Haween
Tahriibayaal ah oo Qaab Adoonsi ah loogu
haysto Liibiya iyo Suudan
"Magacaygu
waa Saynab Khadar Samatar reerkayaga warkooda iigu dana ba ysay 20
April 1999kii, waxaan ahay Reer Burco.Waxa
xoog igu qaba nin Liibiyana
"
Qaar ka mid ah Haweenka Tahriibay ayaa la sheegay in
qaab adoonsi ah loogu Guursaday dalalka
Suudaan iyo
Liibiya oo ay sii maraan. Tahriibayaashu, waxaana jira
Boqolaal qof oo aan la hayn Geeri iyo Nolol waxay ku sugan yihiin.
Waxa intaa dheer halista jidka ay maraan tahriibayaashu oo ay
tiradoodu sii kordhayso, balse waxa iyagu ka macaashay Mukhalasiinta
dadka kaxeeya oo ka helay lacag adag.
Arrimahaas iyo xogo kale oo la xidhiidha tahriibka waxa warbixintan
ku eegaya Wariye Maxamed Cabdi Ilig oo ka soo laabtay safar uu
dhawaan ku tagay magaalada Addis Ababa, waana tan Warbixintiisii:
“Magaalada Addis Ababa ayaa waxay noqotay hoyga ugu weyn ee
Tahriibayaashu marinka ka dhigteen iyagoo u sii talaabaya dhinaca
Dalalka Sudan iyo Liibya.
Kumanaan Tahriibayaal ah oo u badan Soomali ayaa imika ku sugan
Addis Ababa kuwaasi oo garab ka hela niman loo yaqaano Mukhalasiin
ama Tahriibiyaal oo lacag ka qaata Dadka Socdaalaya, waxaanay
Mukhalasiitani yihiin qaar kala garanaya Jidadka ay marayaan, sidoo
kale Mukhalasiintu waa niman badankoodu Afka Xabashiga yaqaana
waxaanay mar walba helis u yihiin Xadhig wallow badankoodu Xidhiidh
la leeyihiin niman Dawlada Ethiopia u shaqeeya oo Qaarkood Soomaali
yihiin.
Iyadoo ay sidaa tahay ayay hadana Dawlada Ethiopia si joogta ah u
badashaa Ciidamada uga shaqeeya goobaha ay Dadka Socdaalayaa ay sii
maraan
Waxa Qofka Socdaalayaa ee ka baxaya Magaalada Addis Ababa ilaa Xadka
Sudan ‘Xamriya ama Martaba’ oo ah Labada Tuulo ee Dadka badan koodu
ka talaabaan laga qaadaa lacag dhan ‘$250” oo u dhiganta 3250 birr
waxaa lacagtaa la dhigaa meel dhex ah waayo hadii qofkaa la soo
celiyo Lacagtiisii wuu leeyahay hadii uu talaabo Qofkaasi Mukhalaska
ayaa lacagta qaata, Iyadoo jid marka Jeebka Qofku uu yahay lama
huraan.
Boqolkiiba 80% ila 85% dadka ka baxa Xarunta Ehtiopia ee Addis Ababa
waxay yihiin qaar laga soo celiyo Jidka u dhaxeeya Sudan Iyo
Ethiopia, waayo Dawlada Ethiopia oo adkaysay Istabaha iyo
Kantaroolada u dhaxeeya Magaalooyinkeeda si joogto ahna u badasha
ciidamada ka shaqeeya ilaalada gudaha dalka Ethiopia,Taasina waxay
keentay inuu mukhalasku la qabsan kari waayo jidka dadkii uu wadayna
la soo celiyo.
Dadka Rayidka ah ee ku Nool Deegaanada ay tagaan Dadka Tahriibaya ee
Soomaalida ah ayaa Lacag laluush ah ka qaata dadka si aanay
Ciidamada Booliiska ugu gaynin ama aanay uu sheegin taasi oo hadii
ay bixiyaan dadkaasi qariyaan.
