Jawaab ku socoto Amina
Kulmiye
Jawaab ku socota inanta reer
Kulmiye ee maagtay lama taabtaanka Mudane Sheikh Ahmed Yusuf Yasin
Waxa aan aad iyo aad ugu faraxsanay in Madaxweyne ku xigeenku
hormood ka noqdo xubnaha soo dhisaya gollaha dhexe ee UDUB, waxana
aan ku kalsoonay in uu hadh iyo habeen u taagan yahay u halganka
qaranka qofka xajiimeeyaana waa qaran dumiye jecel in dalka uu ka
dhaco is qabqabsi iyo dagaalo sokeeye si ay ugu hir gasho fikirkooda
qaldan, aduunku waxa uu leeyahay xeerar iyo qawaaniin, xisbi
kastaana waxa uu leeyahay taas oo kale.
Waxa aan aad iyo aad ula yaabay
gabadha la yidhaahdo Amina Hagi Mohamoud oo u waalatay taageerida
indho la'aanta ah ee xisbiga KULMIYE in ay ka taliso, arimaha
xisbiga UDUB. Somalilandarku waxa uu ku maahmaahaa tiisaba daryeelaa
tu kale ku dara, walaal waxa kula haboon in aad wax u sheegto
xisbiga aad ka tisran tahay ee KUlMIYE ee uu madax maray qabyaaladu
oo aad ku tiraahdo iska dhaafa qabyaalada oo qaran noqda.
Madaxweyne ku xigeenku is casili maayo sida aad ku talisay , waa uu
joogayaa doorashadana adiga iyo xisbiga aad ka tirsan tahay ee
Kulmiye midna ka dooni maayo wax food ah, waxa aan adiga iyo Kulmiye
idinkula talinayaa in aad raacdaa taladii uu idiin soo jeediyey
halyeyga Somaliland Mudane Haji Abdi Karim Hussein ee uu idinku
lahaa haddii la idinka helo ha wareerina oo ku qanca.
Waxa kale oo kula haboon in aanad ka talin xisbi aanad waxa cod ah
horena u siin iminkana aanad siin doonin, waxa kale oon ku
xasuusinayaa Madaxweyne ku xigeenku waa geesi, waakii ilaa ilaa
kalabeydh tegay ee shanta cisho joogay Sool halka gudoomiyahaagu
Mudane Al Xaj Ahmed Siilaanyo kaga soo laba goor noqday Laascaanood
baqasho awgeed.
Waxana aan aad kuula socodsiinayaa in xisbigaaga Kulmiye ay maanta
ku hadheen qabiilastayaal iyo dagaal oogayaal, waxana sharaf u ah
UDUB iyo UCID in ay kala galaan inta aan damiirkoodu siinayn in ay
kusii jiraan Kulmiye oo uu ay ka mid yihiin mujaahidiin dalkan usoo
halgamay sida Abdirahman tolwaa, Mujaahid Dhega weyne iyo aqoon
yahano adduunka laga yaqaano sida Dr. Ahmed Hussein Essa.
Waxa aan dhowaan dadka usoo gudbin doonaa maqaaladaadii ku taageeri
jirtay Kulmiye.
By:Abdi Qani
|