somaliyeed (Somali
National University) , halkaas oo aan ku wada qaadanay
waxbarashada cilmiga dhismaha
(Civil Engineering).
Sida ku cad khibradiisa shaqo iyo waxbarashaba, Maxamed muddo badan
ayuu dibadda ka soo shaqeeyay, maantana wuxuu dalkiisii hooyo ugu
noqday Inuu cilmigiisa , khibraddiisa iyo waqtigiisaba u huro
dalkiisii hooyo.
Aad baanan ugu farxasanahay uguna kalsoon nahay Inuu Maxamed
muddo kooban kaga midho dhalin doono masuuliyaddaa loo
Igmaday.Waxaanan Ilaahay uga baryayaa In Ilaahay u
fududeeyo masuuliyadaas.
Shaqaalaha wasaaraddana waxaan leeyahay, walaalayaal si hagar
la aana ula shaqeeya walaalkiin, dadka iyo dalkana si waddanimo leh
ugu gar gaara , Ilaahayna hawshaa aad umadda u haysaan ha idinka
jassaai siiyo dhammaan tiinba, waanad salaaman tihiin.
Wa Bilaahi Al-Tawfiiq
Maxamed Cali Muse
Civil Engineer
Senior Computer Networking Specialist
Editor in Chief
Webmaster@longlivesomaliland.com
www.longlivesomaliland.com
|