Markay Ciidamada Booliisku Gacanta ku dhigaana waxa la keena
Magaalada Addis ababa oo uu Qofku Xadhig ku mutaysto si hadaba
qofkaasi loogu sii Mastaafuriyo xaga Xadka u dhaxeeya Somaliland Iyo
Ethiopia ‘Wajaale’ Waxay Dawladu ka qaadaa Lacag gaadhaysa “3000
birr” Qof kasta oo Xidhan.
Hadii uu qofkaasi mar Labaad isku dayo inuu Tahriibo oo hadana mar
kale la soo Xidho waxay Dawladu ka qaadaa Lacag dhan “5000 birr”
ilaa uu Lacagtaa bixiyana qofku lagama Mastaafuriyo jeelka lagu
xidhay.
Mudada Socdaalka qofka Tahriibaya ee ku socda Sudan waxay u
dhaxeeysaa 24 saacadood ilaa 48 saacadood gudahood waxaana qaada
Gawaadhi isugu jirta Landcruiser iyo Basaska Caasiga ah, badanaana
habeen walba way baxaan .
Marka uu qofku u talaabo xaga Sudan 85% way badbaadaan oo waxay u
sii socdaalaan xaga Khartoum oo ay ku nastaan Maalmo balse
Mukhalsiinta dadka kaxaynaya ayaa haatan la sheegay inay kala jabeen
taasina ay keentay in xataa Suudan laga soo celiyo dadka oo laga soo
qabtay qaar badan mudooyinkani ugu danabaysay.
Wixii Maalmahaa ka danbeeya waxay isku dayaan inay Gaadhi ka raacaan
Khartoum iyagoo u sii hayaamaya xaga Liibya, Qiimuha lagu raaco
gaadhiga tagaya Liibiya waa ‘$1000, Isaga oo qofka tahriibaha ahi
jidka ku sii jiraya mudo dhan 8 maalmood ilaa 10 maalmood inta u
dhaxaysa, Sababta keentay in ay dhalinyaradu ugu dhiiradaan jidka
Saxaraha ee u dhaxeeya Liibya iyo Suudan ayaa ah iyada oo ay soo
kordhiyeen Darawlada Baabuurta wadaa adeega Isgaadhsiinta ee
“thurya” oo u fududeeyay in hadii ciladi ku timaado Gaadhiga In si
dhakhso ah loo soo gaadho.
Doorka hablaha iyo tahriibka.
Marka ay tahriibayaashu halkaasi marayaan qaar kamida Hablaha waxa
la hadha Dadka Cawaanka ah ee Reer Sudaan si ay Hablaha u Guursadaan
ama u Kufsadaan isla markaasina waxay halkaasi ku qabsadaan 2% dadka
tahriibaya gaar ahaana Hablaha
[magacaygu
waa Saynab Khadar Samater da'dayduna
waa 35 jir waxa reerkayaga warkooda
iigu danabaysay 20kii bishii April ee sanadkii
1999kii, waxaan ku dhashay Tuulo
u dhaxaysa Warabeeye Iyo
Burcada Bari. waxa i qaba oo
xoog igu guursaday nin
Liibiyana oo Kiristan ah waxaanu
igu qabaa Beer uu kuleeyahay halkaasi
tan iyo mudadaasina Beertaasi ma dhaafo
mana arko qof Somali ah] waxay gabdhani
sidaasi ku soo qortay warqad kooban oo ay u soo dhiibtay wiil
Soomali ah oo ay markii ugu horaysay la kulantay Muddo Sagaal
sanadood ah 2008dii
Xogtaasina Warqad ku soo qortay ka dibna dadka ku dhaqan Magaalada
Addis ababa oo Warqadaasi soo gaadhay ayaa u gudbiyay Xildhibaan
Maxamed Nuur Caraale “Duur” oo ka mid Golaha Wakiilada Somaliland
Todobaadkii lasoo dhaafay.
Hablaha ayaa si Xawliya usoo galaya Magalada Addis Ababa iyagoo
Tahriiba waxaanay ka yihiin Tahriibka ila %25 waxay ku dhuuntaan
goobo gaara oo ay Mukhalsiintu geeyaan si ay uga qariyaan Eheladooda
ama Dadka garanaya ee baadigoobaya iyaga.
