Madaxweyne Siilaanyo Oo Oo Baarlamaanka U Gudbiyay Xeer Mu shahar
Loogu Xadeeyay Madaxweynaha Iyo Madaxweyne Ku Xigeenka
Sida ay xaqiijiyeen ilo xogogaal ah oo u dhuun-daloola Madaxtooyada
iyo golayaasha.........
Hargeysa (TNN) - Madaxweynaha Somaliland Axmed Maxamed Maxamuud
Siilaanyo ayaa la sheegay inuu golaha wakiilada Khamiistii
todobaadkii hore usoo gudbiyay xeer cusub oo xu quuq mushahar loogu
xadeeyay masuuliyiinta jagooyinka hab maamuuska Qaran ee dalka hore
uga soo qabtay sida Mansabyada Madaxweynaha, Madaxweyne ku xigeenka,
gudoomiyaha golaha wakiilada iyo gudoomiyaha golaha guurtida.
Sida ay xaqiijiyeen ilo xogogaal ah oo u dhuun-daloola Madaxtooyada
iyo golayaasha sharci dajinta ayaa sheegay in Madaxweyne Axmed
Siilaanyo xeer cusub oo xukuumadu soo curis ay oo mushahar loogu
qoondeeyay masuuliyiintii jagooyinka Madaxweynaha, Madaxweyne ku
xigeenka iyo gudoomiyayaasha labada gole ee Baarlamaanka hore u soo
qabtay usoo gudbiyay Khamiistii todobaadkii hore, kuwaas oo la
sheegay in qodobada xeerkaasi cusub lagu cadeeyay in masuulka hore
jagada Madaxweyne dalka uga soo qabtay mushahar bishii u qaato
$2,300, halka masuulka jagada Madaxweyne ku xigeenka soo qabtayna la
sheegay in loogu cayimay inuu bishii u qaato mushahar dhan $1,750,
halka sidoo kalena la sheegay in gudoomiyayaasha golayaasha
wakiilada iyo guurtida jagooyinkaasi soo qabtayna musha har ay
bishii u qaataan min $1,500.
Xeerkaasi cusub ayaa sidoo kale qodobadiisa lagu sheegay in masuulka
jagooyinkaasi hore u soo qabtay ee mar kale jagooyinkaasi isku soo
sharaxa ama xisbi gala uu xuquuqdaasi m suhahar laga joojinayo, isla
markaana waayayo xuquuqda xeerkaasi loogu cadeeyay.
Xeerkan cusub ayaa la sheegay in golaha wakiiladu ay doodo ka yeelan
doonaan qodobada uu xambaarsan yahay, kaas oo la filayo in
kalfadhiga 18aad ee maanta furmaya goluhu ka ga doodi doono
xeerkaasi masuuliyiinta jagooyinka hab maamuuska qaran ee dalka hore
u soo qabtay xuquuqda loogu cayimay.
Dhinaca kale Madaxweyne Siilaanyo ayaa shalay qasriga Madaxtooyada
kulan kula yeesha y xildhibaanada xisbiga Kulmiye ee golaha
wakiilada iyo hogaanka sare ee xisbigaasi Muuse Biixi Cabdi, oo la
sheegay in kulankaasi lagaga wada hadlay doorka xisbiga Kulmiye iyo
dard ar galinta tartanka doorashada golayaasha deegaanka ee la
filayo inay dalka ka qabsoonto 28 November 2012-ka.
Source :Haatuf
|