Marwada koowaad Ee Jamhuuriyada Somaliland Marwo Aamina Xaaji
Maxamed Jirde Oo Booqatay Cisbitaalka Wayn Ee Magalada Hargeysa
Marwadda ayaa gudoonsiisay maamulka cisbitaalaka deeq xoolo nool
ah.........
Hargeysa (TNN):-Marwada koowaad ee Jamhuuriyada Somaliland Marwo
Aamina Xaaji Maxamed Jirde, waxa ay maanta booqasho iyo deeqba ugu
tagtay Bukaan-jiif Dhakhtarka Guud ee cisbitaalaka Hargeysa marwada
oo ka duulaysa Duruufaha ka jira Cusbitalka waxa ay soo kormeertay
Qaybta Dadka Dhimirka ka xanuunsanaya, Waadhadhka kala duwan ee
Dhakhtarka iyada oo bukaanka oo ay mid mid u soo dul martay uguna
ducaysay in alle ka dulqaado Xanuunka haya Bishaa ramadaan ee
gobogabada ah awgeed.
Marwada ayaa deeqdan xoolaha oo tiradoodu gaadhaysay labaatameeyo
neef oo adhi ah oo loogu tallo galay dadka bukaan jiifka
cisbitaalkaasi gudoonsiisay agaasimaha cisbitaalka.
Agaasimaha cisbitaalka guud Axmed Cumar Askar oo marwada ka gudoomay
deeqdaasi ayaa warbixin kooban oo uu siiyey waxa uu sheegay in
cisbitaalka uu ka socdo adeeg hufan isla markaana ay wax badan ku
soo kordhiyeen mudadii koobnayd ee mas’uul;iyadiisa hayeen, halka
sidoo kalena uu marwada uga mahadnaqay deeqdan bani’aadanimo ee ay
soo gaadhsiisay dadka bukaan jiifka ah ee cisbitaalka yaalla.
Marwada madaxweynaha oo kormeerkeeda cisbitaalka ay ku wehelinayeen
masuuliyiin ay mid mid ahaeen wasiirada wasaaradda waxbarashada iyo
tacliinta sare Marwo Samsam C abdi Aadan iyo wasiirada Deegaanka iyo
horumarinta reermiyiga marwo Shugri Xaaji Baan daray ayaa dhamaantood
kormeer ku maray qaybaha waadhadhka ee cisbitaalka guud iyo
cisbitaalka caruurta ee Dr.Maxamed Aadan Sheekh.
Timacade News Desk
Hargeysa,Somaliand
|