Itoobiya Oo Sharci ay ku joogaan u ogolaatay Ardayda Somaliland ee
Dalkeeda wax ka barta
Hargeysa (TNN):- Dawladda Itoobiya ayaa
ogolaatay in ardayda reer Somaliland ee wax ka barta dalkaasi ay
siin doonto ciqaamado waxbarasho oo u suurto geliya inay Itoobiya ku
sii joogaan.
Tallaabadani waxay ka dhalatay kulan ay maanta yeesheen Wasaaradda
khaarajiga Itoobiya iyo Safiirka iyo Safiir ku xigeenka dawladda
Somaliland u fadhiya Addis-ababa.Sida lagu sheegay war-saxaafadeed uu caawa soo saaray afhayeenka
wasaaradda Khaarajiga Somaliland Axmed Yuusuf Cimi Suudi, waxaanu u
dhignaa sidan:-
“Safiirka iyo safiir ku-xigeenka Somaliland u fadhiya dalka Ethiopia
waxay wasaaradda arrimaha dibedda dalka Ethiopia kula kulmeen
agaasimaha waaxda afrika ee wasaaradaasi iyo wakiilka dalalka jaarka
waxay ka wada hadleen
1)-Fiisaha & ciqaamada ardayda reer Somaliland ee Ethiopia wax-ka
barata dalkaasi, ka dib markii ethoipa go’aansatay in dib u eegis
lagu sameeyo ciqaamaadaha dadka ajaanibka ahi ku joogaan dalka
Ethoipa oo ay ku jiraan dadka Somaliland u dhashay.
2)-Waxay isku afgarteen in ardayda Somaliland ee Ethiopia dagen
waxna ka barta dalkaasi in ay safaarada Somaliland u soo gudbiyaan
liiska magacyadooda si dib u eegis loogu sameeyo loona siiyo
ciqaamado waxbarasho.
3)- Waxaana arrintaas loo xil saaray guddi ka koobaan labada dhinac
oo kala ah safiir-kuxigeenka Somliland u fadhiya dalka Ethoipa iyo
agaasimaha waaxda dalalka afrika ee wasaraada khaarajiga Ethoipa.
Inta ay hawsho socoto in aan la mustaafurin Karin ardayda u dhalatay
dalka Somaliland
Cumar Maxamed Faarax
Hargeysa,Somaliland
|