Kenya oo Xannibaad Ku
Soo Rogaysa Md. Yuusuf
Moses Wetangula
Dawladda Kenya oo xillagan haysa
madaxnimada urur-goboleedka IGAD ee dusha kala socda hab-socodka
dib-u-heshiisiinta Soomaaliya ayaa sheegtay in cunaqabayn ku soo
rogi doonto madaxwaynaha Soomaaliya Cabdullaahi Yuusuf Axmed.
Wasiirka arimaha dibadda Kenya Moses Wetangula
ayaa madaxwaynaha ku tilmaamay in uu carqalad ku yahay nabadda
Soomaaliya, sidaa darteedna lagu soo rogayo isaga iyo qoyskiisaba
xayiraad xagga safarka ah iyo waliba hantida Kenya u taal oo la
xannibi dooo.
Madaxwayne Cabdullaahi Yuusuf ayaa maanta ra’iisul-wasaari u
magacabay ninka ay sida wayn isugu dhowyihiin Maxamed Maxamuud
Guuleed Gacmadheere oo isagu badali doona ra’iisul-wasaare Nuur
Cadde.
Si kastaba ha ahaatee, ra’iisul-wasaare Nuur Cadde ayaa Isniintii
shalay ahayd si wayn codka kalsoonida uga helay barlmaanka
Soomaaliya, maalin kadib markii uu madaxwaynuhu sheegay in uu
shaqadii uga joojiyay sababo la xiriira musuqmaasuq iyo karti la’aan.
Isqab-qabsiga siyaasadeed ee ka dhex jira madaxda Soomaaliya ayaa ku
soo beegmay iyada oo ay Soomaaliya isku dayayso sidii ay wax uga
qaban lahayd Islaamiyiinta xag-jira ee awoodda badan iyo
burcad-badeedda ka jirta xeebaha Soomaaliya.
Source:voa
|