Habalaha tahriibaya waxa isugu jiraan qaar Caruur leh oo kasoo
baxsaday iyo qaar Dhalinyaro ah oo iyaguna Nolol raadis ah, iyadoo
aanu mari Karin Jidka qof kharsh yari balse Dadka Tahriibaya ayaa
qaar kamida laga hagaa Dalalka Reer Galbeedka oo Eheladoodu ku maqan
yihiin halkaasi ay Lacagta ugu soo diraan.
Hablaha tahriibayaasha ah qaar badan oo kamida ayaan garanaynin
ujeedo ay kaleeyihiin tahriika iyo sabab ku kaliftay toona kuwaasi
oo qaar kamida ah marka ay tagaan Magaalada Addis Ababa ay badelaan
fikikooda tahiibka oo ay halkaasi iskaga nooladaan kadina ay ku
bartaan balwadaha iyo goobaha xun xun.
halka qaar kale oo badana ay dib ugu soo noqdaan dalkooda marka ay
ka horyimadaan marxalado aanay xamilikarin oo ay marka hore ka
haysteen fikrad khaldan.
Tahriibaysha ayaa siyaabo kala duwan Lacagta u soo hela waxaanay
qaar ka soo xadaaan Waalidkood qaarna Meheradaha Ganacsiga ee ay ka
shaqeeyaan, qaar kale waxay soo iibiyaan Dhul halka kuwa kalena ay
Eheladoodu hagto oo kasoo bixiyaan Lacagta balse Dadka Tahriibaya
ayaa sita Lacago Kumaaan Dollar ah .
Magaalada Addis Ababa waxa haatan dhex dabaalanaya Kumaan
Tahriibayaal ah oo ka dhursugaya siday u bixi lahayeen, iyagoo
Habeen Iyo Maalinba ay socdaan Tahiibayshu ayay hadana la kulmaan
duruufo ba’an oo kala duwan oo khatar galinaya Noloshooda caadiga
ah.
Tusaale ahaan Magaalada Addis Ababa oo aan ku sugnaa bishii labaad
ee sanadkani oo dhan ayaanay Wakhtigaasi jirin Dad xoogan oo
Tahriibaya, balse hadal haynta Tahriibku way soo jirtay, halka
haatan ay noqodeen Tahriibayshu qaar buux dhaafiyay Hudheelada Iyo
Guryaha Addis Ababa, Maalinkasta wakhti yar oo koobna ku sugnaada
Magaalada si aan loo ogaan ama Eheladooda loogu sheegin.
Safiirka Somaliland u fadhiya Ethiopia oo aan Xafiiskiisa ku booqday
Aroornimadii hore ee Maalintii Salaasadii ee Todobaadkii hore ayaa
isagoo ka hadalaya Tahiibka waxa uu ku tilmaamay Qax waxaanu xusay
inay Maalinkasta u yimaadaan Waalid Raadcaynaya Caruurtoodii oo qaar
kamida aan Sanado war laga haynin isagoo xusay inay arintani tahay
mid istaajinteedu adag tahay waxaanu intaasi ku daray inaanay dadka
Tahriibaya dhahamaantood wada dhaqaale xumo haysanin balse isku
dayasho ay jirto.
Si kastaa ha ahatee, sida laga war qabo Kumanaan Tahriibayal ah oo
Soomaaliya ayaa ku dhinta bada Midhiteriyanka ee u dhaxaysa Dalalka
Liibiya Iyo Maalta, halka qaar kalena ay ka talabaan, Walaw
Tahriibku yahay haatan dariiqa kaliya ee Qofku si sharci daro ah ugu
gali karo Yurub ayay hadana Somalidu u taqana inay Yurub kaa xigaan
Afar talabo oo kaliya oo aad qaado kuwaasi oo ay ku shegaan Dalka
Ethiopa Sudaan Liibiya Iyo Talyaaniga oo ta Afaraada mana jiro
qorshe ilaa hada wax lagaga qabanyo Tahriibka u meelyaala guud
ahaanba Somalida ku madhanaysa Badaha iyo Saxaraha.
Warbixin Maxamed Cabdi Ilig
Horn Cable TV
|