Baroordiiq
Cabdullaahi Maxamed Cumar iyo Xaaskiisa oo deggan dalka Ingiriisku,
waxay tacsi tiiraan yo leh u dirayaan dhammaanba dadweynaha reer
Somaliland iyo eheladii iyo asaxaabtii Alle ha u naxariistee,
Koosaar Cabdullaahi Yaasiin.
Alle ha u naxariistee Koosaar Cabdullaahi Yaasiin waxannu isbaranay,
sanadihii 2005-illaa bilowgii 2009kii. Xilligaasi oo ahaa xilli uu
abtigay Axmed Muuse Geeddi ( Sanjab) xanuuns anayey oo uu cusbitaallo
kala duduwan oo London ku yaalla galay.
Naxariistii janno Alle ha siiyo labadoodabee, Koosaar Cabdullaahi
wuxu ahaa; ninka keliya ee hadh iyo habeenba duljoogi jirey abtigay
Axmed Muuse- isla markaasina la macaamili jirey dhakhtaradii daweyn
jirey abtigay!
Waxa kale oo uu Koosaar Cabdullaahi ahaa, ninka dhakhtarada ka soo
qori jirey; waraaqaha fiisaha Ingiriisku ku siin jirey: walaaladay
iyo aayaday Caasha Aadan Guuleed oo ka iman jirey Maraykanka- si ay
u soo booqdaan abtigay Sanjab!
Jannatul Firdowsa Ilaahay ha geeyee, Koosaar Cabdullaahi Yaasiin
wuxu ahaa; nin aad u naxariis badan, ehlu diin ah, caqli iyo aqoon
badani ka muuqato oo kaftan badan.
Waxan aad u farxi jirey, marka aan arko Koosaar oo la jooga abtigay
Axmed - labadooda ba Ilaahay ha u naxariistee. Waayo, kaftan iyo
sheekooyin ay isla garanayaan ayay ka sheekaysan jireen inta ay wada
joogaan- kuwaasi oo xanuunjabin (pain killers) u noqon jirey abtigay!
Haddaba aniga oo ku hadlaya magaca: reer Geeddi Ismaaciil iyo
tafiirtooda oo dunida daa faheeda kala jooga, waxannu Ilaahay ka
baryaynaa; in uu Koosaar Cabdullaahi geeyo jan nooyinkiisa hala ugu
sarrayso.
Dhinaca kale, waxannu guud ahaan reer Cabdullaahi Yaasiin, gaar
ahaanna xaaskiisii iyo carruurtiisaba la qaybsanaynaa; murugada ka
dhalatay geerida Koosaar.
Waxannu ehelada Koosaar ka baxay xasuusinaynaa, in ay cuskadaan oo
xasuustaan qawlka Ilaahay dadka mu'miniinta u jideeyey marka ay
xaaladdan oo kale taagan tahay oo ah:
ٱلَّذِينَ إِذَآ أَصَـٰبَتْهُم مُّصِيبَةٌ قَالُوٓا۟ إِنَّا لِلَّـهِ
وَإِنَّآ إِلَيْهِ رَٰجِعُونَ ﴿١٥٦﴾ أُو۟لَـٰٓئِكَ عَلَيْهِمْ صَلَوَٰتٌ
مِّن رَّبِّهِمْ
|