Marxuum cali sheekh maxamed jirde oo si
heer qaran ah loo aasay
Mudo yar ka dib markii xabaasha la dhigay marxuumka ayaa waxaa ku
curtay goobtii aasku ka socday Roob lagu diirsaday oo lagu qabawsay.
Waxa munaasabadda ka hadlay madax sare.
Eng Cali sh, Maxamed Jirde oo 09/10/08 ku geeriyooday cusbataalka
magaalada Hargaysa ayaa maanta oo jimce ah lagu aasay deegaanka
DARIIQADA oo ah xaafad ka tirsan degmada Shiikh, aaska marxuunka
ayaa waxa ka soo qaybgalay Wafti Xukuumada oo uu hogaaminayao M/weyne
ku xigeenku,ayna weheliyaan Wasiirada Waxbarshada iyo Hawlaha
guud,Axsaabta Mucaaridka,Hayadaha Samafalaka caalamiga iyo kuwa
maxaliga iyo dadweyne fara badan badan oo ka kala yimi gobolada
Dalka.
Maydka marxuumka oo abaaro
12:00pm soo gaadhay goobta xabaasha laga qoday oo ku taal xabaalaha
DARIIQADA ayaa ugu horayn waxaa lagu soo rogay masaajid ku dhaw
goobta xabaasha laga diyaariyey oo sida lasheegay ay ku aasanyihiin
marxuumka eheladiisa qaarkamid ah,halkaasi oo salaatul jinaasadii
lagaga tukaday marxuum cali jirde kadibna loodareeray dhankii ay
xabaashu ahayd .
Mudo yar ka dib markii iillka
xabaasha la dhigay Maydkii marxuunka oo laqaatay majarafadihii
camuuda lagu rogilahaa ayaa waxaa ku curtay goobtii aasku kasocday
Roob lagu diirsaday oo in kudhaw rubuc saac nahayey kaasi oo lagu
qabawsay iyadoo maanta ay ahayd maalin roobaad oo jidka u dhexeeyaa
shiikh ilaa burco uu roobku ishayey kadib aaskii marxuum cali waxaa
hadalo kooban ka jeediyey madax kala diwan oo dhamaantood ku
ammaanay cali jirde inuu ahaa Tiir uu kabaxay ummada s/land
Wasiirka Hawlaha Guud iyo Guriyeynta, Md. Siciid Sulub Maxamed, oo
isna ka hadlayey shakhsiyada marxuumka ayaa yidhi; "Wuxuu ahaa nin
karti iyo raganimo u dhashay, wuxuu ahaa nin dulqaad badan oo run
sheeg ah, waxanan xasuustaa muddadii lixda bilood ahayd ee uu nala
shaqaynaayey wax qabadkiisii iyo talooyinkiisii, waa nin aan la
ilaawi Karin".
Guddoomiyaha Xisbiga Kulmiye, Md. Axmed Maxamed Maxamuud (Siilaanyo),
oo ay aqoon durugsan isku lahaayeen marxuumka, ayaa marxuumka ku
tilmaamay shakhsi ku sifoobay wadaniyad, daacadnimo, deeqsinimo iyo
dad la dhaqan, isla markaana u dhashay karti iyo hufnaan.
Waxa kale oo sooyaalkii marxuumka ka warramay xubno ay ka mid yihiin
Muj. Cabdiraxmaa Aw Cali Faarax, Maxamed Kaahin Axmed, Eng. Maxamed
Xaashi Cilmi, kuwaasoo wadajir ah u qiray taariikhdii wanaagsanayd
ee marxuumka iyo wax-qabadkiisii.
Marxuun Cali Jirde,ayaa ahaa xiligan gudoomiyha Bisha cas ee
Somaliland,Aaaska marxuunka ayaa u dhacay si heer Qaran ah.
Togdheernews
|