Jawaabtii Maqaalka Aadan Nur Axmed
Aniga oo ah muwaadin reer
Somaalilaand ah, oo degan dalkan Ingriiska Magaalada London, aya
waxa aan doonaya in aan u caqli celiyo Jaale Aadan Nur
Aniga oo ah muwaadin reer Somaalilaand ah, oo degan dalkan Ingriiska
Magaalada London, aya waxa aan doonaya in aan u caqli celiyo Jaale
Aadan Nur Axmed, oo aan tusaaleeyo in aanay dhacdadaa foosha xun ee
dhacday aanay u baahnayn in dab lasii shido ee ay u baaha ntahay in
la qaboojiyo. Inta ka dib waxa aan doonaya in aan ka tacsiyadeeyo
qooskii iyo dhamaan dadweynaha reer Soomaaliland ee jecel nabada
dilkii fooshaxuma ee ka dhacay tuulada Saameel. Waxaanan Ilaahay ka
baryaya in uu dadka xaqdrada ku dhintay naxariistii janada ka
waraabiyo inagana dhamaan samir iyo imaan inagaga siiyo.
Inta ka dib waxa aan leeyahay Jaale Aadan waa afxumko in aad
Madaxweeynaha soo qaadato naaneestiisa oo aad ka tagto magaciisa,
sababta oo ah ma ihidin laba qof oo saaxiib ah isuguna yeedhikara
naanees, mana kala dooransiinkartid jiritaanka Somaalilaand iyo
eriga ama joogitaanka Nuux Taani midnaba. Waxa kale ee aan jaale ku
xasuusinayaa, haddi aadan garaneyn Madaxweynaha magaciisa waxa la
tidhaa Mudane AXMED MOXAMED MAXAMOUD, ee hadaba marka dambe ee aad
istidha wax qor sida ula soco. Nuux Taanina waa nin madax ah oo loo
xil saaray ciidananka qaranka, waa nin xilkiisa si habsami ah u guta,
dhamaan xukuumadad iyo shacbiga reer Somaalilaandna kasooni buuxda
ku qabo, mana wanaagsana, mana fiicna in markii shqaaqo meelka
dhacdaba lala raadsado nin aan waxala wuxuu ka ogyahay jirin.
Hadeeyse adiga ka tahay in aad Somaaliland uga dhigto hosteej
shaqaaqada dhacday awgeed waxa ay ila tahay in gudcur gudayso, ee
bal dib isugu noqo.
Malaha in badan ayaad dalka ka soo maqneyde Somaaliland manta wey ka
gudubtay marxalad ay qof, koox ama qabiil baabiin karo ama uba
hanjabi karo. Taladuna waxa ay ku haboontahay in dhibaata walba
heerkeeda lagu xaliyo, ee ma wanaagsana in inta meesheeda laga
kaxeeyo la geeyo meel aan wax ka qabad lahayn. Hadaba waxa aan kuu
sheegaya, arinta foosha xun ee ka dhacday Saameel in xukuumada iyo
shacbiga reer Somaaliland aanu midna dhyalsaneen dilka fooshxun ee
ku dhacay qooska reer Somaliland. Goaan in lagu gaadhay in la soo
qabto cidii danbiilaha ahayd ee geeysatay arinta iyu dilka xaq
darada ah. Hadaba waxa aan kugula talinlaha in aad cadhuuftaada dib
u liqdo, maahmaahahaagana dib ula noqotid, kuna kalsoonaato in
dawladda iyo dadka reer Somaaalilandba xilka ay iska saareen sidii
gacan ku diiglayasha loo soo qaban laha abaalkoodana loo marin laha.
Waxa kale oo kula gudboon in aad raaligalin ka bixiso, oo aad ka
raaligaliso Madaxweeynaha, Nuux Taaniba, iyo ummadda reer
Somaalilaandba hanjabaada iyo aflagaadada aad meesha ku qortay.
Malaha jaale Adddan si kale ayaad wax u aragtaaye ma wanaagsana
inaad dab baxaya xaabo sii saartide waxa ka haboon in aad iku Daydid
in aad bakhtiiso.
Qore: Cali
Axmed Sh. Musa.
golwaraabe@yahoo.co.uk |
|