MasaajidadaIyo Masaakiinta - I
bulsho kasta oo aduunka ku nool
waxa xaqiiqo ah in laga dhex helayo, amaba ay leedahay dad badan oo
masakiin ah,waxna aan heysanin .marka dhinac laga eego waa
imitixaan rabaani ah,dadka ayaana la isku imtixaanayaa.maxaa yeelay
ilahay adoon kasta sidiisa ayuu u abuuray ,goonidiisana wax wuu u
siin karaa,laakin inta wax heysata ayaa lagu eegayaa sida ay ugu
gar,garaan.waxa bulsho kastaba ay leedahay dad baahan oo loogu talo
galay in la caawiyo,sadaqada iyo sakadana la siiyo.
meel kasta oo aduunyada ka mid ah,xitaa wadamada horumaray waa laga
helayaa dadyow ku dhextabaleysan amaba ku baahan,somaliland-na
maanta haddad eegto waxaad aad u dareemi kartaa in ay jirto amaba
soo badaneyso duruufaha sababaya in dadka qaarkii ay masakiin
noqdaan,amaba waxa la odhan karaa xaalado badan oo maanta jiraa waxa
ay si toos ah u muujinayaan sida baahidu u xad dhaaftay.
Run ahaantii waxa jirta baahi badan oo ay qabaan in badan oo ka mid
ah bulshadeenu,weyna kala badan yihiin maanta dadka wax heysta iyo
inta aan waxba heysanin.waxa malaa laba jeer badan danyarta iyo
masakiinta sida dhabta ah u baahan.nabada macaan ayuunbaa lagu soo
toosaa,laakin xaqiiqdii waxa jira dadyow badan oo saddexda wakhti
mid ka mid ah afka wax geliya.amaba aan midna waxba cunin.
Dadkaasi baahan weliba waxa ku jira in badan oo aan hadal oo ka
xishooda in ay dadka wax weydiistaan,oo laga yaabo in ay ka mid
yihiin jaarar badan oo xaafadaha ka tirsani.
Waxase jira in badan oo ka mid ah, oo gaajo waa cudure u adkeysan
waayey fakhrinimada haleeshay dadkana gacmaha hoos dhigtay.
Dedaalka bulshada ee ku wajahan arintani ma maqna,hase ahaate ma
buurna.waan ogahay indhaheygana waan ku soo arkay xaafado iyo meelo
badan oo magaalada ka mid ah oo arintani laga hadal hayo,dadkana wax
loogu uruuriyo.waxa kale oo iyadana aan arkay ,dhageysteyna xubno
bulshadeena martabad ku leh sida culimo marar badan arintan ka
hadashay,bulshadana u tusaaleyey baahiyaha taagan iyo sida loogu
bahan yahay in la caawiyo dadka tabaleysan.
Sidoo kale waxa jira xarumo loo furay miskiin kal,kaalka oo xaafado
ka mid ah magaalada aad uga shaqeeya.masaajido ayaana jira jimce
kasta dadka lagu xasuusiyo arimahani.
Si kastaba ha,ahaate dad is xilqaamayaa inta ay qaban karaan waa ay
xadidan tahay ,maxaa yeelay arintani waa arintii dawladi wax ka
qaban laheyd.markaa taasi waxay keeneysaa in baahidii in yar uun wax
laga qabto inteedii badneydna ay guud ahaan dalka ka jirto.
Danyarta hadda bulshadu leedahay,waxa ka xanuun badan marka intii
wax heysatay ay sii degayaan ee ay ku biirayan dabaqada
masakiinta.maamulka arimo badan ka gaabiyey ee dawlada waxa laga
rajeynayaa in guud ahaan shicibka wax u qabto,masakiintana xaalkooda
ogaado.
Waxaan haddaba maqaalkan kulafa guri donaa,nidaamka tuugsiga ee
wakhtigan,yaa miskiin loogu yeedhi karaa?cid aan miskiin aheyn ama
aan danyar aheyn oo haddana iska dhigeysa ama ku andacoonaysa sidee
lagu ogaan karaa?goormaa qofku miskiin noqon karaa?dhibta
masaakiintu ku hayaan masaajidada magaalada.maxaad ka og tahay?Waxa
kale oo qeyb ka ahaan doona maqaalkan talooyin muhiima oo soo socda?
La soco taxanaha danbe
Abdifataah Mohamed Ahmed
Ceelaabe_10@hotmail.com
|