Labada Garab Ee Xisbiga UDUB Oo Khilaafkoodu Gaadhay In Aanay Madal
Wada Fadhiisan, Garab Ka Mid Ahina Ka Baxay Xafladii UCID Markii
Garabkii Kale Soo Galay.
waxa ay khilaafka UDUB dhinac iska matalayaan Khilaafkii... Daawo
Sawiradda Garab Ka Mid Ah UDUB oo lagu maslaxayo in ay xaflaada ku
soo laabtaan
Hargeysa (TNN) - Khilaafka ka dhaxeeya labada garab ee uu u kala
jabay Xisbiga UDUB oo si weyn dibeda ugu soo baxay ka dib markii
maalintii shalay Golaha dhexe ee uu hogaaminayey Axmed Yuusuf
Yaasiin Musharaxa Madaxweynaha Xisbigaasi u doorteen Jamaal Cali
Xuseen, ka dibna Cali Warancadde iyo garab uu hogaaminayaana shirkii
lagu dooranayey Jamaal Cali Xuseen ka soo xaadiri waayeen oo ay ku
tilmaameen Doorashadaasi mid sharci darro ah ayaa waxa maanta
xafladii Shirweynihii Xisbiga UCID iska baxay Jamaal Cali Xuseen iyo
koox uu hogaaminayo, ka dib markii uu soo galeen Cali Warancadde,
Siciid Sulub iyo koox ay hogaaminayaan.
Jamaal Cali Xuseen iyo kooxda uu hogaaminayo oo fadhiyey Madasha
dadweynaha markii hore ayaa waxa markii dambe soo galay Cali
Warancadde iyo Siciid Sulub oo madasha si weyn loogu kacay, isla
markaana la fadhiisiyey madasha Masuuliyiinta, waxaana markii dambe
laga codsaday Jamaal Cali Xuseen in uu soo fadhiisto madashaasi,
balse wuu diiday isaga oo inyar ka dibna ka baxay Madashii, isku day
badan oo ay dadkii madasha joogay isku dayeen in ay ku soo celiyaan
madasha ayaanay suurto gelin, isaga oo Jamaal sheegay in uu Geeri
tagayo.
Si kastaba ahaatee waxa ay khilaafka UDUB dhinac iska matalayaan
Khilaafkii soo kala dhex galay Masuuliyiintii UCID ee markii dambe u
kala jabay ilaa Ururo oo ay isla galeen Maxkamada, taasi oo ay iska
matalaan dhinaca tagista Xafladaha oo barigii hore marka labada
garab ee UCID marka Xafladaha lagu casuumo ee uu midkood ka war helo
in uu midkii kale joogay ka kale aanu ka soo xaadiri jirin.
Sawirkan Hoose waxa uu ka turjumayaa Cali Warancadde iyo Siciid
Sulub oo meeshii Masuuliyiinta loogu talo galay Fadhiya
Sawirkan kalena Jamaal Cali Xuseen iyo Kooxdiisa oo madashii
Shacabka kale loogu talo galay fadhiya Xafladii UCID
Sacad Muse Cabdi
Timacade News Desk
Hargeysa/ Somaliland
|