Madaxweynaha oo la Kulmay Wefdigii ka socday
Jamhuuriydda Jabuuti
Madaxweynaha Jamhuuriyadda Somaliland Mudane Daahir Rayaale
Kaahin ayaamaanta xafiiskiisa ku qaabilay wefdi balaadhan oo uu
hogaaminayay Wasiirka Maaliyada Jamhuuriyadda Jabuuti Mudane Cali
Faarax Casoowe.
Kulankan dhex maray Madaxweynaha iyo Wefdiga reer Jabuuti , waxa ay
ka wada hadleen xoojinta xidhiidhka labada dal ee walaalaha ah
iyo sidii laysaga kaashan lahaa dhinacyada Nabad gelyada ,
Dhaqaalaha , waxana Wasiirka Maaliyada ee Jabuuti uu
Madaxweynaha iyo shacbiga reer Somaliland gaadhsiiyay dhambaal
taageero iyo tacsi ah oo uu ka siday Madaxweynaha Jamhuuriyadda
Jabuuti Mudane Ismaaciil Cumar Geelle, oo uu ka tacsiyadaynayay
dhacdadii waxshinimada ee arga gaxisadu ay ka fulisay caasimada
Hargeysa.
Ugu danbayntii, kulankaasi waxa uu ku dhamaaday Jawi fiican oo is
afgarad.
Kulankaasi waxa kale oo goob joog ka ahaa Wasiirada Maaliyada Mudane
Xuseen Cali Ducaale, Arrimaha Gudaha Mudane Cabdillaahi Ismaaciil
Cali “Cirro”, Duulista iyo Hawada Mudane Cali Waran cadde iyo
Maayarka Caasimada Hargeysa Eng Xuseen Maxamuud Jiciir.
Alla Mahad leh
Siciid Cadaani Mooge
Af-hayeenka Madaxtooyada,
Ahna La Taliyaha Madaxweynaha ee Warbaahinta
|