MA AHAYD KHUDBADDII LA FILAYEY
IYO WIXII LOOGA FADHIYEY ???
Khudbad Sanadeedkan Madaxweynaha Somliland Mud. Siilaanyo maanta uu
ka hor jeediyey g olayaasha qaranku waxay ahayd mid muddaba laga
dhur-sugayay oo dadku aad ugu dhag ta agayeen.
Waxay haddaba noqotay ama ahayd KHUDBAD loo arkay sidan HOOS ku
qoran :
1. khudbad muujinaysa guulaha is-daba-joogga
ah ee dalkeenu gaadhay muddo yar oo gaaban gudaheed.
2. khudbad laga dheehan karo wax-qabadka
dhab ah ee dalku ku tallaabsaday.
3. khudbad laga daalacan karto rajada
iyo mutaqbalka ifaya ee qaranka curdinka ee somaliland.
4. khudbad sida dhayda u caddaysay
jihada saxa ah (the right direction) ee loo wado iyo jidka toosan ee
loo qaadayo ka-midho-dhalinta masiirka ummadda oo aan marna
GORGORTAN geli karin.
5. khudbad dadka intii shakisan u
iftiimisay daacadnimo iyo hagar la'aanta hoggaanka ay door teen.
6. khudbad gelisay khushuuc quluubta
muwaadiinta dhabta ah taasoo dhaqaajisay dareenka shucuurta
dadweynaha.
7. khudbad ku abuurtay kalsooni weyn
iyo yididiilo fiican.
8. khudbad dhagaha u cushay
muwaadiniinta jecel hor-u-marka dadka iyo dalkooda, qalbi-jabna ku
ridday kuwa aan dhagahoodu jeclayn hanaqaadka Somaliland.
9. khudbad aad u heer sarreysa oo
xirfad iyo farshaxanimo ka muuqato.
10.Waxay soo bandhigtay waayo
aragnimada siyaasadeed iyo hoggaamiyanimo ee Madaxwey naha J.S.L iyo
haybadda qaranka Somaliland.
11.khudbad su'aalo badan oo dadka qaar
is weydiinayeen si toos ah u taabatay una gudbisay jawaab shaafi ah.
12.khudbad xambaarsan FARRIIN CULUS oo
geesinimo iyo u-quus-goyn ah u gudbisay maamulka Muqdhisho ee
gacan-ku-rimiska ah, ee ay dhoodhoobayaan dawladaha shisheeye.
13.khudbad koobsatay wixii ummaddu u
hanqaltaagaysay ee ay xukuumadooda
uga fadhiyeen.
INKASTOO LOO BAAQOO
OO LOO SHEEGO BARWAAQO DAD BAY MEELI
BUGTAA ...... BUGTAA ......B UGTAA
Wa Billaahi Tawfiiq
Cali Xaruuri
|