Hargeisa Xashiishka Tuulan Yaa ka masuula Ma dawlada Dhexe , Ta
Hoose Mise Dadweynaha
Salaanta islaamka ka dib.
Sida uu qof kasta oo bulshada reer Somaliland ka mid ahi la socdo
waxaa jirta in wadeecooyinka dalka ka muuqda ay faro badan yihiin,
oo dhamaanba dalku uu ka dhigan yahey Guri qabyo ah oo dhan kasta ka
daloola misana la degan yahey oo lagu dhexnool yahey.
Hadii Qabyooyinka dalka ka muuqda qaarkood sida hagaajinta
wadooyinka, dhamastirka tacliinta, dhaqaajinta hawalaha Caafimadka
iyo qaar kaleba ay u baahan yihiin aduun badan oo aan xerade ena iyo
xero xigaalkeen midna ku jirn , waxaa jira Qaar dawlada dalka ka
jirta iyo dadka dalka ku nooliba ay faryaro bidix wax kaga qaban
karaan.
Inkasta oo aan filayo in guud ahaan dalku ka siman yahey, hadana
waxaan indhaheyga ku arkey in magaalada Caasimada ah ee Hargeisa
gidaarka aaad ka wareegtaba aad indhaha ku arkeyso Xashiish tuulan
oo naftii damiir wadanimo ku jiraa ay ka yaxyaxeyso. Somalilada Hore
ugu maahmaahdey Aradna waa Dan uskagna waa Doqoniimo.
Malaha dadka dalka ka nool indhahooda ayaa la qabsadey oo
dareemimayaan in hadhaaga wixii ay isticimaaleen ay darbiyada u
yaalaan, lakiin indhaha ku cusubi waxey arkayaan oo nafta ka naxey
sa Qashinka meel kasta tuulan
Maxaa talow xashiishka loogu sameyn waayey kaalmo innta lagu ururiyo
hadhowna laga qaado?.
Markaad suaasha is weyidiisaba waxaa Qalbigaaga ku soo dhacaya
su`aal kale oo ah. Waa tan wax walba citiraafka fgaadey lala sugayo
e malaha xashiishka iyo qashinka oo la iska basriyaana citiraafka
lumay ayaa shuruud looga dhigey.
(Ninka intaa xoogu leeg yahey inanteyda kamuu dhali kari waayin ee
wuu hagranayaa). Anigu wax aan is idhi umada dhan ee dalkan ku nool
shicib iyo dawladba may kari kari waayin iney iska basriy aan
xashiishka gidaarada tuulan ee way hagranayaan.
Guntii iyo gebagabadii su`aasha keliya ee uu is weydiin karo qofka
damiirkiisu diidayo foolxumada magaalada Hargeisa gudaheeda daadsani
waxa ay tahey.
Kumaa gabey xilkiisii ama yey aheyd iney foolxumadan muuqata wax ka
qabtaan`?.
Ma dawlada Dhexe ee dalka ka muusula ayey aheyd iney Qabyooyinka is
dul tuulan ee kudaafadu ka mid tahey ay inta awoodoodu tahey wax ka
qabtaan?.
Ma dawlada Hoose ee Hageisa oo Mayerka caasimadu hor jooge u yahey
ayaa gabey xilkoodii oo iyaga ayaa ah qaar liita oo shaqadoodii ka
seexday`?.
Mise dadweynaha caasimada iyo dalkaba dhamaan ku nool ayaa ah qaar
aan looba dhigin inuu xil ka saaran yahey hagaajinta dalkooda ay ku
nool yihiin?.
Inkasta oo sadexda dhinacba door muuqaku leeyehiin dayaca amuurta
hadana Anigu ka Qoraa ah aan waxaan canaanta inteeda badan saaraya
baldiyaha magaalada ama dawlada Hoose ee Harg eisa, sababta oo ah
dabcan waa iyaga cida ka masuulka ah nadaafada Caasimada Qaranka,
waana waajib saaran iney issue ka dhigaan nadaafada Caasimada oo
xitaa hadii aaney dhaqaale u aheyn in ay dadka baraan iney iska wax
u qabso ( Volunteer) iskaga guraan kudaafada ku hareeraysan.
Hadaba halkaa markey sheekadu mareyso sow lama odhan karo yaa leh
go`aanka Dawlada Hoose arintaa wax kaga qaban karto. Jawaabta oo
koobani waxa weeye cidaasi waa Mayer Jiciir.
Anigoo hadaba ku hadlaya afka dadka ka damqanaya Xashiishka
magaalada wadhan ayaa waxaan Miayer Jiciir cod dheer ku weydiin
lahaa. Ma itaal baad u weyday inaad magaalada nadiifiso, ma hawlo
kale oo mihiima ayaa jira oo adiga iyo staffkaga idinka mashquuliyey
nadiifinta magaalada? Mise arintadu waxa weeye mar hadii aan
Madaxweyne Riyaale la saaxiib ahaa, Axmed Silaanayana la saaxiibey
sideed sanana aan Mayer ahaa maxaa iga daadanaya!!!!!!!!!!!!!!!!!!!!.
Alla mahad leh
Osman Omar Dool
Hargeisa Somaliland |
|