Madaxweyne-ku-xigeenka iyo Wasiirka Maaliyadda oo si Adag uga Hadlay
Laaluushka iyo Lunsiga Hantida Dawladda
“Madaxdeenna qaranka dhammaantood ka u sarreeya ilaa ka u hooseeya
waxa looga baahan yahay in hantida qaranka lagu soo xereeyo qasnadda
dawladda”
“Haddaad hal milyan oo laaluush ah aad bishii isticmaasho oo sifo
khaldan kugu soo gala…”
Cabdiraxmaan Saylici
“Bani’aadam baynu nahay oo qofku markuu xil hayo ee uu lacagta
qabanayo, lacagtaasi mararka qaarkood bay ku leexanaysaa” Wasiir
Samaale
Hargeysa (TNN)- Madaxweyne-ku-xigeenka Jamhuuriyadda Somaliland Md.
Cabdiraxmaan Cabd illaahi Ismaaciil (Saylici) iyo Wasiirka
Maaliyadda Md. Cabdicasiis Maxamed Samaale, ayaa si dag uga hadlay
istcimaalka laaluushka iyo musuqmaasuqa lagu lunsado hantida iyo
dakhliga dawlad da.
Md. Saylici oo hadal ka jeediyey xaflad loo sameeyey shalay ciidan
boolis ah oo tababar dhamm aystay, waxa uu sheegay in laaluushka iyo
dakhliga dawladda ee sida dhibka yar la iskaga qaa to ay yihiin
xaaraan aan ubadkaagaa u fiicanayn, halka Wasiirka Maaliyaduna
tilmaamay inay ka go’an tahay in dakhliga la lunsan jiray uu ku
dhaco qasnadda qaranka.
Madaxweyne-ku-xigeenka Somaliland, waxa uu sheegay in aan xaaraan
lagu raadsan, wixii xala al qofku ku heli karayo.
“Waxa la yidhi, ‘Wax aad xalaal ku helayso, xaaraan laguma doono.
Madaxdeenna qaranka dha mmaantood ka u sarreeya ilaa ka u hooseeya
waxa looga baahan yahay in hantida qaranka la gu soo xereeyo
khasnadda dawladda, marka hantida la soo xereeyo nin walba daryeelka
uu u baahan yahay wuu helayaa.
Waxa la yidhi, waxyaabaha la iska qaad-qaato ee sida dhibka yar kugu
soo galaa si dhib yar b ay kaaga baxdaa, lacag xisaabtan lehna ma
aha. Haddaad hal milyan oo laaluush ah aad bishii isticmaasho oo
sifo khaldan kugu soo gala qiimo ay ku fadhidaa ma jirto, waana
xaaraan oo ubadkaaga uma fiicna, haddiise aynu ku dedaalno in
dakhliga iyo cashuurta dalka meel la isugu keeno waxa lagu qasban
yahay in lacagtaas la soo ururiyey aanay noqon mid meel iska taal ee
waxay dib u geli doontaa ciidammada qaranka iyo shaqaalaha dalka,
bulshadana waxaan leeyahay cashuurta iska bixiya si qof walba u helo
adeegyada bulshada oo caafimaad iyo waxbarasho ka mid yihiin,” ayuu
yidhi Madxweyne-ku-xigeenka Somaliland.
Sidoo kale, Wasiirka Maaliyadda Md. Cabdicasiis Maxamed Samaale oo
isaguna ka hadlay xaflad dugsiga tababarka Mandheera loogu sameeyey
shalay askar cusub oo booliska Somaliland lagu kordhiyey, ayaa xusay
in bilaysku door fiican ka qaadan karo ilaalinta dakhliga dalka,
isagoo tilmaamay in lacagta cashuurta ah ku lumi jirtay gacanta
shaqaalaha iyo masuuliyiinta dawladda, balse hadda caqabaddaas ka
takhaluseen.
‘Waxaan leeyahay booliska dalkeennu wuxuu u baahan yahay in la wada
dhiso. Inanka lacagta qaadaya ee cashuurta qabanayaa wuxuu u baahan
yahay inanka dirayska gashan ee ilaalinaya. Bani’aadam baynu nahay
oo qofku markuu xil hayo ee uu lacagta qabanayo, lacagtaasi mararka
qaarkood bay ku leexanaysaa, markaa waxaynu u baahannahay in
dakhliga dalka; waxa ilaalinaya inamada kastamada, waxayna waajib
tahay in ciidanka boolisku la ilaaliyaan.
Waxaan qirayaa in labadii bilood ee u dambeeyey uu dakhli badan
dalka u soo hoyday, sababteedana waxa leh Ilaahay (SWT), sababteeda
labaadna waxa leh Wasaaradda Maaliyadda, sababteeda saddexaadna waxa
leh ciidanka booliska oo wadashaqayn wayni naga dhexayso oo aan
doonayo inay noqdaan gacanta midig ee Wasaaradda Maaliyadda.
Wasaaradda Maaliyaddu hadday lafdhabar ka tahay ururinta dakhliga
dalka, waxa naga go’aan ah in lacag badan oo lumi jirtay aanay lumin,
lacagtaasoo ku lumi jirtay gacanta shaqaalaheenna iyo
masuuliyiinteenna kala duwan.
Waxa naga go’aan ah in dakhligii dawladda ee la lunsan jiray uu
Ilaahay dartii qasnadda dawladdu u galo, hawshaasna cidda koowaad ee
aannu la kaashanaynaa marka Ilaahay (SWT) laga yimaad waa Wasaaradda
Arrimaha Gudaha iyo ciidanka booliska, waxaanan doonayaa in
wada-shaqayntaasi sii adkaato, waxaanan leeyahay shillinka xaaraanta
ah ee calooshaada gala ubadkaaga, mustaqbalkaaga iyo dalkaagaba wax
ayuu yeelayaa,” ayuu yidhi Wasiir Samaale.
Source:Jamhuuriya
|