Ismaaciil
Buubaa iyo siyaasiyiin kale oo ka digay saamaynta xiisada Kalshaale
Nairobi, 22 November 2010 (TNN- Siyaasiyiin hore xilal uga soo
qabtay dawladihii kala dambeeyay ee Soomaaliya, dhalasho ahaana ka
soo jeeda Somaliland, ayaa baaq u diray beelaha dhawaan ku
daga alamay degaanka Kalshaale oo ka tirsan degmada Buuhoodle ee
gobolka Togdheer.
Siyaasiyiintan oo kala ah, Ismaaciil Maxamuud
Hurre (Buubaa),
Cali Baashe X. Maxamuud iyo
Maxam u ud Cabdilaahi Jaamac (Sifir),
isla markaana ku sugan magaalada Nairobi
ee dalka Kenya oo shalay si wadajir ugu waramay Telefishanka Horn
Cable, waxay baaq u direen beelaha dhawaan ku dagaalam a y
deegaanada u dhexeeya Qori-lugud iyo Buuhoodle, kuwaasoo ay u soo
jeediyeen inay wadahadal u bedelaan xiisada u dhexaysa.
Ugu horayn Ismaaciil Maxamuud
Hurre (Buubaa) oo halkaas ka hadlay, waxa uu Somaliland ku amaan ay
sida looga hawlgalay nabadaynta dagaalkaas. "Arrinta dagaalka ee ka
socda dhinaca bariga Som aliland, waa dagaal aan cidina ku
liibaanayn, waa dagaal inan iyo abtigii ku dhimanayaan, waxa la
qaa tay intay goori goor tahay in si degdeg ah loo soo afjaro, wixii
dhintayna dhinte, waxa la qaatay dad ka in si wanaagsan loogu
taliyo. Waan hubaa odayaasha Somaliland haka yimaadeen dhinaca
dawlada ama dhinaca dadweynaha ama dhinaca Culama'awdiinka iyo
dhalinyaradaba’e, in arrintaa loo guntad ay oo laga shaqaynayo.
Waxaan aad iyo aad u rejaynaynaa beelaha is-haya inay u dhega
nuglaada an waxay danta guud tahay iyo waxay dantooda gaarka ahiba
tahay oo ah in dadkaa walaalaha ahi ay nabad ku wada noolaadaan,"
ayuu yidhi Prof. Ismaaciil Buubaa. "Waxaan leeyahay Isimada, garaa
dada iyo dawladaba arrintaas waa in aan laga daalin, waa in si
degdeg ah loo soo af-jaraa, markay arrintu sii dheeraataba waxa laga
yaabaa inay dhibaatadu sii korodho. Sidaa darteed, waxa loo
baah an yahay in arrinta loo soo af-jaro," ayuu raaciyay.
Cali Baashe Xaaji Maxamuud ayaa isaguna sheegay in meelaha dagaalku
ka socda ay tahay deegaan kiisii, isagoo xusay in aanay ahayn
markii ugu horeysay ee uu dagaal ka dhaco deegaankaa. "Waxaan ugu
baaqi lahaa colaadi waxay tahay waxaan filayaan inay Soomaali maanta
ogtahay, laba reer oo is-laaya maanta xaajo ugu horeysay Soomaali
maaha, waxani waa wax la yaqaano oo dhici jiray, si dha qan
baana loo xalin jiray, gaar ahaan beelaha deegaankan oo run ahaantii
aan anigu ka soo jeedo oo aan ku dhashay Buuhoodle, taariikhdana wax
cusub maaha inay labadaa beelood is-laayaan, hore da aq iyo
geel way isku soo laayeen. Markaa arrintaas halkaa ay joogto inay
dhaafto maaha, waxaanan u soo jeedinaynaa oo aan ugu baaqaynaa inay
si degdeg ah u joojiyaan dagaaladaas," ayuu yidhi mr. Cali Baashe.
Maxamuud Cabdilaahi Jaamac (Sifir) oo isaguna ka mid ah
siyaasiyiinta dhalasho ahaan ka soo jeeda deegaanka uu dagaalku ka
dhacay, ayaa tilmaamay in deegaankaas aanay ka jirin adeegyada
bulsho ee aasaasiga ahi, waxaanu tilmaamay in dagaalka waqtigana uu
ku sii kordhinayo dhibaato nololeed. "Anigu meesha waan aqaanaa, waa
meel dadkaygu degan yahay, meeshaasi waa meel aan iskuul lah
ayn oo aan cusbitaal lahayn oo aan dhaqaale lahayn, dhibaatada
maanta ka dhacdayna tii hore ayey sii laban-laabaysaa. Dadkaasi
maanta dagaal uma baahna, balse waxay u baahan yihiin inay
iskaashadaan," ayuu yidhi Mr. Sifir.
Source:Wargeyska Ogaal
|